📱 COLOR CIRCLE — IJODKORLIK VA JAMOAVIYLIK UYG‘UNLIGI!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan talabalar o‘rtasida “COLOR CIRCLE” nomli interaktiv va jamoaviy o‘yinlarga asoslangan madaniy-ma’rifiy loyiha tashkil etildi.

🌳 Tabiat qo‘ynida o‘tkazilgan mazkur loyiha davomida ishtirokchilar davra shaklida jamlanib, turli interaktiv mashg‘ulotlar va jamoaviy topshiriqlarda ishtirok etdilar. O‘yinlar jarayonida talabalarning diqqatni jamlash, vaziyatga tezkor munosabat bildirish, mantiqiy fikrlash hamda o‘zaro muvofiqlashgan holda harakat qilish ko‘nikmalariga alohida e’tibor qaratildi.

🔖“COLOR CIRCLE” loyihasining o‘ziga xos jihati shundaki, unda ranglar oddiy ko‘rgazmali vosita sifatida emas, balki ishtirokchilar o‘rtasidagi muloqot, hamkorlik va faollikni rag‘batlantiruvchi interaktiv jarayonning muhim elementi sifatida qo‘llanildi☄️

📌 Ushbu tashabbus talabalarning darsdan tashqari vaqtini mazmunli tashkil etish bilan bir qatorda, ularning ijtimoiy faolligini oshirish, jamoada ishlash madaniyatini rivojlantirish hamda o‘zaro do‘stona munosabatlarni mustahkamlashga yo‘naltirildi.

🌐 Biz ijtimoiy tarmoqlarda:
TELEGRAM | INSTAGRAM

🎨 “IJOD VA NAFOSAT ” TO‘GARAGI FAOLIYATI

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida IPMBIB bo‘limi mutaxassisi M. Abdurahmonova hamda fakultet 🇺🇿 Yoshlar ittifoqi boshlang’ich tashkiloti tashabbusi bilan talabalarning bo‘sh vaqtlarini mazmunli tashkil etish, ijodiy qobiliyatlarini rivojlantirish hamda milliy qadriyatlarimiz va san’atga bo‘lgan qiziqishlarini oshirish maqsadida “Ijod va nafosat” to‘garagi faoliyati yo‘lga qo‘yildi.

📌 To‘garak mashg‘ulotida 🇫🇷 Fransuz filologiyasi kafedrasi mudirasi G. Raximova, 🇪🇸 Ispan filologiyasi kafedrasi mudirasi I. Turamuratova hamda 🇫🇷 Fransuz filologiyasi kafedrasi o‘qituvchisi, chet ellik mutaxassis Emilie Tsakiridis ishtirok etdilar. Mashg‘ulot davomida talabalar o‘zbek milliy naqshlari bilan tanishib, milliy bezak san’atiga oid ijodiy g‘oyalarini namoyon etdilar.

🔖Mazkur to‘garak talabalarning ijodiy tafakkurini rivojlantirish, milliy merosimizga hurmat ruhida tarbiyalash, iste’dodlarini yuzaga chiqarish hamda bo‘sh vaqtlarini mazmunli tashkil etishga xizmat qiladi☄️

🌐 Biz ijtimoiy tarmoqlarda:
TELEGRAM | INSTAGRAM

👥 TALABALAR HOLIDAN XABAR OLINDI!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida talabalar bilan ishlash, ularning yashash sharoitlarini o‘rganish hamda mavjud muammolariga e’tibor qaratish maqsadida navbatdagi tashrif amalga oshirildi.

📌 Bunda IPMBIB mutaxassisi M. Abdurahmonova hamda fakultet tyutori Z. Nazarova 5-talabalar turar joyiga tashrif buyurib, talabalarning holidan xabar oldilar.

🔖Tashrif davomida talabalarning yashash sharoitlari, kundalik turmush tarzi, o‘quv jarayonidagi faolligi hamda ularni qiziqtirayotgan masalalar yuzasidan samimiy suhbat tashkil etildi. Shuningdek, talabalar tomonidan bildirilgan fikr va takliflar tinglanib, ularga tegishli tavsiyalar berildi.

🔗 Bunday tashriflar talabalarning ijtimoiy-maishiy holatini muntazam o‘rganish, ular bilan yaqindan muloqot o‘rnatish hamda qulay va xavfsiz yashash muhitini ta’minlashga xizmat qiladi.

📖 “YULDUZLI TUNLAR” — TAFAKKUR VA ADABIY MULOHAZALAR UYG‘UNLIGI!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan atoqli adib Pirimqul Qodirovning “Yulduzli tunlar” tarixiy romani yuzasidan kitobxonlik uchrashuvi va adabiy munozara tashkil etildi.

📖Tadbir davomida ishtirokchilar asarning mazmun-mohiyati, tarixiy voqealar tasviri, badiiy obrazlar talqini hamda romanda ilgari surilgan g‘oyalar yuzasidan o‘zaro fikr almashdilar. Ayniqsa, Zahiriddin Muhammad Bobur siymosi, uning murakkab hayot yo‘li, hukmdorlik mas’uliyati, Vatanga muhabbati va insoniy kechinmalarining badiiy ifodasi muhokamalarning asosiy mavzularidan bo‘ldi.

💬 Adabiy munozara jarayonida talabalar asardagi tarixiy haqiqat va badiiy talqin o‘rtasidagi bog‘liqlik, qahramonlarning qarorlari, ularning taqdiriga ta’sir ko‘rsatgan voqealar hamda insoniy qadriyatlar haqida o‘z mulohazalarini bildirdilar. Turli qarashlarning o‘zaro muhokama qilinishi asarni yanada chuqurroq anglash va voqealarga turli nuqtayi nazardan yondashish imkonini yaratdi.

‼️Mazkur kitobxonlik uchrashuvi talabalarning badiiy adabiyotga bo‘lgan qiziqishini oshirish, tarixiy tafakkurini boyitish, mustaqil va tanqidiy fikrlash ko‘nikmalarini rivojlantirish hamda o‘z qarashlarini asosli va erkin ifodalash madaniyatini mustahkamlashga xizmat qildi.

🌐 Biz ijtimoiy tarmoqlarda:
TELEGRAM | INSTAGRAM