SPORT — SOG‘LOM HAYOT GAROVI!

🇺🇿 O‘zbekiston davlat jahon tillari universiteti Ingliz filologiyasi fakulteti dekani X. I. Xakimov va Roman-german filologiyasi fakulteti dekani A. Xalillayev tashabbusi bilan, IPMBIB mutaxassisi M. Abdurahmonova tomonidan fakultet talabalarining darsdan keyingi bo‘sh vaqtlarini mazmunli tashkil etish, ularning jismoniy faolligini oshirish hamda sog‘lom turmush tarzini targ‘ib qilish maqsadida sport mashg‘ulotlari tashkil etildi. Mazkur tadbir Besh muhim tashabbusning ikkinchi yo‘nalishi — yoshlarni jismoniy tarbiya va sportga keng jalb etish doirasida o‘tkazildi.

🇺🇿 Mashg‘ulotlar davomida talabalar stol tennisi, voleybol va shaxmat bo‘yicha bellashuvlarda faol ishtirok etdilar. Ushbu sport turlari talabalarning jismoniy chiniqishi, intellektual salohiyati, tezkor fikrlashi hamda jamoada ishlash ko‘nikmalarini rivojlantirishga xizmat qildi.

▶️ Mazkur tashabbus yoshlarning bo‘sh vaqtlarini mazmunli o‘tkazish, ularning sportga bo‘lgan qiziqishini oshirish, o‘zaro do‘stlik va hamjihatlikni mustahkamlash, shuningdek, talabalar o‘rtasida sog‘lom raqobat muhitini shakllantirishga qaratilgan.

🎙 POWER OF SPEECH — FIKRLAR OVOZGA, OVOZLAR ISHONCHGA AYLANDI‼️

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan “POWER OF SPEECH” — notiqlik va omma oldida so‘zlash klubi mashg‘uloti bo‘lib o‘tdi🎤

💬 Mashg‘ulot davomida talabalar omma oldida erkin so‘zlash, fikrlarini aniq va mantiqiy ifodalash, nutq jarayonida o‘ziga bo‘lgan ishonchni mustahkamlash hamda auditoriya bilan samarali muloqot o‘rnatish bo‘yicha bilim va ko‘nikmalarini oshirdilar.

📌 SPEAK UP, THINK SMART va CONFIDENCE BOOST yo‘nalishlariga alohida e’tibor qaratilib, ishtirokchilarning notiqlik salohiyatini rivojlantirish, mustaqil fikrlash va o‘z qarashlarini dadil ifodalash qobiliyatlarini shakllantirishga ahamiyat berildi.

🔖Mazkur loyiha talabalar uchun o‘z ustida ishlash, nutq madaniyatini takomillashtirish va yangi fikrdoshlar bilan tajriba almashish imkoniyatini yaratdi☄️

🌐Biz ijtimoiy tarmoqlarda:
TELEGRAM | INSTAGRAM

🏆 SPORT LOTOREYASI — G‘ALABA TASODIF EMAS, JAMOAVIY HARAKAT NATIJASI

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan “SPORT LOTOREYASI” nomli qiziqarli jamoaviy musobaqa bo‘lib o‘tdi.

🎮 Musobaqa davomida 6 kishilik jamoalar maxsus qutidan tasodifiy sport shartlarini tanlab, ularni belgilangan vaqt ichida bajarish bo‘yicha o‘zaro bellashdilar. Har bir muvaffaqiyatli topshiriq jamoalarga ball to‘plash imkonini berdi.

🏀 Har bir shart — yangi sinov, har bir soniya — g‘alaba sari imkoniyat! Ishtirokchilar topshiriqlarni bajarishda tezkorlik, chaqqonlik va o‘zaro hamkorlikka tayanib, musobaqaga o‘zgacha shijoat bag‘ishladilar❗

🤝 Bellashuvlar sog‘lom raqobat, ko‘tarinki kayfiyat va jamoaviy birdamlik ruhida o‘tib, talabalar o‘rtasida sportga bo‘lgan qiziqishni yanada oshirishga xizmat qildi.

🌐Biz ijtimoiy tarmoqlarda:
TELEGRAM | INSTAGRAM

🌳 KUZNI YIG‘AMIZ — KUZ RANGLARI IJODGA AYLANDI!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan “KUZNI YIG‘AMIZ” — moda va kreativlikka bag‘ishlangan ijodiy loyiha bo‘lib o‘tdi.

🎨 Loyiha davomida talabalar kuzgi barglar, tabiiy materiallar va turli dekorativ detallardan foydalanib, o‘ziga xos moda obrazlarini yaratdilar. Har bir ijodiy ishda ishtirokchilarning individual uslubi, estetik didi va noodatiy yondashuvi o‘z aksini topdi☄️

💡 FASHION & CREATIVITY — ishtirokchilar nafaqat kuzgi obrazlar yaratish, balki ular ortidagi g‘oya va ilhom manbalarini ifodalash orqali o‘z ijodiy salohiyatlarini sinovdan o‘tkazdilar⚡️

✨ Mazkur loyiha talabalar uchun moda, san’at va tabiat uyg‘unligini kashf etish, yangi g‘oyalarni ro‘yobga chiqarish hamda ijodiy tajriba almashish imkoniyatini yaratdi.

🌐Biz ijtimoiy tarmoqlarda:
TELEGRAM | INSTAGRAM