👥 TALABALAR HOLIDAN XABAR OLINDI!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida talabalar bilan ishlash, ularning yashash sharoitlarini o‘rganish hamda mavjud muammolariga e’tibor qaratish maqsadida navbatdagi tashrif amalga oshirildi.

📌 Bunda IPMBIB mutaxassisi M. Abdurahmonova hamda fakultet tyutori Z. Nazarova 5-talabalar turar joyiga tashrif buyurib, talabalarning holidan xabar oldilar.

🔖Tashrif davomida talabalarning yashash sharoitlari, kundalik turmush tarzi, o‘quv jarayonidagi faolligi hamda ularni qiziqtirayotgan masalalar yuzasidan samimiy suhbat tashkil etildi. Shuningdek, talabalar tomonidan bildirilgan fikr va takliflar tinglanib, ularga tegishli tavsiyalar berildi.

🔗 Bunday tashriflar talabalarning ijtimoiy-maishiy holatini muntazam o‘rganish, ular bilan yaqindan muloqot o‘rnatish hamda qulay va xavfsiz yashash muhitini ta’minlashga xizmat qiladi.

📖 “YULDUZLI TUNLAR” — TAFAKKUR VA ADABIY MULOHAZALAR UYG‘UNLIGI!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan atoqli adib Pirimqul Qodirovning “Yulduzli tunlar” tarixiy romani yuzasidan kitobxonlik uchrashuvi va adabiy munozara tashkil etildi.

📖Tadbir davomida ishtirokchilar asarning mazmun-mohiyati, tarixiy voqealar tasviri, badiiy obrazlar talqini hamda romanda ilgari surilgan g‘oyalar yuzasidan o‘zaro fikr almashdilar. Ayniqsa, Zahiriddin Muhammad Bobur siymosi, uning murakkab hayot yo‘li, hukmdorlik mas’uliyati, Vatanga muhabbati va insoniy kechinmalarining badiiy ifodasi muhokamalarning asosiy mavzularidan bo‘ldi.

💬 Adabiy munozara jarayonida talabalar asardagi tarixiy haqiqat va badiiy talqin o‘rtasidagi bog‘liqlik, qahramonlarning qarorlari, ularning taqdiriga ta’sir ko‘rsatgan voqealar hamda insoniy qadriyatlar haqida o‘z mulohazalarini bildirdilar. Turli qarashlarning o‘zaro muhokama qilinishi asarni yanada chuqurroq anglash va voqealarga turli nuqtayi nazardan yondashish imkonini yaratdi.

‼️Mazkur kitobxonlik uchrashuvi talabalarning badiiy adabiyotga bo‘lgan qiziqishini oshirish, tarixiy tafakkurini boyitish, mustaqil va tanqidiy fikrlash ko‘nikmalarini rivojlantirish hamda o‘z qarashlarini asosli va erkin ifodalash madaniyatini mustahkamlashga xizmat qildi.

🌐 Biz ijtimoiy tarmoqlarda:
TELEGRAM | INSTAGRAM

🎾SPORT — SOG‘LOM RAQOBAT VA MAZMUNLI HORDIQ!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida IPMBIB bo‘limi mutaxassisi M. Abdurahmonova hamda fakultet 🇺🇿 Yoshlar ittifoqi boshlang‘ich tashkiloti tashabbusi bilan talabalarning bo‘sh vaqtini mazmunli tashkil etish maqsadida stol tennisi va badminton bo‘yicha sport o‘yinlari tashkil etildi.

🏓Stol tennisi o‘yinlari davomida talabalar tezkorlik, diqqatni jamlash, harakatlarni muvofiqlashtirish hamda vaziyatga mos ravishda qaror qabul qilish ko‘nikmalarini sinovdan o‘tkazdilar. O‘zaro bellashuvlar ishtirokchilarning sportga bo‘lgan qiziqishini yanada oshirishga xizmat qildi.

🏸 Badminton o‘yinlarida esa talabalarning chaqqonligi, harakat aniqligi, muvozanatni saqlash va tezkor munosabat bildirish qobiliyatlariga alohida e’tibor qaratildi. O‘yinlar davomida sog‘lom raqobat, o‘zaro hurmat va do‘stona munosabatlar ustuvor bo‘ldi.

🤝 Mazkur sport tadbiri talabalarning darsdan tashqari vaqtini samarali o‘tkazish, jismoniy faolligini oshirish, sog‘lom turmush tarzini targ‘ib etish hamda ular o‘rtasida hamjihatlik va ijtimoiy faollikni mustahkamlashga qaratildi.

🌐 Biz ijtimoiy tarmoqlarda:
TELEGRAM | INSTAGRAM

🏐🏐🏐🏐 — JAMOAVIYLIK, SHIJOAT VA SPORT RUHI!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan talabalar o‘rtasida voleybol bo‘yicha sport musobaqasi tashkil etildi.

🏆 Musobaqa davomida 6 nafardan iborat jamoalar o‘zaro bellashib, maydonda qizg‘in va murosasiz sport bahslarini olib bordilar. Uchrashuvlar davomida ishtirokchilarning o‘zaro hamjihatligi, taktik yondashuvi, tezkor qaror qabul qilishi hamda jamoaviy harakatlarni muvofiqlashtirish mahorati bellashuvlarning asosiy jihatlaridan biri bo‘ldi.

📌 Har bir uchrashuv sportchilardan nafaqat jismoniy tayyorgarlik, balki diqqat, mas’uliyat va jamoaviy birdamlikni ham talab etdi. Qizg‘in bahslar, kutilmagan vaziyatlar va g‘alaba uchun kechgan kurashlar musobaqaning yanada mazmunli va qiziqarli o‘tishini ta’minladi.

🤝 Mazkur sport tashabbusi talabalarning bo‘sh vaqtini samarali tashkil etish, ular o‘rtasida sog‘lom raqobat muhitini shakllantirish, jismoniy faollikni rag‘batlantirish hamda sport orqali o‘zaro do‘stlik va hamkorlik aloqalarini mustahkamlashga xizmat qildi.

🌐 Biz ijtimoiy tarmoqlarda:
TELEGRAM | INSTAGRAM