🟥🟥🟥🟩🟩🟩

🗣“Yurtim qadriyatlari” ko‘rik-tanlovi e’lon qilindi

🏛 Talaba va o‘quvchilarning ijtimoiy faolligini oshirish markazi talabalar o‘rtasida “Yurtim qadriyatlari” ko‘rik-tanlovini eʼlon qiladi.

Tanlovda barcha oliy ta’lim muassasalarining 10 nafargacha talaba-yoshlaridan tashkil topgan terma jamoalari ishtirok etishlari mumkin.

✔️Tanlov 4 bosqichda o‘tkaziladi:

➡️1) fakultetlararo bosqich;
➡️2) hududiy bosqich;
➡️3) yarim final bosqichi;
➡️4) final bosqichi.

☑️Tanlov 3 ta shart: “Milliy an’ana, qadriyat va urf-odatlar”, “Kompozitsion musiqiy chiqishlar” hamda “Jadidlar jasorati – millatimiz faxri” shartlari asosida o‘tkaziladi.
☑️Tanlov g‘olibi bo‘lgan jamoalar Oliy ta’lim, fan va innovatsiyalar vazirligi tomonidan quyidagi tartibda diplom va pul mukofotlari bilan taqdirlanadi:

🥇1-o‘rin – 50 million so‘m;
🥈2-o‘rin – 30 million so‘m;
🥉3-o‘rin – 20 million so‘m.

➡️Tanlov nizomi bilan tanishish

⏺Tanlovning birinchi fakultetlararo bosqichi oktabr oyi davomida o‘tkaziladi. Ishtirok etmoqchi bo‘lgan talabalar taʼlim muassasasining Yoshlar masalalari va maʼnaviy-maʼrifiy ishlar bo‘yicha masʼullariga murojaat qilishi mumkin.

Bizni kuzating:

📱Instagram | 📺YouTube | 🕊Telegram

🇫🇷 TIL O‘RGANISH — DUNYONI ANGLASH SARI QADAM!

🇺🇿 O‘zbekiston davlat jahon tillari universiteti 🇫🇷 Fransuz filologiyasi kafedrasi o‘qituvchisi M. Xayitova tashabbusi bilan 1-bosqich talabalari uchun “Lire le monde, écrire sa vie” (Dunyoni o‘qish, o‘z hayotini yozish) nomli til to‘garaklari tashkil etildi.

📌 Mazkur to‘garaklar doirasida talabalarning fransuz tilida o‘qish, yozish va mustaqil fikr bildirish ko‘nikmalarini takomillashtirish, kitobxonlik madaniyatini rivojlantirish hamda ijodiy qobiliyatlarini yuzaga chiqarishga alohida e’tibor qaratilmoqda.

🔖Mashg‘ulotlar nafaqat til bilimlarini mustahkamlash, balki talabalarda tanqidiy tafakkur, ijodiy yondashuv va madaniyatlararo muloqot ko‘nikmalarini shakllantirishga ham xizmat qilmoqda☄️

🟦🟦🟦🟦🟦🟦

🎭 SAHNA SIZNIKI: ISTE’DODINGIZNI NAMOYON ETISHGA TAYYORMISIZ?

✨ “Giyohvandlikka «YO‘Q» deyish — orzularga «HA» deyish!” va "Giyohvandlik-umr zavoli",

Aziz talabalar! Sizda aktyorlik mahorati, ijodiy g‘oyalar yoki sahnada o‘z so‘zingizni aytish istagi bormi? Unda bu imkoniyat aynan siz uchun!

O‘zbekiston davlat jahon tillari universitetida O‘zbekiston Respublikasi Prezidentining 2025-yil 3-noyabrdagi PF-207-son Farmonida belgilangan vazifalar ijrosi doirasida “Talabalar teatr studiyalari” tanlovi o‘tkaziladi.

🎬 Bu shunchaki tanlov emas! Bu — o‘z iste’dodingizni namoyon etish, jamoa bilan ijod qilish, muhim ijtimoiy mavzularni san’at orqali yoritish va fakultetingiz sharafini himoya qilish imkoniyati!

🎯 Tanlovning asosiy maqsadi:
🎭 Talaba-yoshlarning teatr san’atiga bo‘lgan qiziqishini oshirish;
💡 Iste’dodli yoshlarni aniqlash va qo‘llab-quvvatlash;
🚫 Giyohvandlikning salbiy oqibatlarini sahna orqali yoritish;
🌱 Yoshlar orasida sog‘lom turmush tarzi va yuksak maqsadlarni targ‘ib qilish.

🗓 Sana: 2026-yil 26-oktabr
🕑 Vaqt: 14:00
📍 Manzil: “Ma’naviyat va ma’rifat markazi”, Zakovat ko‘chasi, 4-uy (Literaturniy hududi).

📝 QATNASHISH UCHUN NIMA QILISH KERAK?

Tanlovda universitetning musiqa ta’limi va aktyorlik san’ati yo‘nalishlarida tahsil olmaydigan barcha talabalar ishtirok etishlari mumkin. Jamoalar 10 nafargacha talabadan shakllantiriladi.

Ishtirok etish istagidagi talabalar o‘z fakultetlarining yoshlar bilan ishlash bo‘yicha dekan muoviniga murojaat qilishlari mumkin.

📄 Tanlov nizomi bilan tanishing: Tanlov nizomi

📌SIZNI NIMALAR KUTMOQDA?

🥇 1-o‘rin — jamoaning har bir a’zosi uchun bazaviy stipendiyaning 3 barobari miqdorida pul mukofoti;
🥈2-o‘rin — jamoaning har bir a’zosi uchun bazaviy stipendiyaning 2 barobari miqdorida pul mukofoti;
🥉 3-o‘rin — jamoaning har bir a’zosi uchun bazaviy stipendiyaning 1 barobari miqdorida pul mukofoti.

⭐️ Shuningdek, “Eng yaxshi erkak roli uchun”, “Eng yaxshi ayol roli uchun”, “Eng ta’sirchan profilaktik g‘oya”, “Jamoa ijodkor talabasi”, “Eng yaxshi talabalar teatr studiyasi rahbari” va “Eng faol fakultet” nominatsiyalari bo‘yicha ham g‘oliblar aniqlanadi. Nominatsiya g‘oliblari diplom va esdalik sovg‘alari bilan taqdirlanadi.

💬Esda tuting: sahnada aytilgan birgina jumla yoki namoyish etilgan obraz insonni chuqur o‘ylashga undashi, to‘g‘ri qaror qabul qilishiga turtki berishi mumkin. San’at nafaqat tomoshabinlarni hayratga soladi, balki ularning qarashlarini ham o‘zgartira oladi.

Sahna sizni kutmoqda! Iste’dodingizni namoyon eting, g‘oyalaringizni obrazlarga aylantiring va sog‘lom kelajak uchun o‘z ovozingizni baland ko‘taring!

🌐 Biz ijtimoiy tarmoqlarda:
Telegram | Instagram | Facebook | Sayt