ISPAN TILIDAN FAN OLIMPIADASINING FAKULTET SARALASH BOSQICHI O‘TKAZILDI
2026-yil 30-sentabr kuni O‘zbekiston davlat jahon tillari universiteti Roman-german filologiyasi fakultetida ispan tilidan fan olimpiadasining fakultet saralash bosqichi bo‘lib o‘tdi.
Ochilish marosimida fakultet dekani A.K.Xalillayev hamda Ispan filologiyasi kafedrasi mudiri I.I.Turamuratova ishtirok etib, olimpiada qatnashchilariga muvaffaqiyat tiladilar.
Saralash bosqichida talabalar ispan tili bo‘yicha bilim va ko‘nikmalari, grammatik va leksik kompetensiyalari, mamlakatshunoslik hamda tarjima bo‘yicha bilimlarini sinovdan o‘tkazdilar.
Olimpiada talabalarning ispan tiliga bo‘lgan qiziqishini oshirish, bilim va salohiyatini namoyon etish hamda iqtidorli yoshlarni aniqlashga xizmat qiladi. Yuqori natija ko‘rsatgan talaba Respublika fan olimpiadasida ishtirok etish uchun yo‘llanmani qo‘lga kiritadi.
Bizning ijtimoiy tarmoqlardagi sahifalarimiz:
📱 Telegram
📸 Instagram
📘 Facebook

2026-yil 29-sentyabr kuni O‘zbekiston davlat jahon tillari universiteti Roman-german filologiyasi fakulteti Fransuz filologiyasi kafedrasida “Filologiya va tillarni o‘qitish (fransuz tili)” fanidan Respublika talabalar fan olimpiadasining fakultet saralash bosqichi o‘tkazildi.
Mazkur olimpiada O‘zbekiston Respublikasi Oliy ta’lim, fan va innovatsiyalar vazirligining 2024-yil 15-iyuldagi 247-sonli buyrug‘i hamda O‘zDJTU rektori I.M. Tuxtasinovning 2024-yil 2-avgustdagi 306-sonli buyrug‘i ijrosini ta’minlash maqsadida tashkil etildi.
Saralash bosqichida 2-, 3- va 4-bosqich talabalari ishtirok etdilar. Olimpiada 4 bosqichda tashkil qilindi:
I bosqich – 50 ta test topshirig‘i;
II bosqich – ko‘rilgan film asosida fransuz tilida rezyume yozish;
III bosqich – o‘zbek yoki rus tilidagi matnni fransuz tiliga tarjima qilish;
IV bosqich – suhbat.
Olimpiada shaffoflik va adolat mezonlari asosida o‘tkazildi. Saralash bosqichida ishtirok etgan talabalar orasidan quyidagi talabalar yuqori natijalarni qayd etdilar:
1-o‘rin – FFRA-2303-guruh talabasi Azamjanova Sarvinoz Shuxratovna – 73,5 ball;
2-o‘rin – FFRA-2401-guruh talabasi Qozoqov Murodbek Umirbek o‘g‘li – 71,5 ball;
3-o‘rin – FFRA-2404-guruh talabasi Lutfillayeva Mahinabonu Xayrillayevna – 63,5 ball.
Saralash bosqichida Azamjanova Sarvinoz Shuxratovna 73,5 ball bilan birinchi o‘rinni egallab, fakultet talabalari orasida g‘olib deb topildi. U Respublika talabalar fan olimpiadasining universitet bosqichida ishtirok etish uchun tavsiya etildi. Ushbu qaror kafedra professor-o‘qituvchilari tomonidan ma’qullandi.

Joriy yilning 30-sentyabr sanasida Roman-german filologiyasi fakulteti Fransuz filologiyasi kafedrasi stajyor-o’qituvchisi N. Rasulova tashabbusi bilan 2603-guruh talabalari ishtirokida 1-oktabr “Ustoz va murabbiylar kuni” munosabati bilan ma’naviy-ma’rifiy tadbir tashkil etildi.
Tadbirda fakultet professor-o‘qituvchilari, yosh targ‘ibotchilar hamda faol talaba-yoshlar ishtirok etdilar.  Tadbirni tashkil etishdan asosiy maqsad — ustozlarning yosh avlod ta’lim-tarbiyasidagi beqiyos o‘rnini targ‘ib qilish, professor-o‘qituvchilarning ko‘p yillik pedagogik va hayotiy tajribalarini talabalarga yetkazish, shuningdek, talabalar qalbida ustozga bo‘lgan hurmat va minnatdorlik tuyg‘ularini mustahkamlashdan iborat bo‘ldi.
 “Ustozim — hayotim chirog‘i” loyihasi orqali talabalar ustozning inson hayotidagi o‘rni, uning shogird tarbiyasi va kamolotidagi mas’uliyati haqida muhim xulosalarga ega bo‘ldilar.