📚 NOMDOR STIPENDIYALAR — TALABALAR UCHUN MUHIM IMKONIYAT
📅 2026-yil 14-oktabr kuni “Nemis tili — ilmiy tadqiqotlar ko‘prigi” nomli ilmiy to‘garak doirasida “O‘zbekiston talabalari uchun mavjud nomdor stipendiyalar turlari” mavzusida dars tashkil etildi. Mashg'ulotlar nemis filologiya kafedrasi o'qituvchisi Laylo Xusinova tomonidan olib borildi.
🎓 To'garakda nemis filologiyasi yo‘nalishining 1-,2-bosqich talabalari ishtirok etdi. Unda nomdor stipendiyalar turlari, ularni qo‘lga kiritish imkoniyatlari hamda talabalarning ilmiy va akademik salohiyatini rivojlantirish masalalari yoritildi.
📌 Mashg‘ulot talabalarning bilimlarini kengaytirish va ilmiy izlanishlarga bo‘lgan qiziqishini oshirishga xizmat qildi.
Ilmiy izlanish — yuksak marralar sari yo‘l! 🌟
#NemisFilologiyasi #IlmiyTogarak #NomdorStipendiyalar

1-kurs talabalari uchun tibbiy ko‘rik tashkil etildi.
2026-yilning 14-oktyabr kuni O‘zbekiston davlat jahon tillari universiteti Roman-german filologiyasi fakultetida 1-kurs talabalari uchun tibbiy ko‘rik tashkil etildi.

Tibbiy ko‘rik davomida shifokorlar tomonidan talabalarning salomatligi nazoratdan o‘tkazilib, turli kasalliklarning oldini olish, sog‘lom va muvozanatli ovqatlanish, kun tartibiga amal qilish hamda jismoniy faollikni oshirish yuzasidan foydali tavsiyalar berildi. Shuningdek, talabalar o‘rtasida antropometrik o‘lchovlar o‘tkazilib, ularning bo‘yi, tana vazni va jismoniy rivojlanish ko‘rsatkichlari baholandi

Mazkur tadbir talabalarning salomatligini mustahkamlash, ular orasida sog‘lom turmush tarzini keng targ‘ib qilish hamda kasalliklarning barvaqt oldini olishga qaratilgan profilaktik chora-tadbirlarni amalga oshirishda muhim ahamiyat kasb etadi.