➡️ Talaba-yoshlar o‘rtasida odob-axloq qoidalariga rioya etish madaniyatini shakllantirish, ularning ma’naviy dunyoqarashini yuksaltirish, o‘zaro hurmat va muomala madaniyatini mustahkamlash maqsadida “Odob-axloq qoidalari — yuksak ma’naviyat mezoni” mavzusida davra suhbati tashkil etildi.

Davra suhbati davomida oliy ta’lim muassasasida belgilangan odob-axloq qoidalariga rioya qilish, professor-o‘qituvchilar va talabalar o‘rtasida o‘zaro hurmat tamoyillarini mustahkamlash, ta’lim jarayonida intizom va mas’uliyatni oshirish masalalari muhokama qilindi. Shuningdek, talabalarning kiyinish madaniyati, muomala odobi, jamoat joylarida o‘zini tutish qoidalari hamda ta’lim muassasasi ichki tartib-qoidalariga amal qilishning ahamiyati haqida tushuntirishlar berildi. Ishtirokchilar tomonidan mavzu yuzasidan fikr-mulohazalar bildirilib, o‘zlarini qiziqtirgan savollarga javoblar olindi.