“Bir kunlik rahbar” loyihasi amalda


Roman-german filologiyasi fakulteti tyutori P. Jabborova tashabbusi bilan “Bir kunlik rahbar” loyihasi amalga oshirildi.

Loyiha doirasida FISP-2507 guruhi talabasi Kamola Ismoilova Oliy Majlis Senatining Mudofaa va xavfsizlik masalalari qo‘mitasi raisi o‘rinbosari Abdullayev Bahrom Ismoilovich hamda Oliy Majlis Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi senatori Bobonazarova Jamila Xolmurodovna bilan bir kunlik ish jarayonida ishtirok etdi.

Talaba loyiha davomida rahbarlar bilan birgalikda ertalabki yig‘ilishlarda qatnashdi, hujjatlar bilan ishlash va qaror qabul qilish jarayonlarini o‘rgandi. Shuningdek, hamkorlar bilan muzokaralarda ishtirok etib, tashkilot bo‘limlari faoliyatini yaqindan kuzatdi.

Ushbu loyiha Kamola Ismoilovaga kelajakda rahbarlik lavozimida faoliyat yuritish uchun zarur bo‘ladigan amaliy tajriba va muhim ko‘nikmalarni egallash imkonini berdi.

🟦🟦🟦

🇺🇿 1-bosqich talabalari uchun turar joy masalasida amaliy yordam

O‘zbekiston davlat jahon tillari universiteti Roman-german filologiyasi fakultetiga yangi qabul qilingan talabalar va ularning ota-onalariga turar joy masalasida amaliy ko‘mak ko‘rsatilmoqda.

Talabalarga universitet talabalar turar joylari, ijara xonadonlari hamda yashash sharoitlari haqida batafsil ma’lumotlar berilib, mavjud imkoniyatlardan foydalanish bo‘yicha zarur tavsiyalar taqdim etilmoqda.

Ayniqsa, viloyatlardan Toshkent shahriga kelib tahsil olishni boshlayotgan talabalarni yangi muhitga moslashtirish, ularning yashash bilan bog‘liq muammolarini o‘rganish va imkon qadar tezkor yechim topishga alohida e’tibor qaratilmoqda.

🎓 Maqsadimiz — har bir talabaning yangi o‘quv yilini xotirjam, qulay va ishonch bilan boshlashiga ko‘maklashish.