Rishton tumani Favqulodda vaziyatlar bo‘limida tizimda uzoq yillar samarali xizmat qilgan faxriylar ishtirokida davra suhbati tashkil etildi. Davra suhbati davomida faxriylarning ko‘p yillik xizmat faoliyati davomida orttirgan boy tajribasi va amaliy ko‘nikmalarini yosh xodimlarga yetkazish, xizmat va jangovar tayyorgarlikni yanada mustahkamlash, yong‘inlarning oldini olish hamda profilaktik tadbirlarni samarali tashkil etish masalalari muhokama qilindi. Shuningdek, zamonaviy yong‘in-qutqaruv texnikalari va vositalaridan samarali foydalanish, favqulodda vaziyatlarda tezkor va to‘g‘ri harakat qilish, aholi xavfsizligini ta’minlash borasida fikr va tajribalar almashildi.

Uchrashuv davomida faxriylar yosh xodimlarga o‘zlarining hayotiy tajribalari, xizmat faoliyatida orttirgan bilim va ko‘nikmalari bilan o‘rtoqlashib, ularga kasbiy mahoratni oshirish, mas’uliyat va fidoyilik bilan xizmat qilish yuzasidan tavsiyalar berdilar. Bunday uchrashuvlar avlodlar o‘rtasidagi uzviylikni mustahkamlash, boy xizmat an’analarini davom ettirish hamda yosh xodimlarning kasbiy salohiyatini yuksaltirishga xizmat qiladi.

🔰 Farg'ona viloyati Favqulodda vaziyatlar boshqarmasi Axborot xizmati

Rishton tumani Favqulodda vaziyatlar bo‘limi mas'ullari tomonidan qurilish obyektida tungi tekshiruv o‘tkazildi.
Tekshiruv davomida qurilish olib borilayotgan obyektda, ishchilar uchun vaqtincha tashkil etilgan yashash xonadonlarida yong‘in xavfsizligiga rioya etilishi, elektr jihozlaridan foydalanish holati, birlamchi yong‘in o‘chirish vositalarining sozligi o‘rganilib, navbatchilikda turgan masʼullar bilan yong‘inlarni oldini olish bo‘yicha yo'riqnoma o'tkazildi.

🔰 Farg'ona viloyati Favqulodda vaziyatlar boshqarmasi Axborot xizmati