🎭MEN SAHNADAMAN— SAHNADA YANGI ISTE’DODLAR KASHF ETILDI📣

🇺🇿 O‘zbekiston davlat jahon tillari universiteti 🇺🇿 Yoshlar Ittifoqi boshlang‘ich tashkiloti 🇺🇿 Roman-german filologiyasi fakulteti kengashi tashabbusi bilan MEN SAHNADAMAN teatr bellashuvidan videolavha!

🟦🟦🟦🟦🟦🟦

1-OKTABR — O‘QITUVCHI VA MURABBIYLAR KUNI MUNOSABATI BILAN “ENG YAXSHI SAHNA ASARI” TANLOVI

O‘zbekiston davlat jahon tillari universiteti talabalari o‘rtasida O‘qituvchi va murabbiylar kuni munosabati bilan “Eng yaxshi sahna asari” tanlovi o‘tkaziladi.

Tanlov talabalar o‘rtasida teatr san’atiga qiziqishni oshirish, aktyorlik va sahna ijrosi mahoratini rivojlantirish, milliy qadriyatlarni sahna orqali targ‘ib qilish hamda ijodiy tashabbuslarni qo‘llab-quvvatlash maqsadida tashkil etiladi.

👥 Tanlovda kimlar ishtirok etishi mumkin?

Tanlovda O‘zbekiston davlat jahon tillari universitetining bakalavriat va magistratura bosqichida tahsil olayotgan talabalari ishtirok etishi mumkin.

Ishtirok etish ixtiyoriy bo‘lib, talabalar:
▪️ yakka tartibda;
▪️ jamoaviy tarzda qatnashishlari mumkin.

Jamoa tarkibi 3 nafardan 10 nafargacha ishtirokchidan iborat bo‘lishi mumkin.

Har bir ishtirokchi yoki jamoa tanlovga bitta sahna asari yoki sahna ko‘rinishi taqdim etadi.

🎬 Qanday ishlar taqdim etish mumkin?

Sahna asarlari quyidagi mavzulardan biriga asoslangan bo‘lishi mumkin:

▪️ tarixiy voqealar va shaxslar;
▪️ milliy an’analar va qadriyatlar;
▪️ yoshlar hayoti va talabalar faoliyati;
▪️ vatanparvarlik va milliy g‘oyalar.

Sahna ko‘rinishlari dramatik, badiiy, yumoristik yoki ijtimoiy mazmunda bo‘lishi mumkin.

🎥 Tanlov ishtirokchilari tayyorlagan sahna asari yoki sahna ko‘rinishini video lavha shaklida belgilangan muddatda hakamlar hay’atiga taqdim etadilar.

📌 Ijodiy ishlarni topshirish muddati

Tanlov ishtirokchilari tayyorlagan ijodiy ishlarini 2026-yil 5-oktabrga qadar o‘z fakultetlarining ma’naviy-ma’rifiy ishlar bo‘yicha dekan o‘rinbosarlariga taqdim etishlari lozim.

⏰ 5-oktabr — ijodiy ishlarni topshirishning so‘nggi kuni!

📋 Baholash mezonlari

Tanlov ishlari quyidagi mezonlar asosida baholanadi:

▪️ ssenariy mazmuni va g‘oyaviy yo‘nalishi;
▪️ aktyorlik mahorati va obraz yaratish;
▪️ sahna madaniyati va ijro sifati;
▪️ sahna bezagi va rejissyorlik yechimi;
▪️ ijodiy yondashuv va umumiy ta’sirchanlik.

🏆 G‘oliblar qanday rag‘batlantiriladi?

Yakka tartibdagi ishtirokchilar uchun:

🥇 1-o‘rin — bazaviy stipendiyaning 2 barobari miqdorida pul mukofoti va diplom;

🥈 2-o‘rin — bazaviy stipendiyaning 1,5 barobari miqdorida pul mukofoti va diplom;

🥉 3-o‘rin — bazaviy stipendiya miqdorida pul mukofoti va diplom.

Jamoaviy ishtirokchilar uchun mukofot jamoaning har bir a’zosiga alohida tartibda beriladi:

🥇 1-o‘rin — har bir a’zoga bazaviy stipendiyaning 2 barobari miqdorida pul mukofoti;

🥈 2-o‘rin — har bir a’zoga bazaviy stipendiyaning 1,5 barobari miqdorida pul mukofoti;

🥉 3-o‘rin — har bir a’zoga bazaviy stipendiya miqdorida pul mukofoti.

Hakamlar hay’ati qaroriga ko‘ra, ishtirokchilar qo‘shimcha nominatsiyalar bo‘yicha ham taqdirlanishi mumkin.

📢 Tanlov g‘oliblari va natijalari universitetning rasmiy veb-sayti hamda ijtimoiy tarmoqlarida e’lon qilinadi.

🎭 G‘olib deb topilgan sahna asarlari universitetda tashkil etiladigan madaniy tadbirlar, festivallar va ma’naviy-ma’rifiy dasturlarda namoyish etilishi mumkin.

✨ Ijodingizni namoyon eting va “Eng yaxshi sahna asari” tanlovida ishtirok eting!

📅 Ijodiy ishlarni topshirishning so‘nggi muddati — 5-oktabr!

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦🟦🟦

1-OKTABR — O‘QITUVCHI VA MURABBIYLAR KUNI MUNOSABATI BILAN PROFESSOR-O‘QITUVCHILAR O‘RTASIDA “ENG YAXSHI BLOG” TANLOVI

O‘zbekiston davlat jahon tillari universitetida professor-o‘qituvchilar o‘rtasida O‘qituvchi va murabbiylar kuni munosabati bilan “Eng yaxshi blog” tanlovi o‘tkaziladi.

🎯 Tanlovning maqsadi

Tanlov professor-o‘qituvchilarning media va ijodiy faolligini oshirish, ilmiy-ma’rifiy kontent yaratishni rag‘batlantirish, ilg‘or pedagogik tajribalarni ommalashtirish hamda ta’lim-tarbiya jarayonida zamonaviy axborot texnologiyalaridan samarali foydalanishni qo‘llab-quvvatlash maqsadida tashkil etiladi.

👥 Tanlovda kimlar ishtirok etishi mumkin?

Tanlovda O‘zbekiston davlat jahon tillari universitetida faoliyat yuritayotgan professor-o‘qituvchilar ishtirok etishlari mumkin.

▪️ Ishtirok yakka tartibda amalga oshiriladi.
▪️ Har bir ishtirokchi tanlovga bitta blog materiali bilan qatnashishi mumkin.

💡 Qanday materiallar taqdim etish mumkin?

Blog materiallari quyidagi mavzulardan biriga bag‘ishlanishi mumkin:

▪️ ta’lim va innovatsiyalar;
▪️ tilshunoslik va madaniyat;
▪️ ma’naviyat va ma’rifat;
▪️ yoshlar tarbiyasi va ta’lim-tarbiya masalalari;
▪️ ilmiy tadqiqotlar va pedagogik tajribalar.

Materiallar quyidagi shakllarda tayyorlanishi mumkin:

✏️ Matnli blog — maqola yoki post;
🎥 Video blog (vlog) — mavzu bo‘yicha videomaterial;
🎓 Ta’limiy blog — dars jarayoni, ilmiy tushuntirishlar va boshqa ta’limiy kontent.

Tanlovga taqdim etiladigan material muallif tomonidan mustaqil tayyorlangan bo‘lishi lozim.

📌 Ijodiy ishlarni topshirish muddati

Professor-o‘qituvchilar tayyorlagan tanlov ishlarini 2026-yil 5-oktabrga qadar o‘z fakultetlarining ma’naviy-ma’rifiy ishlar bo‘yicha dekan o‘rinbosarlariga taqdim etishlari lozim.

⏰ 5-oktabr — tanlov ishlarini topshirishning so‘nggi kuni!

📋 Tanlov ishlari quyidagi mezonlar asosida baholanadi:

▪️ ilmiy va ma’rifiy ahamiyati;
▪️ mavzuning dolzarbligi;
▪️ materialning mazmundorligi va tushunarliligi;
▪️ ijodiy yondashuv;
▪️ auditoriyaga ta’sirchanligi va axborot qiymati.

🏆 G‘oliblar qanday rag‘batlantiriladi?

🥇1-o‘rin — mehnatga haq to‘lashning eng kam miqdorining 2 barobari miqdorida pul mukofoti;

🥈 2-o‘rin — mehnatga haq to‘lashning eng kam miqdorining 1,5 barobari miqdorida pul mukofoti;

🥉 3-o‘rin — mehnatga haq to‘lashning eng kam miqdorida pul mukofoti.

Faol ishtirokchilar universitet tomonidan diplom bilan taqdirlanadi.

📢Tanlov natijalari universitetning rasmiy veb-sayti va ijtimoiy tarmoqlarida e’lon qilinadi.

📱G‘olib deb topilgan blog materiallari universitetning axborot resurslarida hamda ma’naviy-ma’rifiy tadbirlar doirasida keng targ‘ib qilinishi mumkin.

✨ Hurmatli professor-o‘qituvchilar! Ilmiy, ma’rifiy va ijodiy kontentingiz bilan “Eng yaxshi blog” tanlovida ishtirok eting!

🗓️ Tanlov ishlarini topshirishning so‘nggi muddati — 5-oktabr!

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦 🟦🟦🟦

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti🇺🇿 Roman-german filologiyasi fakulteti kengashi
1-oktabr — Ustoz va murabbiylar kuni munosabati bilan fakultetimiz professor-o‘qituvchilari va ustozlari ushbu qutlug‘ sana bilan samimiy muborakbod etilib, bayram munosib kutib olish jarayonidan videolavha!

🌐Biz ijtimoiy tarmoqlarda:
TELEGRAM | INSTAGRAM