Roman-german filologiyasi fakultetida fan olimpiadasi o‘tkazildi
Universitet rektorining 2026-yil 28-sentabrdagi tegishli buyrug‘i ijrosini ta’minlash maqsadida 2026-yil 30-sentabr kuni Roman-german filologiyasi fakultetida nemis, fransuz va ispan tillari yo‘nalishlari bo‘yicha fan olimpiadasi o‘tkazildi.
Mazkur olimpiada xorijiy tillarni puxta egallagan, bilim va salohiyati yuqori bo‘lgan iqtidorli talabalarni aniqlash, ularni qo‘llab-quvvatlash hamda universitet bosqichiga munosib tayyorlash maqsadida tashkil etildi.
Olimpiada davomida talabalar tinglab tushunish, yozish, o‘qish va gapirish kabi to‘rtta asosiy ko‘nikma, shuningdek, tarjima qilish bo‘yicha o‘z bilim va amaliy ko‘nikmalarini namoyon etdilar.
Ishtirokchilarning bilim va ko‘nikmalari fakultet professor-o‘qituvchilaridan tashkil topgan maxsus hakamlar hay’ati tomonidan ochiqlik, xolislik va shaffoflik tamoyillari asosida baholandi.
Olimpiada natijalari
Fransuz tili yo‘nalishi:
🥇 1-o‘rin — FFRA-2303-guruh talabasi Azamjanova Sarvinoz Shuxratovna — 73,5 ball;
🥈 2-o‘rin — FFRA-2401-guruh talabasi Qozoqov Murodbek Umirbek o‘g‘li — 71,5 ball;
🥉 3-o‘rin — FFRA-2404-guruh talabasi Lutfillayeva Mahinabonu Xayrillayevna — 63,5 ball.
Ispan tili yo‘nalishi:
🥇 1-o‘rin — FISP-2407-guruh talabasi Yegamediyeva Salima — 82 ball;
🥈 2-o‘rin — FISP-2407-guruh talabasi Xamidova Farida — 72 ball;
🥉 3-o‘rin — FISP-2407-guruh talabasi Begmatova Maknuna — 64 ball.
Nemis tili yo‘nalishi:
🥇 1-o‘rin — FNEM-2503-guruh talabasi Soyibova Nigora Alisher qizi — 83,5 ball;
🥈 2-o‘rin — FNEM-2303-guruh talabasi Zokirov Amirbek Zoyir o‘g‘li — 79,5 ball.
Olimpiada yakunlari bo‘yicha Roman-german filologiyasi fakulteti dekani A. K.Xalillayev g‘olib va sovrindor talabalar bilan uchrashib, ularni erishgan natijalari bilan samimiy tabrikladi. A.K.Xalillayev talabalarni o‘z bilim va ko‘nikmalarini yanada rivojlantirish, keyingi bosqichga puxta tayyorgarlik ko‘rish va yuqori natijalarga intilishga chorladi. Shuningdek, keyingi bosqichda ishtirok etadigan 1-o‘rin sohiblariga omad va muvaffaqiyat tiladi.
Mazkur olimpiada talabalarning xorijiy tillarni o‘rganishga bo‘lgan qiziqishini yanada oshirish, iqtidorli yoshlarni aniqlash hamda ularning bilim va salohiyatini namoyon etish uchun muhim imkoniyat bo‘ldi.
G‘olib va sovrindor talabalarni muborakbod etamiz! Universitet bosqichida ishtirok etadigan talabalarimizga omad va ulkan muvaffaqiyatlar tilaymiz!

🔹“Har bir talaba — eʼtiborda”

O‘zbekiston davlat jahon tillari universiteti Roman-german filologiyasi fakulteti dekani A.K.Xalillayev tomonidan talabalarning yashash sharoitlarini o‘rganish maqsadida ijara xonadonlariga tashrif buyurildi. Mazkur tashrif davomida talabalar istiqomat qilayotgan uy-joylarning holati, yaratilgan sharoitlar hamda kundalik ehtiyojlari bilan yaqindan tanishildi.

Tashrif jarayonida talabalarning yashash muhiti, tozalik darajasi, xavfsizlik va qulaylik masalalariga alohida e’tibor qaratildi. Shuningdek, talabalar bilan samimiy suhbat o‘tkazilib, ularning muammo va takliflari tinglandi hamda mavjud kamchiliklarni bartaraf etish yuzasidan tegishli tavsiyalar berildi.

Bunday tashriflar talabalarning ijtimoiy holatini yaxshilash, ularga yanada qulay shart-sharoitlar yaratish hamda o‘qish jarayoniga to‘liq e’tibor qaratishlari uchun muhim ahamiyat kasb etadi. Fakultet rahbariyati tomonidan bu kabi o‘rganish ishlari muntazam davom ettirilishi ta’kidlandi.