TALABALAR TURAR JOYIDAGI SHAROITLAR O‘RGANILDI
25-sentabr kuni O‘zbekiston davlat jahon tillari universiteti Roman-german filologiyasi fakulteti yoshlar bilan ishlash bo'yicha dekan muovini A.Mallayev 5-son talabalar turar joyiga tashrif buyurdi.

Tashrif davomida talabalar holidan xabar olinib, ularning yashash sharoitlari yaqindan o‘rganildi. Talabalar turar joyida yaratilgan mavjud qulayliklar, xonalar va umumiy foydalanish hududlarining holati bilan tanishildi.

Shuningdek, talabalar bilan ochiq muloqot o‘tkazilib, ularning kundalik hayotida uchrayotgan muammolar, taklif va mulohazalari tinglandi. Bildirilgan masalalarni o‘rganish hamda ularni tegishli tartibda hal etish yuzasidan fikr almashildi.

Bunday tashriflar talabalarning yashash sharoitlarini muntazam o‘rganish, ularning murojaat va takliflarini tinglash hamda ta’lim olishi uchun qulay muhit yaratishga xizmat qiladi.

🌐Bizning ijtimoiy tarmoqlardagi rasmiy sahifalarimiz.
---------------------------------
Telegram Instagram

O‘zDJTU PROFESSOR-O‘QITUVCHILARI XALQARO FORUMDA ISHTIROK ETMOQDALAR

Ayni kunlarda O‘zbekiston davlat jahon tillari universiteti Roman-german filologiyasi fakulteti Nemis filologiyasi kafedrasi professor-o‘qituvchilari Qozog‘iston Respublikasining Olmaota shahrida o‘tkazilayotgan IV Markaziy Osiyo nemis tili o‘qituvchilarining xalqaro forumida faol ishtirok etmoqdalar.
Forum doirasida zamonaviy tilshunoslik, nemis tilini o‘qitish metodikalari hamda innovatsion yondashuvlar yuzasidan ilmiy-amaliy fikr va tajriba almashilmoqda. Shuningdek, O‘zDJTU hamda Roman-german filologiyasi fakultetining ilmiy-ta’limiy salohiyati, xalqaro hamkorliklari va talabalar uchun yaratilgan imkoniyatlar taqdim etilmoqda.
Tadbir davomida xorijiy hamkasblar bilan yangi akademik aloqalar o‘rnatilib, nemis tili ta’limini rivojlantirish, ilmiy hamkorlikni kengaytirish hamda istiqboldagi qo‘shma loyihalarni amalga oshirish masalalari muhokama qilinmoqda.
🌐 Bizning ijtimoiy tarmoqlardagi rasmiy sahifalarimiz:
Telegram     Instagram