🟦🟦🟦🟦🟦🟦🟦

🇺🇿 O‘zbekiston davlat jahon tillari universiteti Roman-german filologiyasi fakulteti tyutorlari L.Raxmatullayeva hamda Sh.G’oyipov o‘ziga biriktirilgan guruhlar bilan universitet hududi bo‘ylab tanishtiruv ishlarini olib bordi.

🔹 Uchrashuv davomida talabalarga salomlashish odobi, dars mashg‘ulotlariga o‘z vaqtida kelish, kiyinish madaniyati va universitetning ichki tartib-qoidalariga rioya qilish yuzasidan tegishli tushuntirish va tavsiyalar berildi.

📖 Shuningdek, talabalar universitet kutubxonasiga tashrif buyurib, kutubxonaga a’zo bo‘lish, kitoblardan foydalanish va ularni olish-qaytarish tartibi haqida ma’lumotlarga ega bo‘ldilar.

💬 Uchrashuv davomida 1-kurs talabalarida yuzaga kelgan muammolar tinglanib, ularning yechimlari yuzasidan amaliy yordam ko‘rsatildi hamda talabalarni qiziqtirgan savollarga batafsil javoblar berildi.

🔹 JINOYATCHILIK VA GIYOHVANDLIKKA QARSHI PROFILAKTIK TADBIR

🇺🇿 O‘zbekiston davlat jahon tillari universiteti Roman-german filologiyasi fakultetida talabalar o‘rtasida jinoyatchilikning oldini olish, huquqbuzarliklarning profilaktikasi hamda giyohvandlik vositalarining salbiy oqibatlariga qarshi kurashish mavzusida profilaktik tadbir tashkil etildi.

✅ Tadbirda Roman-german filologiyasi fakulteti dekani A. Xalillayev hamda universitet profilaktika inspektori S.Sherboyev ishtirok etib, talabalarga yoshlar orasida huquqbuzarlik va jinoyatchilikning oldini olish, giyohvandlikning inson salomatligi, kelajagi va jamiyat hayotiga salbiy ta’siri haqida batafsil tushunchalar berildi.

📌 Suhbat davomida talabalarning huquq va majburiyatlari, turli xil salbiy illatlarga berilmaslik, hushyorlikni saqlash hamda har qanday noqonuniy xatti-harakatlardan yiroq bo‘lish muhimligi alohida ta’kidlandi.

💬 Tadbir yakunida talabalar o‘zlarini qiziqtirgan savollariga mutaxassislar tomonidan tegishli javoblar oldilar.

🟦🟦🟦🟦🟦🟦🟦

🇺🇿 O‘zbekiston davlat jahon tillari universiteti Roman-german filologiyasi fakulteti tyutori P. Jabborova tomonidan hafta davomida o‘ziga biriktirilgan guruhlar bilan talabalari bilan individula tanishib, qiziqishlari, oilaviy holati, hozirda yashash manzili, yashash joydagi sharoitlar yuzasidan suhbat tashkil etdi.

🔹 Suhbat davomida talabalarga salomlashish odobi, dars mashg‘ulotlariga o‘z vaqtida kelish, kiyinish madaniyati hamda universitetning ichki tartib-qoidalariga rioya qilish yuzasidan tegishli tushuntirish va tavsiyalar berildi.

💬 Suhbat davomida talabalarda yuzaga kelgan muammolarni tinglanib, ularning yechimi yuzasidan amaliy yordam ko‘rsatildi. Shuningdek, talabalarni qiziqtirgan savollarga batafsil javoblar berildi.