#Rishton_tumani
#Umummilliy_diktant_loyihasi

📝 UMUMMILLIY DIKTANT LOYIHASI O‘TKAZILDI

O‘zbek tiliga davlat tili maqomi berilganining 37 yilligi hamda 21-oktabr — O‘zbek tili bayrami munosabati bilan Rishton tumanida o‘zbek tilining davlat tili sifatidagi nufuzini yanada oshirish, uning qo‘llanilish doirasini kengaytirishga qaratilgan turkum ma’naviy-ma’rifiy tadbirlar va savodxonlik sinovlari o‘tkazilmoqda.

Xususan, bugun tumandagi 1-sonli texnikumda mahallalarda faoliyat yuritayotgan yoshlar yetakchilari ishtirokida “Umummilliy diktant” loyihasi tashkil etildi. Tuman hokimligi, Ma’naviyat va ma’rifat markazi hamda tuman Yoshlar ishlari bo‘limi hamkorligida tashkil etilgan tadbirda o‘zbek tilining davlat va jamiyat hayotidagi o‘rni hamda ahamiyati yana bir bor ta’kidlandi.

Tadbir davomida yoshlar yetakchilarining imloviy savodxonligi sinovdan o‘tkazilib, o‘zbek tilining jamiyatdagi nufuzini mustahkamlash, uning adabiy me’yorlariga rioya qilish va til madaniyatini yuksaltirishga alohida e’tibor qaratildi. Jamiyatda til madaniyatini yuksaltirish, ayniqsa, yoshlar o‘rtasida davlat tiliga bo‘lgan ehtiromni mustahkamlashga qaratilgan tadbirlar tuman bo‘ylab davom etmoqda.