“Yagona Vatan, yagona xalq bo‘lib, yangi hayot va kelajak yaratamiz!”

Roman-german filologiyasi fakultetida talabalar ishtirokida Yoshlar bilan ishlash bo‘yicha dekan muovini A. Mallayev tomonidan O‘zbekiston Respublikasi davlat mustaqilligining 35 yilligiga bag‘ishlangan “Mustaqillik darsi” tashkil etildi.
Dars “35-10-10” formati asosida tashkil etilib, talabalar bilan dars jarayonidan uzmagan holda kichik guruhlar va fakultetlar kesimida jonli muloqot olib borildi. Mazkur format orqali yurtimizning 35 yil oldingi holati, 2016-yilgacha bo‘lgan davr hamda so‘nggi 10 yillikdagi islohot va o‘zgarishlar aniq raqamlar hamda dalillar asosida qiyosiy tahlil qilindi.

Mashg‘ulot davomida mustaqillikning mamlakatimiz taraqqiyotidagi tarixiy o‘rni, davlat suvereniteti, milliy o‘zlikni anglash va xalqimizning o‘z taqdirini o‘zi belgilash huquqi haqida fikr yuritildi.

Oʻzbekiston davlat jahon tillari universiteti 🇺🇿 Roman-german filologiyasi fakulteti tyutori P.Jabborova talabalar holidan xabar olish maqsadida ular yashayotgan ijara xonadonlariga tashrif buyurdi.

Tashrif davomida talabalarning yashash sharoiti, kundalik turmushi hamda dars jarayonlariga tayyorgarligi bilan yaqindan tanishildi. Shuningdek, ularning taklif va mulohazalari tinglanib, mavjud masalalar yuzasidan suhbat olib borildi.

Bunday tashriflar talabalarning ijtimoiy-maishiy holatini o‘rganish, ularga zarur ko‘mak ko‘rsatish hamda ta’lim jarayonida yanada qulay sharoit yaratishga xizmat qiladi.

#ijara xonadonlari

O‘zbekiston davlat jahon tillari universiteti Roman-german filologiyasi fakulteti IPMBIB mutaxassisi M. Abdurahmonova tomonidan ijara xonadonlarida istiqomat qilayotgan talabalar holidan xabar olindi.

Tashrif davomida talabalarning yashash sharoitlari va xavfsizligi o‘rganilib, yong‘in xavfsizligi qoidalariga rioya qilish hamda giyohvandlikning salbiy oqibatlari va undan saqlanish bo‘yicha tushuntirish ishlari olib borildi.

Shuningdek, talabalarga xavfsiz va sog‘lom muhitda yashash, hushyorlik va mas’uliyatni oshirish yuzasidan tavsiyalar berildi.

1-bosqich talabalarining universitet muhitiga ijtimoiy-psixologik moslashuvini qo‘llab-quvvatlash, sog‘lom psixologik muhitni shakllantirish hamda samarali muloqot va jamoaviy hamkorlik ko‘nikmalarini rivojlantirish maqsadida “Universitet muhitiga moslashuv: samarali muloqot va sog‘lom psixologik muhit” mavzusida seminar-trening tashkil etildi.

Seminar-trening universitet IPMBIB psixologi Sh. Bo‘stonova va Roman-german filologiyasi fakulteti IPMBIB mutaxassisi M. Abdurahmonova tomonidan o‘tkazildi.

Mashg‘ulot davomida talabalarga stressni boshqarish, ijobiy fikrlash, samarali muloqot va jamoada ishlash bo‘yicha amaliy tavsiyalar berilib, interaktiv psixologik treninglar o‘tkazildi.

“Talabalar teatr studialari” o‘rtasida eng yaxshi sahna asari tanlovi o‘tkazildi.

O‘zbekiston davlat jahon tillari universiteti Roman-german filologiyasi fakultetida fakultet tyutori P.Jabborova tomonidan “Talabalar teatr studialari” o‘rtasida Vatanparvarlik va mustaqillik g‘oyalarini madh etish maqsadida eng yaxshi sahna asari tanlovi tashkil etildi.
Tanlov davomida talabalar tomonidan Vatanga muhabbat, yurtga sadoqat, milliy qadriyatlarga hurmat va mustaqillikning qadr-qimmatini ifoda etuvchi sahna ko‘rinishlari namoyish etildi.
Tadbirning asosiy maqsadi talabalarda mustaqillikka nisbatan shukronalik ruhini uyg‘otish, Vatanga daxldorlik tuyg‘usini mustahkamlash hamda yoshlarning ijodiy salohiyatini namoyon etishdan iborat bo‘ldi.
Tadbir yakunida faol ishtirok etgan talabalar sertifikat va tashakkurnomalar bilan taqdirlandi.