“CAFE ESPAÑOL” — ISPAN TILIDA MULOQOT VA AMALIYOT

🇺🇿 O‘zbekiston davlat jahon tillari universiteti 🇺🇿Roman-german filologiyasi fakulteti tyutori P. Jabborova tashabbusi bilan tashkil etilgan to‘garaklar o‘z faoliyatini davom ettirmoqda.

🎓 Bugun fakultetda “Cafe Español” ispan tili speaking clubining navbatdagi, ikkinchi mashg‘uloti bo‘lib o‘tdi. Mashg‘ulot 2-kurs talabasi Tursunova Madinabonu tomonidan olib borildi.

🗣 Uchrashuv davomida talabalar so‘z o‘yinlari, tezkor savol-javoblar hamda ispan tilidagi qo‘shiqni tinglash va tahlil qilish orqali o‘z bilimlarini mustahkamladilar. Shuningdek, kundalik so‘z va iboralar, ularning talaffuzi hamda tinglab tushunish ko‘nikmalarini rivojlantirishga alohida e’tibor qaratildi.

Mashg‘ulot davomida talabalar ispan tilida muloqot qilish, yangi so‘z va iboralarni amalda qo‘llash hamda o‘z fikrlarini erkin ifodalash imkoniyatiga ega bo‘ldilar.

📌 Kelgusida “Cafe Español” doirasida turli mavzulardagi suhbatlar, munozaralar, rolli o‘yinlar va ispan tilidagi videolar asosida interaktiv mashg‘ulotlar tashkil etish rejalashtirilgan.

✨ “Cafe Español” — til o‘rganish, tajriba almashish va yangi imkoniyatlar sari qadam!

Talabalarning ijara xonadonlarida xavfsizlik holati o‘rganilmoqda

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti IPMBIB mutaxassisi M. Abdurahmonova tomonidan talabalarning ijara xonadonlarida yashash sharoitlari va xavfsizlik holati muntazam ravishda o‘rganilmoqda.

🇺🇿 Mazkur o‘rganishlardan asosiy maqsad talabalarning ijara xonadonlarida xavfsiz, qulay va sanitariya-gigiyena talablariga javob beradigan sharoitda yashashlarini ta’minlash, shuningdek, turli ko‘ngilsiz holatlarning oldini olishdan iborat.

⛔O‘rganish davomida talabalarning yashash sharoitlari, xonadonning sanitariya holati, xonadoshlari bilan munosabatlari, elektr jihozlaridan foydalanish tartibi hamda is gazi bilan bog‘liq xavfsizlik qoidalariga rioya etilishi ko‘zdan kechirildi. Shuningdek, xonadonlarda gaz plitalari, isitish moslamalari va elektr jihozlarining sozligi, ulardan foydalanish qoidalariga amal qilinayotgani ham nazorat qilindi.

🎶 “ISTE’DOD” MUSIQA TO‘GARAGI FAOLIYATI

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida IPMBIB mutaxassisi M. Abdurahmonova hamda
🇺🇿 Yoshlar ittifoqi boshlang’ich tashkiloti fakultet kengashi tashabbusi bilan talabalarning musiqiy qobiliyatlarini rivojlantirish, ijodiy salohiyatini namoyon etish, san’atga bo‘lgan qiziqishlarini oshirish hamda darsdan keyingi bo‘sh vaqtlarini mazmunli tashkil etish maqsadida “ISTE’DOD” musiqa to‘garagi tashkil etildi.

📌 To‘garakning ochilish marosimini fakultet dekani A. Xalillayev hamda fakultet dekanining ma’naviy-ma’rifiy ishlar bo‘yicha o‘rinbosari A. Mallayev ochib berdilar.

📣 To‘garak faoliyati davomida talabalarning musiqaga bo‘lgan qiziqishlarini qo‘llab-quvvatlash, ularning iste’dodlarini yuzaga chiqarish, ijodiy imkoniyatlarini rivojlantirish hamda san’at orqali yoshlarning ma’naviy dunyosini boyitishga alohida e’tibor qaratiladi☄️