🏛 Temuriylar tarixi davlat muzeyiga tashrif

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti IPMBIB mutaxassisi M. Abdurahmonova tashabbusi bilan 1-kurs talabalari hamrohligida Temuriylar tarixi davlat muzeyiga tashrif tashkil etildi.

Tashrif davomida talabalar buyuk sarkarda va davlat arbobi Amir Temur hamda Temuriylar sulolasining O‘zbekiston va jahon tarixidagi o‘rni, shuningdek, ularning ilm-fan, madaniyat va san’at rivojiga qo‘shgan hissasi bilan yaqindan tanishdilar.
Muzeydagi tarixiy eksponatlar, qo‘lyozmalar, me’moriy yodgorliklar va Temuriylar davriga oid qimmatli ma’lumotlar talabalar uchun katta qiziqish uyg‘otdi. Talabalar eksponatlar orqali ajdodlarimizning davlat boshqaruvi, harbiy san’at, ilm-fan va madaniyat sohalaridagi yutuqlari haqida yangi ma’lumotlarga ega bo‘ldilar.

Shuningdek, tashrif davomida yoshlarga tarixiy merosni asrab-avaylash, ajdodlarimizning boy ilmiy va ma’naviy merosini chuqur o‘rganish hamda milliy qadriyatlarga hurmat bilan munosabatda bo‘lishning ahamiyati haqida tushunchalar berildi.
Mazkur tashrif talabalarning tarixiy bilimlarini boyitish, dunyoqarashini kengaytirish, milliy tariximiz va madaniy merosimizga bo‘lgan qiziqishi hamda hurmatini yanada oshirishga xizmat qildi. Tadbir yakunida talabalar muzey ekspozitsiyalari yuzasidan o‘z taassurotlari bilan o‘rtoqlashib, tashrif ular uchun mazmunli va foydali bo‘lganini ta’kidladilar.

🇺🇿 O‘zbekiston davlat jahon tillari universiteti Roman-german filologiyasi fakultetida yangi o‘quv yilining boshlanishi munosabati bilan 1-kurs talabalari bilan ma’naviy-ma’rifiy yo‘nalishda targ‘ibot-tushuntirish ishlari olib borildi.

📌 Tadbir davomida IPMBIB mutaxassisi M. Abdurahmonova hamda fakultet tyutori O. Kenjaboyev tomonidan talabalarga universitet va fakultetning ichki tartib-qoidalari, talabalarning huquq va majburiyatlari, o‘quv jarayonini samarali tashkil etish, dars mashg‘ulotlarida muntazam ishtirok etish hamda universitetning odob-axloq me’yorlariga rioya qilish masalalari yuzasidan batafsil ma’lumot berildi.

Shuningdek, talabalarga ijara asosida yashash bilan bog‘liq masalalar, ijara shartnomasini rasmiylashtirish tartibi, to‘lov shartlari hamda belgilangan muddatlarga rioya qilish yuzasidan tegishli tushuntirishlar berildi.