📢 FUQAROLAR UCHUN NAVBATDAGI QABUL

🗓 21-oktabr chorshanba kuni
Soat-10:00
👤 Rishton tumani hokimi tomonidan

📍 Manzil: Xalq qabulxonasi

Navbatdagi qabul davomida fuqarolarning murojaatlari, taklif va tashabbuslari bevosita tinglanadi. Har bir masala atroflicha o‘rganilib, qonun doirasida amaliy yechimlar yuzasidan tushuntirishlar beriladi.

Agar sizni qiynayotgan muammo yoki hal etilishini kutayotgan masala bo`lsa — ushbu qabul aynan siz uchun.

🗣 Keling, muammolarni birgalikda hal qilaylik!

Marko Rubio rafiqasi bilan O‘zbekistonga keldi

AQSH Davlat kotibi bo‘lgan samolyot Samarqand xalqaro ayeroportiga qo‘ndi.

Marko Rubioni O‘zbekiston Prezidenti administratsiyasi rahbari Saida Mirziyoyeva, tashqi ishlar vaziri Baxtiyor Saidov, AQSH prezidentining maxsus vakili Serjio Gor, elchi Jonatan Heniklar kutib oldi.

https://t.me/Rasmiy_axborot_official

21-oktabr —O‘zbek tili bayrami

ONA TILIM O‘LMAYDI
Notiq dedi:
«Taqdir shul,
Bu jahoniy iroda.
Tillar yo‘qolur butkul,
Bir til qolur dunyoda».
«Ey voiz, pastga tushgin,
Bu gap chiqdi qayerdan!»
Navoiy bilan Pushkin
Turib keldi qabrdan.
Kim darg‘azab,
Kim hayron,
Chiqib keldilar qator:
Dante, Shiller va Bayron,
Firdavsiy, Balzak, Tagor.
«Va’zingni qo‘y, birodar,
Sen aytganing bo‘lmaydi».
Barcha dedi barobar:
«Ona tilim o‘lmaydi».
– Hey, bu qanday aqida! –
Qo‘lida tabarruk jom,
Go‘zal forsiy haqida
Ruboiy aytdi Xayyom.
Ehtirosli, otashdil
Beranje so‘rdi nolon:
– Nahotki, farangi til
Yo‘qolgusi bir zamon!
Neruda, Lorka turdi
Servantesning yoniga:
– Kim qasd etib tig‘ urdi
Ona tilim joniga!
Fuzuliy yondi:
– Ozar
Tili guldek so‘lmaydi.
Barcha dedi barobar:
«Ona tilim o‘lmaydi».
Kamalakdek rango-rang
Bo‘lsin deb san’at, tillar,
Asrlarcha qildik jang,
Armon qildik ming yillar.
Beqadr bo‘lsa, nahot,
Tillardagi tarovat!
Yo‘qoldi bu kun, hayhot,
Qabrlarda halovat!
«Faust» yondi gurillab,
«Xamsa» o‘tga tutashdi.
Bir sado jahon bo‘ylab
Taraldi, tog‘lar oshdi.
Bu sado yangrar hamon,
Sira ado bo‘lmaydi.
Olam aytar:
Hech qachon
Ona tilim o‘lmaydi!

Erkin VOHIDOV

Fergana.gov.uz|Facebook|Instagram|Youtube|X

⚡️ O‘zbekiston aholisi 39,5 mlndan oshdi

🏢 Milliy statistika qo‘mitasi ma’lumotlariga ko‘ra, 2026-yil 1-oktabr holatiga O‘zbekistonning doimiy aholisi soni 39 535 225 kishini tashkil etdi (ro‘yxatga olish natijalarini hisobga olgan holda).

📊 Aholi soni o‘tgan yilning mos davriga nisbatan 692,2 ming kishiga yoki 1,8 foizga ko‘paygan.

🇺🇿 Hududlar kesimida doimiy aholi soni:

Samarqand viloyati – 4 462 783 kishi

Farg‘ona viloyati – 4 293 001 kishi

Toshkent viloyati – 3 799 043 kishi

Qashqadaryo viloyati – 3 746 228 kishi

Andijon viloyati – 3 574 464 kishi

Toshkent shahri – 3 278 512 kishi

Namangan viloyati – 3 190 767 kishi

Surxondaryo viloyati – 3 030 030 kishi

Qoraqalpog‘iston Respublikasi – 2 166 044 kishi

Xorazm viloyati – 2 162 068 kishi

Buxoro viloyati – 2 125 129 kishi

Jizzax viloyati – 1 545 176 kishi

Navoiy viloyati – 1 196 559 kishi

Sirdaryo viloyati – 965 421 kishi

Fergana.gov.uz|Facebook|Instagram|Youtube|X

⚡️Farg’onalik “El-yurt umidi” jamg‘armasi stipendiati — Buyuk Britaniyadagi o‘zbekistonlik talabalar hamjamiyati bosh kotibi

“El-yurt umidi” jamg‘armasi stipendiati, Birmingem universiteti talabasi Oyatulla Anvarov UzSU — O‘zbekiston xalqaro talabalar hamjamiyatining Buyuk Britaniyadagi bosh kotibi bo‘ldi.

U yangi vazifasida Buyuk Britaniyada ta’lim olayotgan o‘zbekistonlik yoshlarni birlashtirish, ular uchun ta’lim, madaniy va professional loyihalarni tashkil etish hamda mazkur tashabbuslarni O‘zbekiston elchixonasi vakillari bilan hamkorlikda amalga oshirishga hissa qo‘shadi.

Oyatulla Anvarov xorijda bilim olish bilan birga, vatandoshlar manfaatini ifodalash, talabalar o‘rtasidagi hamjihatlikni mustahkamlash va O‘zbekiston yoshlarining xalqaro maydondagi faolligini oshirish yo‘lida muhim vazifalarni ham bajaradi.

Fergana.gov.uz|Facebook|Instagram|Youtube|X