🏆 SPORT, SHIJOAT VA G‘ALABAGA INTILISH BIR MAYDONDA!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan tashkil etilgan “TALABALAR TASHABBUSLARI HAFTALIGI”ning 2-kuni — “SPORT MUSOBAQALARI” kuni doirasida bir qator sport bellashuvlari bo‘lib o‘tdi.

📌 Kun davomida talabalar turli sport yo‘nalishlarida o‘zaro kuch sinashib, jismoniy tayyorgarlik, intellektual salohiyat va jamoaviy hamkorlik borasidagi mahoratlarini sinovdan o‘tkazdilar.

😄 VOLEYBOL

Jamoaviy hamjihatlik, o‘zaro ishonch va tezkor harakatlarga asoslangan bellashuvlarda talabalar g‘alaba uchun kurash olib bordilar.

⚽️ FUTBOL

Shiddatli hujumlar, taktik harakatlar va keskin vaziyatlarga boy uchrashuvlarda jamoalar o‘z sport mahoratlarini namoyish etdilar.

♟ SHAXMAT VA SHASHKA

Mantiqiy tafakkur, strategik rejalashtirish va puxta qaror qabul qilish talab etilgan intellektual bellashuvlar tashkil etildi.

🏓 STOL TENNISI

Chaqqonlik, aniqlik va yuqori diqqatni talab qiluvchi bahslarda talabalar har bir ochko uchun kurash olib bordilar.

🔖 Musobaqalar davomida sog‘lom raqobat, sportga bo‘lgan qiziqish va g‘alabaga intilish muhiti hukm surdi. Bellashuvlar talabalarning nafaqat sport mahoratini oshirish, balki o‘zaro do‘stlik, birdamlik va jamoaviylik munosabatlarini mustahkamlashga ham xizmat qildi☄️

🌐 Biz ijtimoiy tarmoqlarda:
TELEGRAM | INSTAGRAM

🇫🇷 “ATELIER DE GRAMMAIRE” — FRANSUZ TILI GRAMMATIKASINI AMALIY O‘RGANISH!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida 2026-yil 20-oktabr kuni “Atelier de grammaire” ilmiy to‘garagi doirasida “Poser des questions” (Savollar berish) mavzusida navbatdagi mashg‘ulot tashkil etildi.

📌 Mashg‘ulotda 6 nafar talaba ishtirok etib, fransuz tilida savol tuzish usullari, so‘roq so‘zlarining qo‘llanilishi hamda kundalik kommunikativ vaziyatlarda savollardan to‘g‘ri foydalanish bo‘yicha bilimlarini mustahkamladilar.

⚠️ Amaliy mashg‘ulot davomida:

🔹 Fransuz tilida so‘roq gaplarning tuzilishi;
🔹 Fe’l va olmoshlarning gapdagi tartibi;
🔹 So‘roq intonatsiyasining o‘ziga xos xususiyatlari;
🔹 Rasmiy va norasmiy muloqotda savol berish usullari yuzasidan mashqlar bajarildi.

💬 Shuningdek, talabalarning grammatik bilimlari, talaffuzi, lug‘at boyligi va og‘zaki nutq faolligini rivojlantirishga alohida e’tibor qaratildi.

📍 Mazkur ilmiy to‘garak mashg‘ulotlari talabalarning fransuz tilida erkin va grammatik jihatdan to‘g‘ri muloqot qilish ko‘nikmalarini shakllantirishga xizmat qilmoqda❗️

🇫🇷 “J’AIME PARLER FRANÇAIS” — FRANSUZ TILIDA ERKIN MULOQOT SARI!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti 🇫🇷 Fransuz filologiyasi kafedrasi qoshidagi “J’aime parler français” ijodiy to‘garagining navbatdagi mashg‘uloti tashkil etildi.

🗓 2026-yil 20-oktabr kuni “La vie quotidienne : parler de sa journée” (Kundalik hayot: o‘z kun tartibi haqida suhbatlashish) mavzusida o‘tkazilgan mashg‘ulotda 8 nafar o‘quvchi ishtirok etdi.

📚 Mashg‘ulot davomida ishtirokchilar kundalik hayotga oid yangi so‘z va iboralarni o‘zlashtirib, fransuz tilida kun tartibini tasvirlash, kundalik faoliyatlari haqida fikr bildirish hamda savol-javoblar orqali o‘zaro muloqot qilish bo‘yicha amaliy mashqlar bajardilar.

🎯 Interfaol topshiriqlar va suhbatlar orqali o‘quvchilarning og‘zaki nutq faolligi, lug‘at boyligi hamda fransuz tilida mustaqil fikr ifodalash ko‘nikmalarini rivojlantirishga alohida e’tibor qaratildi.

✨ Mazkur ijodiy to‘garak mashg‘ulotlari ishtirokchilarning fransuz tiliga bo‘lgan qiziqishini oshirish, kommunikativ ko‘nikmalarini mustahkamlash hamda til bilimlarini kundalik hayotda qo‘llashga xizmat qilmoqda.

🇩🇪 XALQARO EKSPERT ISHTIROKIDA AMALIY LINGVISTIKA MASHG‘ULOTLARI TASHKIL ETILDI

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti 🇩🇪 Nemis filologiyasi kafedrasi taklifiga binoan Germaniyaning SES tashkiloti eksperti Christel Matzke ishtirokida amaliy mashg‘ulotlar tashkil etildi.

📚 Universitet huzuridagi Pedagog kadrlarni qayta tayyorlash va ularning malakasini oshirish tarmoq markazida “Amaliy lingvistikaning dolzarb muammolari” fanidan o‘tkazilgan mashg‘ulotlarda zamonaviy tilshunoslik va xorijiy tillarni o‘qitishning ilg‘or yondashuvlari muhokama qilindi.

📌 Mashg‘ulotlar davomida amaliy lingvistikaning asosiy yo‘nalishlari, tilshunoslik nazariyalarini amaliyotga tatbiq etish, xorijiy tillarni o‘qitishning innovatsion metodlari hamda kommunikativ va madaniyatlararo kompetensiyalarni rivojlantirish masalalariga alohida e’tibor qaratildi.

💡 Darslar interfaol metodlar, amaliy topshiriqlar, ochiq muhokamalar va tajriba almashish asosida tashkil etilib, tinglovchilarga Germaniya ta’lim tizimida qo‘llanilayotgan zamonaviy pedagogik yondashuvlar bilan yaqindan tanishish imkonini berdi.

🌐 Shuningdek, til ta’limida raqamli texnologiyalardan samarali foydalanish, o‘quv jarayonining sifatini oshirish hamda zamonaviy o‘qitish metodlarini takomillashtirish yuzasidan fikr almashildi.

✨ Mazkur mashg‘ulotlar xalqaro tajriba almashinuvini kengaytirish, pedagoglarning kasbiy kompetensiyalarini rivojlantirish hamda xorijiy tillar ta’limiga ilg‘or metodik yondashuvlarni tatbiq etishda muhim ahamiyat kasb etadi.

🇫🇷 “ON PARLE FRANÇAIS” — FRANSUZ TILIDA SONLARNI O‘RGANAMIZ!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida 🇫🇷 Fransuz filologiyasi kafedrasi tashabbusi bilan tashkil etilgan “On parle français” fransuz tili to‘garagi o‘z faoliyatini davom ettirmoqda.

📖 O‘qituvchi Jamshidbek Karimov tomonidan olib borilgan navbatdagi mashg‘ulot “Les nombres en français” (Fransuz tilida sonlar) mavzusiga bag‘ishlandi.

⭐️ Mashg‘ulot davomida talabalar fransuz tilida sonlarning yozilishi, talaffuzi va kundalik muloqotda qo‘llanilishiga oid bilimlarini mustahkamladilar. Shuningdek, yoshni aytish, vaqtni ifodalash, narxlarni so‘rash hamda turli miqdorlarni bildirishda sonlardan to‘g‘ri foydalanish bo‘yicha amaliy mashqlar bajarildi.

💬 Interaktiv topshiriqlar, savol-javoblar va o‘zaro muloqotlar orqali talabalar yangi bilimlarini amaliyotda qo‘llash, talaffuz ustida ishlash hamda fransuz tilida erkin fikr bildirish ko‘nikmalarini rivojlantirdilar.

📌 To‘garak mashg‘ulotlari talabalarning nafaqat leksik-grammatik bilimlarini boyitish, balki kommunikativ kompetensiyasini shakllantirish va xorijiy tilni amaliy o‘zlashtirishga bo‘lgan qiziqishini oshirishga xizmat qilmoqda.

⭐ Apprenons le français ensemble ! — Fransuz tilini birgalikda o‘rganamiz!