🇫🇷 “ATELIER DE GRAMMAIRE” — FRANSUZ TILI GRAMMATIKASINI AMALIY O‘RGANISH!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida 2026-yil 20-oktabr kuni “Atelier de grammaire” ilmiy to‘garagi doirasida “Poser des questions” (Savollar berish) mavzusida navbatdagi mashg‘ulot tashkil etildi.

📌 Mashg‘ulotda 6 nafar talaba ishtirok etib, fransuz tilida savol tuzish usullari, so‘roq so‘zlarining qo‘llanilishi hamda kundalik kommunikativ vaziyatlarda savollardan to‘g‘ri foydalanish bo‘yicha bilimlarini mustahkamladilar.

⚠️ Amaliy mashg‘ulot davomida:

🔹 Fransuz tilida so‘roq gaplarning tuzilishi;
🔹 Fe’l va olmoshlarning gapdagi tartibi;
🔹 So‘roq intonatsiyasining o‘ziga xos xususiyatlari;
🔹 Rasmiy va norasmiy muloqotda savol berish usullari yuzasidan mashqlar bajarildi.

💬 Shuningdek, talabalarning grammatik bilimlari, talaffuzi, lug‘at boyligi va og‘zaki nutq faolligini rivojlantirishga alohida e’tibor qaratildi.

📍 Mazkur ilmiy to‘garak mashg‘ulotlari talabalarning fransuz tilida erkin va grammatik jihatdan to‘g‘ri muloqot qilish ko‘nikmalarini shakllantirishga xizmat qilmoqda❗️

🇫🇷 “J’AIME PARLER FRANÇAIS” — FRANSUZ TILIDA ERKIN MULOQOT SARI!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti 🇫🇷 Fransuz filologiyasi kafedrasi qoshidagi “J’aime parler français” ijodiy to‘garagining navbatdagi mashg‘uloti tashkil etildi.

🗓 2026-yil 20-oktabr kuni “La vie quotidienne : parler de sa journée” (Kundalik hayot: o‘z kun tartibi haqida suhbatlashish) mavzusida o‘tkazilgan mashg‘ulotda 8 nafar o‘quvchi ishtirok etdi.

📚 Mashg‘ulot davomida ishtirokchilar kundalik hayotga oid yangi so‘z va iboralarni o‘zlashtirib, fransuz tilida kun tartibini tasvirlash, kundalik faoliyatlari haqida fikr bildirish hamda savol-javoblar orqali o‘zaro muloqot qilish bo‘yicha amaliy mashqlar bajardilar.

🎯 Interfaol topshiriqlar va suhbatlar orqali o‘quvchilarning og‘zaki nutq faolligi, lug‘at boyligi hamda fransuz tilida mustaqil fikr ifodalash ko‘nikmalarini rivojlantirishga alohida e’tibor qaratildi.

✨ Mazkur ijodiy to‘garak mashg‘ulotlari ishtirokchilarning fransuz tiliga bo‘lgan qiziqishini oshirish, kommunikativ ko‘nikmalarini mustahkamlash hamda til bilimlarini kundalik hayotda qo‘llashga xizmat qilmoqda.

🇩🇪 XALQARO EKSPERT ISHTIROKIDA AMALIY LINGVISTIKA MASHG‘ULOTLARI TASHKIL ETILDI

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti 🇩🇪 Nemis filologiyasi kafedrasi taklifiga binoan Germaniyaning SES tashkiloti eksperti Christel Matzke ishtirokida amaliy mashg‘ulotlar tashkil etildi.

📚 Universitet huzuridagi Pedagog kadrlarni qayta tayyorlash va ularning malakasini oshirish tarmoq markazida “Amaliy lingvistikaning dolzarb muammolari” fanidan o‘tkazilgan mashg‘ulotlarda zamonaviy tilshunoslik va xorijiy tillarni o‘qitishning ilg‘or yondashuvlari muhokama qilindi.

📌 Mashg‘ulotlar davomida amaliy lingvistikaning asosiy yo‘nalishlari, tilshunoslik nazariyalarini amaliyotga tatbiq etish, xorijiy tillarni o‘qitishning innovatsion metodlari hamda kommunikativ va madaniyatlararo kompetensiyalarni rivojlantirish masalalariga alohida e’tibor qaratildi.

💡 Darslar interfaol metodlar, amaliy topshiriqlar, ochiq muhokamalar va tajriba almashish asosida tashkil etilib, tinglovchilarga Germaniya ta’lim tizimida qo‘llanilayotgan zamonaviy pedagogik yondashuvlar bilan yaqindan tanishish imkonini berdi.

🌐 Shuningdek, til ta’limida raqamli texnologiyalardan samarali foydalanish, o‘quv jarayonining sifatini oshirish hamda zamonaviy o‘qitish metodlarini takomillashtirish yuzasidan fikr almashildi.

✨ Mazkur mashg‘ulotlar xalqaro tajriba almashinuvini kengaytirish, pedagoglarning kasbiy kompetensiyalarini rivojlantirish hamda xorijiy tillar ta’limiga ilg‘or metodik yondashuvlarni tatbiq etishda muhim ahamiyat kasb etadi.

🇫🇷 “ON PARLE FRANÇAIS” — FRANSUZ TILIDA SONLARNI O‘RGANAMIZ!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida 🇫🇷 Fransuz filologiyasi kafedrasi tashabbusi bilan tashkil etilgan “On parle français” fransuz tili to‘garagi o‘z faoliyatini davom ettirmoqda.

📖 O‘qituvchi Jamshidbek Karimov tomonidan olib borilgan navbatdagi mashg‘ulot “Les nombres en français” (Fransuz tilida sonlar) mavzusiga bag‘ishlandi.

⭐️ Mashg‘ulot davomida talabalar fransuz tilida sonlarning yozilishi, talaffuzi va kundalik muloqotda qo‘llanilishiga oid bilimlarini mustahkamladilar. Shuningdek, yoshni aytish, vaqtni ifodalash, narxlarni so‘rash hamda turli miqdorlarni bildirishda sonlardan to‘g‘ri foydalanish bo‘yicha amaliy mashqlar bajarildi.

💬 Interaktiv topshiriqlar, savol-javoblar va o‘zaro muloqotlar orqali talabalar yangi bilimlarini amaliyotda qo‘llash, talaffuz ustida ishlash hamda fransuz tilida erkin fikr bildirish ko‘nikmalarini rivojlantirdilar.

📌 To‘garak mashg‘ulotlari talabalarning nafaqat leksik-grammatik bilimlarini boyitish, balki kommunikativ kompetensiyasini shakllantirish va xorijiy tilni amaliy o‘zlashtirishga bo‘lgan qiziqishini oshirishga xizmat qilmoqda.

⭐ Apprenons le français ensemble ! — Fransuz tilini birgalikda o‘rganamiz!

🇫🇷 FRANSUZ TILIDA O‘ZLIKNI ANGLASH — NUTQ VA MADANIYAT UYG‘UNLIGI!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti Fransuz filologiyasi kafedrasi katta o‘qituvchisi Sh. Tohirjonova tashabbusi bilan tashkil etilgan “Apprendre le français à travers l’anglais” ijodiy to‘garagining navbatdagi interaktiv mashg‘uloti bo‘lib o‘tdi.

📚 Mashg‘ulot “Qui suis-je ? Parler de son identité” (Men kimman? O‘zlik haqida gapirish) mavzusiga bag‘ishlanib, talabalarning fransuz tilida o‘z fikrlarini erkin ifodalash, shaxsiy ma’lumotlarini bayon etish hamda nutqiy kompetensiyalarini rivojlantirishga qaratildi.

📌 Mashg‘ulot davomida 2-bosqich talabalari fransuz tilida o‘zini tanishtirish, millati, kasbi va qiziqishlari haqida so‘zlashni mashq qildilar. Shuningdek, “être” va “avoir” fe’llarining tuslanishi, sifatlarning jins va sonda moslashishi hamda fransuz madaniyatidagi tanishuv odobiga oid bilimlarini mustahkamladilar.

🔎 Dars jarayonida “Shaxsiyat portreti” interaktiv metodi, guruhlararo rolli o‘yinlar va kreativ topshiriqlardan foydalanilib, talabalarning mavzuni amaliy faoliyat orqali o‘zlashtirishiga alohida e’tibor qaratildi.

📱 Mashg‘ulotning o‘ziga xos jihatlaridan biri “Mon premier Vlog en français” (Fransuz tilidagi birinchi vlogim) nomli ijodiy topshiriq bo‘ldi. Unga ko‘ra, talabalar fransuz tilida o‘zlarini tanishtiruvchi, ta’limi va qiziqishlari haqida hikoya qiluvchi 30–45 soniyalik videorolik tayyorlash vazifasini oldilar.

🇫🇷 Apprendre, pratiquer et progresser ensemble !

🤎 “DAVLAT TILI – MILLIY MA’NAVIYATIMIZ TIMSOLI”

2026-yil 20-oktabr kuni 🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida 21-oktabr — O‘zbek tiliga davlat tili maqomi berilgan kun munosabati bilan “Davlat tili – milliy ma’naviyatimiz timsoli” mavzusida ma’naviy-ma’rifiy tadbir tashkil etildi.

🔖 Tadbirda Fransuz filologiyasi kafedrasi mudiri G. Raximova, kafedra o‘qituvchilari Sh. Toxirjonova, D. Otamurodova, M. Xayitova hamda 2605-guruh talabalari ishtirok etdilar☄️

📌 Tadbir davomida ona tilimizning milliy o‘zligimizni anglash, tarixiy merosimizni asrab-avaylash hamda ma’naviy qadriyatlarimizni kelajak avlodga yetkazishdagi beqiyos ahamiyati xususida fikr yuritildi. O‘zbek tilining boyligi, jozibasi va millat ma’naviyatidagi o‘rniga alohida e’tibor qaratildi.

🎙 Tadbirning badiiy qismida talabalar tomonidan ona tilimizni ulug‘lovchi she’rlar, mavzuga oid sahna ko‘rinishlari hamda milliy raqslar ijro etildi. Mazmunli va ijodiy chiqishlar tadbirga bayramona ruh bag‘ishlab, milliy qadriyatlarimizga bo‘lgan hurmat va ehtiromni yanada oshirdi.

✨ Mazkur ma’naviy-ma’rifiy tadbir yoshlar qalbida ona tiliga muhabbat, milliy g‘urur va o‘zlikni anglash tuyg‘ularini mustahkamlash, shuningdek, o‘zbek tilining nufuzi va ahamiyatini keng targ‘ib etishga xizmat qildi.