🟦🟦🟦🟦

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti hamda 🇺🇿 Roman-german filologiyasi fakulteti Kengashi tashabbusi bilan “INTELLEKTUAL HAFTALIK” doirasida kun davomida talabalar uchun turli yo‘nalishlardagi tadbir va loyihalar tashkil etildi 📑

🏀 SPORT KUNI — SHIJOAT VA G‘ALABA MAYDONI!

Sport musobaqalari davomida talabalar o‘zaro kuch sinashib, chaqqonlik, tezkorlik va jamoaviylik borasidagi mahoratlarini sinovdan o‘tkazdilar. Bellashuvlar sog‘lom raqobat va ko‘tarinki kayfiyat ruhida bo‘lib o‘tdi.

💼 BO‘SH ISH O‘RINLARI YARMARKASI — KELAJAK SARI MUHIM QADAM!

Yarmarka davomida talabalar mavjud ish imkoniyatlari bilan yaqindan tanishib, ish beruvchilar bilan bevosita muloqot qilish imkoniyatiga ega bo‘ldilar. Tadbir yoshlarning bandligini ta’minlash va kasbiy faoliyatga yo‘naltirish borasida muhim ahamiyat kasb etdi.

🇩🇪 DEUTSCH MAL ANDERS — NEMIS TILIGA YANGICHA NAZAR!

Nemis tili va madaniyatiga bag‘ishlangan interaktiv tanlovda ishtirokchilar qiziqarli savollar, mantiqiy topshiriqlar hamda jamoaviy o‘yinlarda faol qatnashdilar. Loyiha til o‘rganish jarayonini yanada qiziqarli va mazmunli tashkil etishga xizmat qildi.

🧩 QUIZ TIME — BILIM VA TOPQIRLIK BELLASHUVI!

Tashkil etilgan intellektual bellashuvda tarix, geografiya, kimyo-biologiya, adabiyot va mantiq yo‘nalishlari bo‘yicha savollar o‘rtaga tashlandi. Ishtirokchilar bilim, tezkor fikrlash va jamoaviy qaror qabul qilish borasida o‘zaro bellashdilar.

😌 ECO IQ — EKOLOGIK TAFAKKUR MAYDONI!

Ekologik zakovat loyihasi doirasida talabalar atrof-muhit muhofazasi, ekologik muammolar va ularning yechimlariga oid topshiriqlar ustida ishladilar. Intellektual shartlar ishtirokchilarni ekologik masalalarga tanqidiy va kreativ yondashishga undadi.

👦 DEBATE — RACISM: BEYOND THE COLOR!

Ratsizm mavzusiga bag‘ishlangan debat davomida talabalar tenglik, inson huquqlari, kamsitish va jamiyatdagi stereotiplar yuzasidan fikr almashdilar. Bahs jarayonida turli qarashlar dalillar asosida muhokama qilinib, tanqidiy fikrlash va munozara madaniyatiga alohida e’tibor qaratildi.

➡️Kun davomida tashkil etilgan loyihalar talabalarning bilim va salohiyatini oshirish, ijtimoiy faolligini qo‘llab-quvvatlash, yangi ko‘nikmalarni shakllantirish hamda bo‘sh vaqtlarini mazmunli tashkil etishga xizmat qildi.

🌐 Biz ijtimoiy tarmoqlarda:
TELEGRAM | INSTAGRAM

📖SHE’RIYAT VA MA’NAVIYAT UYG‘UNLASHGAN ADABIY KECHA

13-oktabr kuni 🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti tyutori L. Rahmatullayeva hamda iqtidorli talabalar ishtirokida taniqli shoir va tarjimon Aleksandr Faynberg hayoti va ijodiga bag‘ishlangan adabiy kecha bo‘lib o‘tdi.

🎙 Adabiy kechada O‘zbekiston Yozuvchilar uyushmasining yetakchi mutaxassisi Otabek Dusyorov ham ishtirok etib, tadbirga o‘zgacha mazmun bag‘ishladi💬

🔖 Tadbir davomida shoirning boy adabiy merosi, o‘ziga xos ijodiy olami hamda o‘zbek adabiyotida tutgan o‘rni xususida fikr yuritildi. Iqtidorli talabalar tomonidan Faynberg ijodiga bo‘lgan qiziqish va ehtirom ifoda etildi☄️

📌 Mazkur adabiy uchrashuv yoshlarning badiiy adabiyotga bo‘lgan mehrini oshirish, adabiy tafakkurini boyitish hamda buyuk ijodkorlar merosiga hurmat ruhini mustahkamlashga xizmat qildi.

XALQARO QIZLAR KUNI MUNOSABATI BILAN TADBIR O‘TKAZILDI‼️

11-oktabr — Xalqaro qizlar kuni munosabati bilan
🇺🇿 O‘zbekiston davlat jahon tillari universitetida talaba-qizlarni qo‘llab-quvvatlash, ularning salohiyatini ro‘yobga chiqarish hamda yetakchilik qobiliyatlarini rivojlantirishga qaratilgan tadbir tashkil etildi.

🎗Unda universitet rektori Ilxomjon Tuxtasinov, “Lider qizlar” va “Qizlarjon” klublari a’zolari, fakultetlarning xotin-qizlar masalalari bo‘yicha dekan maslahatchilari, xotin-qizlar masalalari bo‘yicha rektor maslahatchisi Sh. B. Shomutalova, shuningdek, Roman-german fakulteti xotin-qizlar masalalari bo‘yicha dekan maslahatchisi N.K.Sabirova boshchiligida iqtidorli va faol talaba-qizlar ishtirok etdi.

📌 Tadbir davomida talaba-qizlarning universitet va jamiyat hayotidagi faolligini oshirish, ularning tashabbuslarini qo‘llab-quvvatlash, liderlik ko‘nikmalarini shakllantirish hamda o‘zaro hamkorlik va tajriba almashish imkoniyatlarini kengaytirish masalalariga alohida e’tibor qaratildi.

Shuningdek, tadbir doirasida
🇺🇿 Roman-german fakultetida ham ushbu klub koordinatorlari tayinlandi va maxsus ishonch yorliqlari topshirildi☄️

Talabalarimizga ushbu mas’ulyatli ishda omad tilaymiz!