🧶 HANDMADE MAGIC — IJODKORLIK VA AMALIY MAHORAT UYG‘UNLIGI!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan “HANDMADE MAGIC” — biser to‘qish bo‘yicha o‘quv-amaliy mashg‘ulot bo‘lib o‘tdi.

🎨 Mashg‘ulot davomida ishtirokchilarga biser bilan ishlashning boshlang‘ich texnikalari, munchoqlarni rang va shakl jihatidan uyg‘unlashtirish, taqinchoqlar uchun naqsh va kompozitsiyalar yaratish usullari haqida amaliy tushunchalar berildi.

📌 Talabalar o‘zlari tanlagan dizaynlar asosida uzuk, bilaguzuk va turli bezak buyumlarini tayyorlash jarayonida mayda detallar bilan ishlash, ijodiy yondashuv hamda qo‘l mehnati orqali mahsulot yaratish ko‘nikmalarini rivojlantirdilar.

🔖Mazkur loyiha talabalarning amaliy hunarmandchilikka bo‘lgan qiziqishini qo‘llab-quvvatlash, estetik didini shakllantirish va ijodiy salohiyatini yuzaga chiqarishga qaratilgani bilan ahamiyatli bo‘ldi☄️

🌐Biz ijtimoiy tarmoqlarda:
TELEGRAM | INSTAGRAM

😁ZAKOVAT — BILIM VA TAFAKKUR MAYDONI!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida fakulteti tyutorlari L. Rahmatullayeva va Sh. G'oyibov bilan hamkorlikda “ZAKOVAT” intellektual o‘yini tashkil etildi.

📌 Tadbirni Roman-german filologiyasi fakulteti dekani A. Xalillayev ochib berib, talabalarning intellektual salohiyatini yuksaltirish, mustaqil fikrlash qobiliyatini rivojlantirish hamda bilimga intiluvchan yoshlarni qo‘llab-quvvatlashda bunday loyihalarning muhim ahamiyat kasb etishini ta’kidladi.

📚 Intellektual bellashuv davomida ishtirokchilar turli fan va sohalarga oid savollar yuzasidan mantiqiy mushohada yuritib, o‘z bilimlarini amalda qo‘llash, fikrlarni o‘zaro tahlil qilish hamda jamoaviy qaror qabul qilish borasida kuch sinashdilar.

‼️Qizg‘in bahs-munozaralar va sog‘lom raqobat ruhida o‘tgan mazkur tadbir talabalarning dunyoqarashini kengaytirish, intellektual faolligini oshirish hamda o‘zaro hamkorlik muhitini mustahkamlashga xizmat qildi.

🏠 TALABALAR XAVFSIZLIGI — DOIMIY E’TIBORDA!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti tyutori Z. Nazarova tomonidan talabalarning yashash sharoitlari, kundalik turmush tarzi va xavfsizligini o‘rganish maqsadida ularning holidan xabar olindi.

📌 Tashrif davomida talabalarning yashash sharoitlari bilan yaqindan tanishilib, kuz-qish mavsumida yuzaga kelishi mumkin bo‘lgan xavf-xatarlarning oldini olish, xususan, is gazidan zaharlanish holatlariga yo‘l qo‘ymaslik yuzasidan profilaktik suhbat o‘tkazildi.

⚠️ Suhbat jarayonida isitish moslamalaridan to‘g‘ri foydalanish, gaz jihozlarining sozligini nazorat qilish, xonalarni muntazam shamollatish hamda yong‘in va gaz xavfsizligi qoidalariga qat’iy rioya etish zarurligi tushuntirildi. Shuningdek, is gazining rangsiz va hidsiz ekanligi, uning inson salomatligi va hayoti uchun jiddiy xavf tug‘dirishi alohida ta’kidlandi‼️

🔖 Mazkur profilaktik tashrif talabalarning yashash sharoitlariga e’tibor qaratish, ularning xavfsizlik borasidagi xabardorligini oshirish hamda turli ko‘ngilsiz hodisalarning oldini olishga qaratilgani bilan ahamiyatli bo‘ldi.

🎓 DEKAN VA YOSHLAR UCHRASHUVI!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti dekani A. Xalillayev ishtirokida fakultetning kechki ta’lim shaklida tahsil olayotgan talabalari bilan uchrashuv tashkil etildi.

📌 Uchrashuv davomida talabalarning ta’lim jarayonidagi faolligi, o‘quv faoliyatini samarali tashkil etish, mavjud imkoniyatlardan unumli foydalanish hamda yoshlarni qiziqtirayotgan dolzarb masalalar yuzasidan fikr almashildi. Shuningdek, giyohvandlikning salbiy oqibatlari, yoshlar o‘rtasida jinoyatchilik va huquqbuzarliklarning oldini olish hamda sog‘lom turmush tarzini targ‘ib etish masalalariga alohida e’tibor qaratildi.

💬 Ochiq muloqot ruhida o‘tgan uchrashuvda talabalarning taklif va mulohazalariga alohida e’tibor qaratilib, ularni qo‘llab-quvvatlash, sifatli ta’lim olishlari uchun qulay sharoitlar yaratish hamda fakultet hayotidagi ishtirokini yanada faollashtirish masalalariga urg‘u berildi.

⭐️Bunday uchrashuvlar fakultet rahbariyati va talabalar o‘rtasidagi o‘zaro ishonchni mustahkamlash, yoshlarning fikrini tinglash hamda mavjud masalalarga hamkorlikda yechim topishda muhim ahamiyat kasb etadi.