⭐️ Bugun Roman-german filologiyasi fakulteti Nemis filologiyasi kafedrasi professor-o‘qituvchilari tashabbusi bilan 5-son talabalar turar joyida birinchi bosqich talabalari bilan "Vatanparvarlik" mavzusida davra suhbati tashkil etildi.
Tadbir davomida “Vatanparvarlik tushunchasi nima?” mavzusida tayyorlangan taqdimot namoyish etildi. Taqdimotda vatanparvarlik tushunchasining mazmun-mohiyati, Vatanga sadoqat, xalq va milliy qadriyatlarga hurmat, ona yurt tinchligi va ravnaqi uchun mas’uliyat bilan munosabatda bo‘lish kabi masalalar yoritib berildi.
Talabalar “Vatanparvarlikni qanday namoyon etish mumkin?”, “Yoshlarning Vatan taraqqiyotidagi o‘rni qanday?”, “Haqiqiy vatanparvar inson qanday fazilatlarga ega bo‘lishi kerak?” kabi savollar yuzasidan o‘z fikr-mulohazalarini bildirdilar.
Shu kuni ustozlar talabalarning yashash tarzi, talabalar turar joyida yaratilgan shart-sharoitlar bilan yaqindan tanishdilar.

8-oktyabr kuni OʻzDJTU Roman-german filologiyasi fakultetida "Xavfsiz kibermakon" va "Giyohvandlikka qarshi kurash" tezkor-profilaktik tadbiri boʻlib oʻtdi.

Dasturda:

➡️ Uchtepa tumani IIOFMB XPB KPB katta inspektori kapitan Bekmetov Sherzod Nurmaxamadovich ishtirok etdi.

Tadbir davomida talabalarga kiber jinoyat turlari va jinoyat qurboni bo'lgan holatda qanday chora-tadbirlar ko'rishi, kimga murojaat qilish kerakligi tushuntirildi.

🔊Shuningdek, talabalar bilan savol-javob shaklida suhbat o‘tkazildi. Ular o‘zlarini qiziqtirgan masalalar yuzasidan mutaxassislarga murojaat qilishdi. Mutasaddilar yoshlarni internetdan ongli va maqsadli foydalanishga, ijtimoiy tarmoqlarda ehtiyotkor bo‘lishga, shuningdek, shaxsiy ma’lumotlarni begona odamlarga oshkor qilmaslikka chaqirishdi.

Dastur yakunida kiberxavfsizlik – bu nafaqat huquq-tartibot idoralari vazifasi, balki har bir fuqarodan mas’uliyat talab etadigan muhim jarayon hisoblanishi ta’kidlandi.

🇩🇪 Germaniya bilan xalqaro hamkorlik — yangi bilim va imkoniyatlar

O‘zbekiston davlat jahon tillari universiteti Roman-german filologiyasi fakulteti FNEM 2417 guruhi talabalari Goethe-Institut O‘zbekistonda Sharqiy Friziya va Papenburg Savdo-sanoat palatasi (IHK) vakillari hamda Germaniya kompaniyalari vakillari ishtirokidagi uchrashuvda qatnashdilar.

Tadbir davomida talabalar Goethe-Institutning O‘zbekistondagi loyihalari bilan tanishib, kasbiy migratsiya, til tayyorgarligi, imtihon va orientatsiya dasturlari haqida foydali ma’lumotlarga ega bo‘ldilar. Shuningdek, «Mening Germaniyaga yo‘lim» hamda «Turizm sohasi uchun malakali kadrlarni ta’minlash – kasbiy kompetensiyalarni mustahkamlash» loyihalari haqida ma’lumot oldilar.

Mazkur uchrashuv talabalar uchun Germaniyada ta’lim olish, kasbiy rivojlanish va xalqaro imkoniyatlar haqida yangi bilimlarga ega bo‘lish, nemis tilini amaliy muhitda qo‘llash hamda kelajakdagi professional faoliyatlari uchun foydali ma’lumotlar olish imkonini berdi.

Bunday uchrashuvlar talabalarning xalqaro tajribasini oshirish, nemis tiliga bo‘lgan qiziqishini yanada kuchaytirish va kelajakdagi kasbiy faoliyatiga tayyorgarlik ko‘rishida muhim ahamiyat kasb etadi.

O‘zDJTUda o‘zaro hamkorlik masalalari muhokama qilindi
2026-yil 6-oktabr kuni O‘zbekiston davlat jahon tillari universitetida Nemis filologiyasi kafedrasi professor-o‘qituvchilari, Germaniyaning “Deutsche Jugend aus Russland” (DJR e.V.), “Landsmannschaft der Deutschen aus Russland” (LmDR) tashkilotlari hamda O‘zbekiston nemislarining “Wiedergeburt” madaniy markazi vakillari ishtirokida uchrashuv bo‘lib o‘tdi.
Uchrashuvda kafedra tomonidan professor Xurram Raximov, Yusuf Ismoilov, Ilhom Ziyodullayev, Gulrux Raximova va Lutfulla Xoliyarov qatnashdilar. Hamkor tashkilotlardan Nikolaj Baitemirov, Inna Dietz-Kravtsov, Egor Eckert, Yelena Mironova va Yekaterina Goldaevich ishtirok etdi.
Muloqot davomida nemis tilini o‘qitish, ilmiy va madaniy-ma’rifiy aloqalarni rivojlantirish bo‘yicha o‘zaro hamkorlik masalalari muhokama qilindi. Xususan, o‘qituvchilar, talabalar va amaliyotchilar almashinuvini yo‘lga qo‘yish, qo‘shma ilmiy nashrlar tayyorlash hamda nemis diasporasi vakillari bilan uchrashuvlar tashkil etish imkoniyatlari yuzasidan fikr almashildi.
Shuningdek, talabalarning nemis tilidagi muloqot ko‘nikmalarini rivojlantirishga qaratilgan “Sprachcafé” suhbat klubini tashkil etish, universitet va “Wiedergeburt” madaniy markazi o‘rtasidagi hamkorlik yo‘nalishlarini belgilash hamda memorandum loyihasini ishlab chiqish istiqbollari ko‘rib chiqildi.

🏠IJARA XONADONLARIDA ISTIQOMAT QILUVCHI TALABALAR HOLIDAN XABAR OLINDI

🇺🇿O‘zbekiston davlat jahon tillari universiteti Roman-german filologiyasi fakulteti tyutori L. Rahmatullayeva tomonidan ijara xonadonlarida istiqomat qiluvchi talabalar holidan xabar olindi.

Tashrif davomida talabalarga ijara shartnomalarini rasmiylashtirish va undan foydalanish bo‘yicha nazariy tushunchalar berilib, amaliy yordam ko‘rsatildi. Shuningdek, talabalarning yashash sharoitlari o‘rganilib, ularning taklif va murojaatlari tinglandi.

Bundan tashqari, talabalarga elektr jihozlaridan xavfsiz foydalanish, is gazidan zaharlanish hamda yong‘in xavfining oldini olish bo‘yicha zarur tavsiyalar berildi.❗

🌐Bizning ijtimoiy tarmoqlardagi rasmiy sahifalarimiz:
Telegram📱 | Instagram📱