🙂🙂🙂🙂🙂🙂🙂🙂🙂

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti kengashi tomonidan “Ekofest” loyihasi doirasida talabalarning ekologik madaniyatini oshirish, tabiatga mehr va mas’uliyat hissini kuchaytirish maqsadida targ‘ibot-tashviqot ishlari olib borildi.

🏠 Loyiha doirasida talabalar turar joylariga tashrif buyurilib, ularga atrof-muhitni asrash, tabiatga ehtiyotkorona munosabatda bo‘lish, chiqindilarni to‘g‘ri saralash hamda ekologik tozalikka rioya qilish kabi muhim tushunchalar haqida ma’lumotlar berildi.

🌱 Shuningdek, talabalar bilan birgalikda ekologik mavzudagi amaliy mashg‘ulot tashkil etilib, mavjud materiallardan foydalanilgan holda qushlar uchun uyachalar (qush inlari) yasab, ularni tabiat bag‘riga joylashtirish ishlari amalga oshirildi.

🐦 Ushbu jarayon orqali talabalarda nafaqat ekologik bilim va ko‘nikmalar, balki tabiatni asrash, jonivorlarga g‘amxo‘rlik qilish va atrof-muhitga befarq bo‘lmaslik kabi ezgu fazilatlarni shakllantirishga alohida e’tibor qaratildi.


Bizni kuzatib boring ;

📱 Telegram 📱Instagram 📱Telegram

O‘zDJTUda profilaktik tadbir o‘tkazildi

12-sentabr kuni O‘zbekiston davlat jahon tillari universitetining 3-, 4-, 5- va 6-sonli talabalar turar joylarida istiqomat qiluvchi talabalar ishtirokida “Kibermakondagi jinoyatlar va ularning oldini olish choralari” mavzusida profilaktik tadbir o‘tkazildi.

Tadbirda Uchtepa tumani IIOFMB XPB KPB boshlig‘i mayor A. Raxmonov, leytenant I. Saidov, 1-sonli IIB rahbari mayor A. Turayev, universitet profilaktika inspektori S. Sherboyev hamda fakultet dekanlari X. Xakimov va A. Xalillayev ishtirok etdi.

Mutaxassislar tomonidan kiberjinoyatchilikning turlari, sodir etilish usullari, undan himoyalanish choralari hamda kiberjinoyat qurboniga aylanganda amalga oshirilishi lozim bo‘lgan harakatlar haqida ma’lumot berildi.

Shuningdek, talabalarga “APK Qo‘riqchi” dasturi haqida tushuncha berilib, uni mobil qurilmalarga o‘rnatishda amaliy yordam ko‘rsatildi.

Tadbir yakunida talabalar mutaxassislarga o‘zlarini qiziqtirgan savollar bilan murojaat qilib, batafsil javoblar oldilar.

🌐 Biz ijtimoiy tarmoqlarda:
Telegram | Instagram | Facebook | Sayt