🟦🟦🟦

O‘zDJTUda “Bo‘sh ish o‘rinlari yarmarkasi – 2026” o‘tkazildi

13-oktabr kuni O‘zbekiston davlat jahon tillari universiteti Roman-german filologiyasi fakulteti tomonidan bitiruvchi kurs talabalari va bitiruvchilar bandligini ta’minlash, ularni mavjud vakansiyalar bilan tanishtirish hamda ish beruvchilar bilan hamkorlikni rivojlantirish maqsadida “Bo‘sh ish o‘rinlari yarmarkasi – 2026” tashkil etildi.

Tadbirni O‘zDJTU rektori Ilxomjon Tuxtasinov ochib berdi. U o‘z nutqida bitiruvchilarni ish bilan ta’minlash, ularni mehnat bozori talablariga mos ravishda kasbiy faoliyatga yo‘naltirish hamda universitet va ish beruvchilar o‘rtasidagi hamkorlikni rivojlantirish masalalariga to‘xtaldi.

Yarmarkada Uchtepa tumani prokurori S. Muxtorov, Uchtepa tumani prokurori o‘rinbosari A. Xolmatov, “Louvre Académie” nodavlat ta’lim muassasasi rahbari o‘rinbosari F. Mirzarahimova, “Nemix” MCHJ rahbari M. Axmatova hamda “Safiya” qandolatchilik uyi vakili S. Muhammedova ishtirok etdi. Ular bitiruvchilar bilan muloqot qilib, mavjud ish o‘rinlari va yosh mutaxassislar uchun mehnat bozoridagi imkoniyatlar haqida ma’lumot berdilar.

O‘zDJTU Registrator ofisi hamkorligida o‘tkazilgan yarmarkada 40 ga yaqin davlat va nodavlat tashkilotlari, bank-moliya muassasalari, ta’lim markazlari, sug‘urta, turizm hamda xizmat ko‘rsatish sohasi vakillari qatnashdi.

Tadbir davomida bitiruvchilar ish beruvchilar bilan bevosita muloqot qilish, bo‘sh ish o‘rinlari bilan tanishish, rezyumelarini taqdim etish va ishga joylashish bo‘yicha zarur tavsiyalar olish imkoniyatiga ega bo‘ldilar.

🌐 Biz ijtimoiy tarmoqlarda:
Telegram | Instagram | Facebook | Sayt

🎙DEBATE — RACISM: BEYOND THE COLOR!

⚖️ Insonning qadr-qimmati uning teri rangi bilan belgilanadimi? Jamiyatdagi stereotiplar qayerdan boshlanadi va ularga qarshi qanday kurashish mumkin?

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan tashkil etilgan mazkur debatda talabalar ratsizm, inson huquqlari, tenglik, kamsitish va ijtimoiy stereotiplar kabi muhim masalalarni muhokama qildilar.

🗣Bahs davomida ishtirokchilar turli nuqtayi nazarlarni ilgari surib, o‘z pozitsiyalarini asosli dalillar bilan himoya qildilar. Qarama-qarshi fikrlarni tahlil qilish, savollarga mantiqiy javob qaytarish va o‘zaro hurmatni saqlagan holda munozara yuritish debatning asosiy jihatlaridan bo‘ldi‼️

➡️ Mazkur loyiha talabalarning tanqidiy tafakkurini rivojlantirish, nutq madaniyatini yuksaltirish hamda jamiyatda bag‘rikenglik, tenglik va o‘zaro hurmat tamoyillarini mustahkamlashga xizmat qildi💬

🌐Biz ijtimoiy tarmoqlarda:
TELEGRAM | INSTAGRAM

😌ECO IQ — EKOLOGIK TAFAKKUR MAYDONI ♻️

🤣 Tabiatni asrash bilimdan boshlanadi! Ekologik ong, intellektual salohiyat va mantiqiy fikrlashni birlashtirgan “ECO IQ — Ekologik zakovat” intellektual loyihasi bo‘lib o‘tdi!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan tashkil etilgan mazkur loyiha ekologik masalalarga befarq bo‘lmagan, izlanuvchan talabalarni birlashtirdi.

☀️ Bellashuv davomida ishtirokchilar ekologiya, atrof-muhit muhofazasi va tabiat bilan bog‘liq turli intellektual topshiriqlar ustida bosh qotirdilar. Savollar nafaqat bilimni, balki ekologik muammolarga yangicha nigoh bilan qarash va mantiqiy xulosalar chiqarish qobiliyatini ham sinovdan o‘tkazdi🗣

⁉️ Har bir savol ortida — muhim ekologik masala, har bir javob zamirida esa yangi bilim! Qizg‘in fikr almashuvlar va jamoaviy muhokamalar bellashuvga o‘zgacha mazmun bag‘ishladi.

🌿 Loyiha yoshlar o‘rtasida ekologik madaniyatni yuksaltirish, tabiatga mas’uliyatli munosabatni shakllantirish hamda intellektual salohiyatni rivojlantirishga xizmat qildi.

🌐 Biz ijtimoiy tarmoqlarda:
TELEGRAM | INSTAGRAM