🟦🟦🟦 🟦🟦🟦

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti🇺🇿 Roman-german filologiyasi fakulteti kengashi
1-oktabr — Ustoz va murabbiylar kuni munosabati bilan fakultetimiz professor-o‘qituvchilari va ustozlari ushbu qutlug‘ sana bilan samimiy muborakbod etilib, bayram munosib kutib olindi.

💐 Ustozlarning sharafli va mashaqqatli mehnatiga chuqur hurmat ifodalanib, ularga ezgu tilaklar bildirildi.

💌 Shuningdek, “Ustozimga maktub” loyihasi doirasida talabalar o‘z ustozlariga bo‘lgan hurmati, mehr-muhabbati va minnatdorligini o‘z tilaklari orqali ifoda etdilar. Buning uchun maxsus “Tilaklar doskasi” tashkil etilib, talabalar unda ustozlariga atalgan samimiy tilaklarini yozib qoldirdilar. 📝

✨ Har bir yozilgan tilakda — ustozga bo‘lgan cheksiz hurmat, har bir so‘zda esa — minnatdorlik mujassam.

🌸 Aziz ustoz va murabbiylar! Sizlarni 1-oktabr — Ustoz va murabbiylar kuni bilan chin qalbdan muborakbod etamiz! Sizlarga mustahkam sog‘lik, oilaviy xotirjamlik, kasbiy faoliyatingizda ulkan muvaffaqiyatlar va shogirdlaringiz kamolini ko‘rish baxtini tilaymiz!

🌐Biz ijtimoiy tarmoqlarda:
TELEGRAM | INSTAGRAM

🟦🟦🟦🟦🟦🟦🟦

🇺🇿 2026-yil 29-sentabr kuni O‘zbekiston davlat jahon tillari universiteti 🇺🇿 Roman-german filologiyasi fakulteti Fransuz filologiyasi kafedrasi dotsentlari P. Nishonov va Z. Davronovalar boshchiligida 5-son TTJda 3-kurs talabalari ishtirokida “She’riyat olamiga sayohat” mavzusida she’rxonlik kechasi tashkil etildi.

🎙 Tadbir davomida talabalar tomonidan o‘zbek va jahon adabiyoti namoyandalarining sara she’riy asarlaridan namunalar ifodali o‘qildi. She’rlarning mazmun-mohiyati, badiiy-estetik xususiyatlari va g‘oyaviy yo‘nalishi yuzasidan fikr-mulohazalar bildirildi.

🎭 Ayniqsa, she’rlarni ifodali o‘qish jarayonida talabalarning talaffuzi, intonatsiyasi, ovoz tembri hamda sahnaviy madaniyatiga alohida e’tibor qaratildi.

📖 Tadbirning asosiy maqsadi — talabalarning badiiy adabiyotga bo‘lgan qiziqishini oshirish, estetik didi va kitobxonlik madaniyatini yuksaltirish, ijodiy tafakkuri hamda notiqlik mahoratini rivojlantirishdan iborat bo‘ldi.

🌱Mazkur she’rxonlik kechasi talabalarning bo‘sh vaqtini mazmunli tashkil etish, milliy va umuminsoniy qadriyatlarga hurmat tuyg‘usini shakllantirish hamda ijodiy qobiliyatlarini namoyon etish uchun o‘ziga xos ma’naviy-ma’rifiy maydon bo‘lib xizmat qildi.

🏆 Tadbir yakunida faol ishtirok etgan talabalar rag‘batlantirildi hamda bunday ma’naviy-ma’rifiy tadbirlarni muntazam tashkil etish muhimligi ta’kidlandi.

🟦🟦🟦🟦🟦🟦🟦

🇺🇿 29-sentabr kuni O‘zbekiston davlat jahon tillari universiteti 🇺🇿 Roman-german filologiyasi fakulteti Fransuz filologiyasi kafedrasida kafedra o‘qituvchilari N. Usmonova va G. Xasanovalar tashabbusi bilan “Ustoz va murabbiylar kuni”ga bag‘ishlangan “She’riyat — qalb ko‘zgusi” nomli bayram tadbiri tashkil etildi.

🎶Tadbir O‘zbekiston Respublikasi Davlat madhiyasi bilan boshlandi. Bayram tadbirini Fransuz filologiyasi kafedrasi mudiri G. Raximova ochib berdi.

💐Tadbir davomida 2606 va 2611-guruh talabalari ustoz va murabbiylarni samimiy muborakbod etib, o‘zlarining ijodiy chiqishlarini namoyish etdilar. Dasturdan 🎭 sahna ko‘rinishlari, ✅ raqslar, 📖she’r va g‘azallar hamda ustozlarga bag‘ishlangan samimiy tabriklar o‘rin oldi.

✨ Ustoz — qalblarga ilm nurini olib kiruvchi, kelajak sari yo‘l ko‘rsatuvchi buyuk inson. Tadbir davomida yangragan ezgu tilaklar, dil izhorlari va samimiy tabriklar ustozlarga bo‘lgan yuksak hurmat va ehtiromning yorqin ifodasi bo‘ldi.