🇩🇪 XALQARO EKSPERT ISHTIROKIDA AMALIY LINGVISTIKA MASHG‘ULOTLARI TASHKIL ETILDI

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti 🇩🇪 Nemis filologiyasi kafedrasi taklifiga binoan Germaniyaning SES tashkiloti eksperti Christel Matzke ishtirokida amaliy mashg‘ulotlar tashkil etildi.

📚 Universitet huzuridagi Pedagog kadrlarni qayta tayyorlash va ularning malakasini oshirish tarmoq markazida “Amaliy lingvistikaning dolzarb muammolari” fanidan o‘tkazilgan mashg‘ulotlarda zamonaviy tilshunoslik va xorijiy tillarni o‘qitishning ilg‘or yondashuvlari muhokama qilindi.

📌 Mashg‘ulotlar davomida amaliy lingvistikaning asosiy yo‘nalishlari, tilshunoslik nazariyalarini amaliyotga tatbiq etish, xorijiy tillarni o‘qitishning innovatsion metodlari hamda kommunikativ va madaniyatlararo kompetensiyalarni rivojlantirish masalalariga alohida e’tibor qaratildi.

💡 Darslar interfaol metodlar, amaliy topshiriqlar, ochiq muhokamalar va tajriba almashish asosida tashkil etilib, tinglovchilarga Germaniya ta’lim tizimida qo‘llanilayotgan zamonaviy pedagogik yondashuvlar bilan yaqindan tanishish imkonini berdi.

🌐 Shuningdek, til ta’limida raqamli texnologiyalardan samarali foydalanish, o‘quv jarayonining sifatini oshirish hamda zamonaviy o‘qitish metodlarini takomillashtirish yuzasidan fikr almashildi.

✨ Mazkur mashg‘ulotlar xalqaro tajriba almashinuvini kengaytirish, pedagoglarning kasbiy kompetensiyalarini rivojlantirish hamda xorijiy tillar ta’limiga ilg‘or metodik yondashuvlarni tatbiq etishda muhim ahamiyat kasb etadi.

🇫🇷 “ON PARLE FRANÇAIS” — FRANSUZ TILIDA SONLARNI O‘RGANAMIZ!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida 🇫🇷 Fransuz filologiyasi kafedrasi tashabbusi bilan tashkil etilgan “On parle français” fransuz tili to‘garagi o‘z faoliyatini davom ettirmoqda.

📖 O‘qituvchi Jamshidbek Karimov tomonidan olib borilgan navbatdagi mashg‘ulot “Les nombres en français” (Fransuz tilida sonlar) mavzusiga bag‘ishlandi.

⭐️ Mashg‘ulot davomida talabalar fransuz tilida sonlarning yozilishi, talaffuzi va kundalik muloqotda qo‘llanilishiga oid bilimlarini mustahkamladilar. Shuningdek, yoshni aytish, vaqtni ifodalash, narxlarni so‘rash hamda turli miqdorlarni bildirishda sonlardan to‘g‘ri foydalanish bo‘yicha amaliy mashqlar bajarildi.

💬 Interaktiv topshiriqlar, savol-javoblar va o‘zaro muloqotlar orqali talabalar yangi bilimlarini amaliyotda qo‘llash, talaffuz ustida ishlash hamda fransuz tilida erkin fikr bildirish ko‘nikmalarini rivojlantirdilar.

📌 To‘garak mashg‘ulotlari talabalarning nafaqat leksik-grammatik bilimlarini boyitish, balki kommunikativ kompetensiyasini shakllantirish va xorijiy tilni amaliy o‘zlashtirishga bo‘lgan qiziqishini oshirishga xizmat qilmoqda.

⭐ Apprenons le français ensemble ! — Fransuz tilini birgalikda o‘rganamiz!

🇫🇷 FRANSUZ TILIDA O‘ZLIKNI ANGLASH — NUTQ VA MADANIYAT UYG‘UNLIGI!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti Fransuz filologiyasi kafedrasi katta o‘qituvchisi Sh. Tohirjonova tashabbusi bilan tashkil etilgan “Apprendre le français à travers l’anglais” ijodiy to‘garagining navbatdagi interaktiv mashg‘uloti bo‘lib o‘tdi.

📚 Mashg‘ulot “Qui suis-je ? Parler de son identité” (Men kimman? O‘zlik haqida gapirish) mavzusiga bag‘ishlanib, talabalarning fransuz tilida o‘z fikrlarini erkin ifodalash, shaxsiy ma’lumotlarini bayon etish hamda nutqiy kompetensiyalarini rivojlantirishga qaratildi.

📌 Mashg‘ulot davomida 2-bosqich talabalari fransuz tilida o‘zini tanishtirish, millati, kasbi va qiziqishlari haqida so‘zlashni mashq qildilar. Shuningdek, “être” va “avoir” fe’llarining tuslanishi, sifatlarning jins va sonda moslashishi hamda fransuz madaniyatidagi tanishuv odobiga oid bilimlarini mustahkamladilar.

🔎 Dars jarayonida “Shaxsiyat portreti” interaktiv metodi, guruhlararo rolli o‘yinlar va kreativ topshiriqlardan foydalanilib, talabalarning mavzuni amaliy faoliyat orqali o‘zlashtirishiga alohida e’tibor qaratildi.

📱 Mashg‘ulotning o‘ziga xos jihatlaridan biri “Mon premier Vlog en français” (Fransuz tilidagi birinchi vlogim) nomli ijodiy topshiriq bo‘ldi. Unga ko‘ra, talabalar fransuz tilida o‘zlarini tanishtiruvchi, ta’limi va qiziqishlari haqida hikoya qiluvchi 30–45 soniyalik videorolik tayyorlash vazifasini oldilar.

🇫🇷 Apprendre, pratiquer et progresser ensemble !

🤎 “DAVLAT TILI – MILLIY MA’NAVIYATIMIZ TIMSOLI”

2026-yil 20-oktabr kuni 🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida 21-oktabr — O‘zbek tiliga davlat tili maqomi berilgan kun munosabati bilan “Davlat tili – milliy ma’naviyatimiz timsoli” mavzusida ma’naviy-ma’rifiy tadbir tashkil etildi.

🔖 Tadbirda Fransuz filologiyasi kafedrasi mudiri G. Raximova, kafedra o‘qituvchilari Sh. Toxirjonova, D. Otamurodova, M. Xayitova hamda 2605-guruh talabalari ishtirok etdilar☄️

📌 Tadbir davomida ona tilimizning milliy o‘zligimizni anglash, tarixiy merosimizni asrab-avaylash hamda ma’naviy qadriyatlarimizni kelajak avlodga yetkazishdagi beqiyos ahamiyati xususida fikr yuritildi. O‘zbek tilining boyligi, jozibasi va millat ma’naviyatidagi o‘rniga alohida e’tibor qaratildi.

🎙 Tadbirning badiiy qismida talabalar tomonidan ona tilimizni ulug‘lovchi she’rlar, mavzuga oid sahna ko‘rinishlari hamda milliy raqslar ijro etildi. Mazmunli va ijodiy chiqishlar tadbirga bayramona ruh bag‘ishlab, milliy qadriyatlarimizga bo‘lgan hurmat va ehtiromni yanada oshirdi.

✨ Mazkur ma’naviy-ma’rifiy tadbir yoshlar qalbida ona tiliga muhabbat, milliy g‘urur va o‘zlikni anglash tuyg‘ularini mustahkamlash, shuningdek, o‘zbek tilining nufuzi va ahamiyatini keng targ‘ib etishga xizmat qildi.

📚 “BADIIY TARJIMA” TO‘GARAGIDA “FAUST” ASARI TAHLIL QILINDI

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti 🇩🇪 Nemis filologiyasi kafedrasi huzurida faoliyat yurituvchi “Badiiy tarjima” to‘garagining navbatdagi mashg‘uloti 2026-yil 20-oktabr kuni tashkil etildi.

📖 Mashg‘ulot buyuk nemis adibi Iogann Volfgang fon Gyotening “Faust” asari tahliliga bag‘ishlanib, unda asarning falsafiy mazmuni, badiiy xususiyatlari, obrazlar talqini hamda tarjima jarayonidagi muhim jihatlar atroflicha muhokama qilindi.

📍 Shuningdek, badiiy tarjimada muallif uslubini saqlash, asarning asl mazmunini to‘g‘ri yetkazish va tilning ifoda imkoniyatlaridan samarali foydalanish masalalariga alohida e’tibor qaratildi.

👤 To‘garak rahbari Jöraxolova Bahora malaka oshirish jarayonida bo‘lganligi sababli, mashg‘ulot kafedra o‘qituvchisi Mamatursunova Umida tomonidan olib borildi.

🔖 Mazkur mashg‘ulot talabalarning nemis adabiyotiga oid bilimlarini mustahkamlash, badiiy asarlarni tahlil qilish va tarjima mahoratini rivojlantirishga xizmat qildi☄️

💙💙💙

ROMAN-GERMAN FILOLOGIYASI FAKULTETIDA O‘TKAZILGAN TADBIRLAR

🇺🇿 O‘zbekiston davlat jahon tillari universiteti 🇺🇿Roman-german filologiyasi fakultetida xalqaro tajriba almashinuvi, ta’lim sifatini oshirish, talabalarning bilim va ko‘nikmalarini rivojlantirish hamda ma’naviy-ma’rifiy ishlarni qo‘llab-quvvatlashga qaratilgan tadbirlar tashkil etildi.

🇩🇪 Xalqaro tajriba almashinuvi

Germaniyaning SES tashkiloti eksperti Christel Matzke ishtirokida amaliy lingvistika bo‘yicha mashg‘ulotlar o‘tkazilib, zamonaviy til o‘qitish metodlari va ilg‘or pedagogik yondashuvlar muhokama qilindi.

🔗 [Batafsil]

🇫🇷 Fransiyalik mutaxassis ishtirokida darslar

Parij Sorbonna 3 universiteti dotsenti Andre Marsel Libai ishtirokida seminar va amaliy mashg‘ulotlar tashkil etildi. Darslarda madaniyatlararo kommunikatsiya va fransuz tilida og‘zaki nutq ko‘nikmalarini rivojlantirishga e’tibor qaratildi.

🔗 [Batafsil]

🤎 “Davlat tili – milliy ma’naviyatimiz timsoli”

21-oktabr — O‘zbek tiliga davlat tili maqomi berilgan kun munosabati bilan fakultetda ma’naviy-ma’rifiy tadbir o‘tkazildi. Unda talabalar ona tilimizni ulug‘lovchi she’rlar, sahna ko‘rinishlari va milliy raqslar orqali o‘zbek tilining milliy o‘zligimiz va ma’naviyatimizdagi o‘rnini namoyon etdilar.

🔗 [Batafsil]

📚 Ma’naviy-ma’rifiy uchrashuv

5-sonli talabalar turar joyida “Ustozim – hayotim chirog‘i” va “Mening hayot falsafam” loyihalari doirasida uchrashuv tashkil etilib, ilm-ma’rifat, hayotiy maqsadlar va yoshlarning kelajak oldidagi mas’uliyati yuzasidan fikr almashildi.

🔗 [Batafsil]

♥️ Sog‘lom turmush tarzini targ‘ib qilish

“Sog‘lom turmush tarzi” oyligi doirasidagi ochiq muloqotda salomatlik, zararli odatlarning oldini olish, sog‘lom dunyoqarash va oilaviy mas’uliyat masalalari muhokama qilindi.

🔗 [Batafsil]

🏠 Talabalarning yashash sharoitlari o‘rganildi

Fakultet dekani A. K. Xalillayev talabalar istiqomat qilayotgan xonadonlarga tashrif buyurib, ularning yashash sharoitlari bilan tanishdi hamda muammo va takliflarini tingladi.

🔗 [Batafsil]

✨ Ushbu tadbirlar fakultetda xalqaro hamkorlikni mustahkamlash, ta’lim sifatini oshirish, milliy qadriyatlarga hurmatni kuchaytirish va talabalarni har tomonlama qo‘llab-quvvatlashga qaratilgan ishlarning muhim qismi bo‘ldi.

🌐 Biz ijtimoiy tarmoqlarda:
📱 Telegram | 📱 Instagram