🟦🟦🟦🟦🟦🟦🟦

O‘zDJTU vakillari Erasmus+ KA171 loyihasi doirasida Ispaniyaga tashrifni boshladi

O‘zbekiston davlat jahon tillari universiteti delegatsiyasi Erasmus+ KA171 loyihasi doirasida Ispaniyaga tashrifning birinchi kunida xalqaro seminar-trening dasturida ishtirok etdi.

2026-yil 13–17-iyul kunlari O‘zbekiston davlat jahon tillari universiteti rektori Ilxomjon Tuxtasinov boshchiligidagi delegatsiya Ispaniya Qirolligining Logronyo shahrida joylashgan Rioxa universiteti (Universidad de La Rioja)da tashkil etilgan xalqaro seminar-trening va tajriba almashish dasturida ishtirok etmoqda. Mazkur tashrif “2023-1-ES01-KA171-HED-000148842” raqamli Erasmus+ KA171 loyihasi doirasida amalga oshirilmoqda.

Tashrifdan ko‘zlangan asosiy maqsad O‘zbekiston davlat jahon tillari universiteti hamda Rioxa universiteti o‘rtasidagi strategik hamkorlikni yanada rivojlantirish, Erasmus+ dasturi doirasidagi akademik mobillikni kengaytirish, ilmiy-tadqiqot faoliyatini mustahkamlash, qo‘shma ta’lim dasturlarini yo‘lga qo‘yish hamda professor-o‘qituvchilar va talabalar almashinuvini yangi bosqichga olib chiqishdan iborat.

Tashrifning birinchi kuni O‘zDJTU delegatsiyasini Rioxa universitetining Xalqaro aloqalar bo‘yicha prorektori Carmen Novo Urraca hamda Xalqaro aloqalar bo‘limi boshlig‘i Ana Pajares Ciercoles samimiy kutib oldi.

Uchrashuv davomida tomonlar Erasmus+ KA171 loyihasi doirasida amalga oshirilgan ishlar va erishilgan natijalarni sarhisob qildilar. Shuningdek, hamkorlikning bugungi holati, amalga oshirilayotgan loyihalarning samaradorligi hamda istiqboldagi ustuvor yo‘nalishlar yuzasidan atroflicha fikr almashildi.

Muloqot chog‘ida akademik mobillik dasturlarini kengaytirish, professor-o‘qituvchilar va talabalar almashinuvini yanada faollashtirish, qo‘shma ilmiy-tadqiqot loyihalarini amalga oshirish, innovatsion ta’lim tashabbuslarini rivojlantirish hamda yangi xalqaro grant loyihalarini birgalikda ishlab chiqish masalalari muhokama qilindi.

Seminar-treningning ilk kunida ishtirokchilarga Rioxa universitetining xalqaro hamkorlik siyosati, Erasmus+ dasturlarini muvaffaqiyatli amalga oshirish tajribasi, xorijiy oliy ta’lim muassasalari bilan ishlash mexanizmlari hamda ta’limni internatsionallashtirish yo‘nalishida olib borilayotgan zamonaviy yondashuvlar haqida batafsil ma’lumotlar taqdim etildi.

🌐 Biz ijtimoiy tarmoqlarda:
Telegram | Instagram | Facebook | Sayt

🇺🇿🇺🇿🇺🇿🇺🇿🇺🇿🇺🇿🇺🇿

Erasmus+ dasturi doirasida xalqaro akademik hamkorlik yangi bosqichga ko‘tarildi

O‘zbekiston davlat jahon tillari universiteti delegatsiyasi Ispaniya Qirolligining nufuzli oliy ta’lim muassasalaridan biri — Rioxa universiteti (Universidad de La Rioja) bilan amalga oshirilayotgan “2023-1-ES01-KA171-HED-000148842” raqamli Erasmus+ KA171 loyihasi doirasida 2026-yil 13–17-iyul kunlari Logronyo shahrida tashkil etilgan xalqaro seminar-trening va tajriba almashish dasturida ishtirok etmoqda.

Tashrif doirasida, 2026-yil 13-iyul kuni O‘zbekiston davlat jahon tillari universiteti rektori Ilhomjon Tuxtasinov hamda Rioxa universiteti rektori Eva Sanz Arazuri o‘rtasida Anglashuv memorandumi (Memorandum of Understanding) imzolandi. Mazkur hujjat ikki universitet o‘rtasidagi uzoq muddatli strategik hamkorlikni yanada mustahkamlash, ta’lim va ilmiy-tadqiqot sohalaridagi aloqalarni kengaytirishga xizmat qiladi.

Uchrashuv davomida tomonlar o‘zaro hamkorlikning istiqbolli yo‘nalishlari yuzasidan atroflicha fikr almashdilar. Xususan, quyidagi masalalarga alohida e’tibor qaratildi:

✔️ qo‘shma ta’lim dasturlarini ishlab chiqish va joriy etish;
✔️ talabalar hamda professor-o‘qituvchilar akademik almashinuvini kengaytirish;
✔️ ilmiy-tadqiqot faoliyati va qo‘shma ilmiy loyihalarni rivojlantirish;
✔️ Erasmus+ va boshqa xalqaro grant dasturlarida hamkorlikni yanada faollashtirish;
✔️ onlayn konferensiyalar tashkil etish hamda o‘quv-uslubiy adabiyotlar va darsliklarni hamkorlikda yaratish.

Shuningdek, uchrashuv davomida ta’lim jarayoniga ilg‘or xalqaro tajribalarni joriy etish, universitetlarning xalqaro salohiyatini oshirish, akademik mobillikni kengaytirish hamda zamonaviy ta’lim texnologiyalarini amaliyotga tatbiq etish masalalari muhokama qilindi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

O‘zDJTU vakillari Erasmus+ KA171 loyihasi doirasida Ispaniyaga tashrifining 1-kuni

O‘zbekiston davlat jahon tillari universitetining xalqaro hamkorlik aloqalari doirasida Yevropa Ittifoqining Erasmus+ KA171 dasturi asosidagi loyihalar izchil rivojlanib bormoqda.

Tashrifning birinchi kuni Rioxa universiteti rahbariyati bilan rasmiy uchrashuv hamda universitet faoliyati taqdimotidan so‘ng seminar-trening dasturiga muvofiq universitet kampusi bo‘ylab tanishtiruv ekskursiyasi tashkil etildi.

Ekskursiya davomida O‘zDJTU delegatsiyasi Rioxa universitetining o‘quv binolari, fakultetlari, ilmiy-tadqiqot laboratoriyalari, zamonaviy kutubxona majmuasi, talabalar va professor-o‘qituvchilar foydalanishi uchun yaratilgan sport infratuzilmasi hamda ta’lim jarayonini qo‘llab-quvvatlovchi zamonaviy obyektlar faoliyati bilan yaqindan tanishdi.

Shuningdek, delegatsiya a’zolariga universitetda ta’lim va ilmiy faoliyatni tashkil etish, innovatsion laboratoriyalar faoliyati, talabalar uchun yaratilgan shart-sharoitlar hamda xalqaro hamkorlikni rivojlantirish bo‘yicha amalga oshirilayotgan ishlar haqida batafsil ma’lumot berildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

O‘zDJTU vakillarining Erasmus+ KA171 loyihasi doirasida Ispaniyaga tashrifi davom etmoqda

O‘zbekiston davlat jahon tillari universiteti delegatsiyasi Erasmus+ KA171 loyihasi doirasidagi xizmat safari davomida Ispaniya Qirolligining Logronyo shahrida joylashgan Rioxa universitetida (Universidad de La Rioja) tashkil etilgan xalqaro seminar-trening va tajriba almashish dasturida faol ishtirok etmoqda.

2026-yil 13–17-iyul kunlari O‘zbekiston davlat jahon tillari universiteti rektori Ilxomjon Tuxtasinov boshchiligidagi delegatsiya Erasmus+ KA171 dasturi doirasida tashkil etilgan mazkur xalqaro tadbirda ishtirok etib, oliy ta’lim sohasidagi ilg‘or tajribalarni o‘rganish, xalqaro hamkorlikni kengaytirish hamda akademik mobillikni rivojlantirish masalalari yuzasidan fikr almashmoqda.

Seminar-treningning ikkinchi kunida O‘zDJTU rektori Ilxomjon Tuxtasinov universitet faoliyati va rivojlanish strategiyasiga bag‘ishlangan taqdimot bilan ishtirok etdi. Taqdimot davomida universitetning bakalavriat va magistratura bosqichlaridagi ta’lim yo‘nalishlari hamda mutaxassisliklari, qo‘shma ta’lim dasturlari, doktorantura va ilmiy-tadqiqot faoliyati, milliy va xalqaro reytinglardagi natijalari, yetakchi xorijiy oliy ta’lim muassasalari bilan yo‘lga qo‘yilgan hamkorlik aloqalari, dual ta’lim dasturlari, Erasmus+ loyihalari doirasida amalga oshirilayotgan talaba va professor-o‘qituvchilar almashinuvi, shuningdek, universitetdagi xorijiy talabalar va mutaxassislar ulushi haqida batafsil ma’lumot berildi.

Shuningdek, taqdimot yakunida O‘zDJTUning xalqaro hamkorlikni yanada rivojlantirish, ilmiy-tadqiqot salohiyatini oshirish hamda ta’lim sifatini xalqaro standartlar asosida takomillashtirish borasidagi ustuvor yo‘nalishlari yuzasidan fikr almashildi. Seminar ishtirokchilari universitetning xalqaro faoliyati va Erasmus+ dasturlaridagi muvaffaqiyatlarini yuqori baholab, istiqboldagi hamkorlikni yanada kengaytirishga qiziqish bildirdilar.

🌐 Biz ijtimoiy tarmoqlarda:
Telegram | Instagram | Facebook | Sayt