🟦🟦🟦🟦

🧠 TAFAKKURDAN TASHABBUSGA, G‘OYADAN AMALIYOTGA!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan “INTELLEKTUAL HAFTALIK” doirasida talabalarning bilim va salohiyatini oshirish, ijodiy qobiliyatlarini rivojlantirish hamda bo‘sh vaqtlarini mazmunli tashkil etishga qaratilgan turli loyiha va tadbirlar bo‘lib o‘tdi.

♥️ “YULDUZLI TUNLAR” — ADABIY TAFAKKUR VA MUNOZARA

Pirimqul Qodirovning “Yulduzli tunlar” tarixiy romani yuzasidan tashkil etilgan kitobxonlik uchrashuvida asarning g‘oyaviy-badiiy mazmuni, Zahiriddin Muhammad Boburning murakkab hayot yo‘li, tarixiy voqealar va qahramonlar taqdiri muhokama qilindi. Talabalar asardagi tarixiy haqiqat, insoniy kechinmalar va ma’naviy qadriyatlar yuzasidan o‘z qarashlarini bildirdilar.

🏆 VOLEYBOL — SHIJOAT VA JAMOAVIYLIK BELLASHUVI

Olti nafardan iborat jamoalar ishtirokida o‘tkazilgan voleybol musobaqasi qizg‘in sport bahslariga boy bo‘ldi. Bellashuvlarda tezkor qaror qabul qilish, o‘zaro hamjihatlik, taktik harakatlar va g‘alabaga intilish muhim ahamiyat kasb etdi.

🇺🇿 “COLOR CIRCLE” — RANGLAR VA INTERAKTIV O‘YINLAR

Tabiat qo‘ynida o‘tkazilgan loyihada talabalar davra shaklida jamlanib, rangli qog‘ozlar asosida tayyorlangan qiziqarli topshiriqlar va interaktiv o‘yinlarda qatnashdilar. Ranglar vositasida tashkil etilgan mashg‘ulotlar ishtirokchilarning diqqat, tezkor fikrlash, harakatlarni muvofiqlashtirish va o‘zaro muloqot ko‘nikmalarini sinovdan o‘tkazdi.

👩 “IJOD VA NAFOSAT” — MILLIY MEROS VA SAN’AT UYG‘UNLIGI

Ijodiy to‘garak mashg‘ulotida talabalar o‘zbek milliy naqshlari, ularning o‘ziga xos bezak elementlari va badiiy xususiyatlari bilan yaqindan tanishdilar. Milliy bezak san’atiga bag‘ishlangan amaliy jarayon ishtirokchilarga o‘z tasavvurlari va ijodiy yondashuvlarini ifodalash, milliy madaniyatimizning estetik jihatlarini chuqurroq anglash imkonini berdi.

🏸STOL TENNISI VA BADMINTON — TEZKORLIK VA MAHORAT SINOVI

Talabalar o‘rtasida stol tennisi va badminton bo‘yicha sport o‘yinlari tashkil etildi. Bellashuvlar davomida ishtirokchilar chaqqonlik, harakat aniqligi, diqqat va tezkor munosabat bildirish mahoratlarini sinovdan o‘tkazdilar. O‘yinlar do‘stona raqobat va ko‘tarinki kayfiyatda o‘tdi.

⚠️ Haftalik doirasida o‘tkazilgan tadbirlar adabiyot, sport, san’at va interaktiv mashg‘ulotlarni birlashtirib, talabalarning turli yo‘nalishlarda o‘z qobiliyatlarini sinab ko‘rishlari hamda yangi tajriba orttirishlari uchun imkoniyat yaratdi‼️

🌐 Biz ijtimoiy tarmoqlarda:
TELEGRAM | INSTAGRAM

🏛️ ADABIY MEROS SARI MA’RIFIY SAYOHAT!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti tyutori L. Rahmatullayeva boshchiligida talabalar O‘zbekiston Yozuvchilar uyushmasi muzeyiga tashrif buyurdilar.

📌 Tashrif davomida talabalar o‘zbek adabiyotining boy tarixi, atoqli adib va shoirlarimizning hayoti hamda ijodiy faoliyatiga oid qimmatli ma’lumotlar bilan tanishdilar. Muzeydagi eksponatlar va adabiy meros namunalari yoshlarda milliy adabiyotimizga bo‘lgan qiziqishni yanada oshirdi.

🔖 Mazkur ma’rifiy tashrif talabalarning adabiy dunyoqarashini kengaytirish, kitobxonlik madaniyatini yuksaltirish hamda buyuk ijodkorlarimiz merosiga hurmat ruhini mustahkamlashga xizmat qildi☄️

🇪🇸 “DÍA DE LA HISPANIDAD” BAYRAMIGA BAG‘ISHLANGAN TADBIR O‘TKAZILDI

🇺🇿 O‘zbekiston davlat jahon tillari universiteti 🇺🇿Roman-german filologiyasi fakultetida 2026-yil 16-oktabr kuni “Día de la Hispanidad” bayramiga bag‘ishlangan madaniy-ma’rifiy tadbir tashkil etildi.

🌍 Tadbir davomida talabalar Ispaniya va ispan tilida so‘zlashuvchi mamlakatlarning tarixi, milliy qadriyatlari, urf-odatlari hamda madaniy merosi bilan tanishdilar. Shuningdek, milliy musiqa va raqslar, liboslar hamda an’anaviy taomlar namoyish etildi.

📚 Mazkur tadbir talabalarning ispan tili va madaniyatiga bo‘lgan qiziqishini oshirish, lingvistik bilimlarini mustahkamlash hamda madaniyatlararo muloqot ko‘nikmalarini rivojlantirishga xizmat qildi.

✨ Bunday tadbirlar xorijiy tillarni o‘rganish jarayonida milliy madaniyatlarni chuqur anglash va turli xalqlar o‘rtasidagi do‘stona aloqalarni mustahkamlashda muhim ahamiyat kasb etadi.

GIYOHVANDLIKNING JIDDIY OQIBATLARI: TALABA-YOSHLAR BILAN DAVRA SUHBATI

🇺🇿 O‘zbekiston davlat jahon tillari universiteti 🇺🇿Roman-german filologiyasi fakultetida talaba-yoshlar o‘rtasida sog‘lom turmush tarzini targ‘ib qilish maqsadida “Giyohvandlikning salbiy oqibatlari” mavzusida davra suhbati tashkil etildi.

🧠 Tadbir davomida giyohvandlikning inson salomatligi, ruhiy holati va jamiyat hayotiga salbiy ta’siri, shuningdek, uning yoshlar kelajagi uchun xavfli oqibatlari haqida fikr yuritildi. Talabalarga giyohvandlikning oldini olish, zararli odatlardan yiroq bo‘lish va sog‘lom turmush tarziga amal qilishning ahamiyati tushuntirildi.

🤝 Suhbat yakunida talabalar o‘zlarini qiziqtirgan savollarga javob oldilar hamda mavzu yuzasidan fikr-mulohazalarini bildirdilar.

Bunday ma’rifiy tadbirlar yoshlarning zararli odatlarga nisbatan ongli munosabatini shakllantirish, salomatligini asrash va sog‘lom kelajak sari intilishini qo‘llab-quvvatlashga xizmat qiladi.