✅ “Ilgari O‘zbekiston ro‘yxatimizda yo‘q edi, endi esa birinchi o‘rinda” — AQSh kompaniyasi rahbari

Amerikaning “Powerscape Global” kompaniyasi bosh direktori Karl Murning OAV vakillariga ma’lum qilishicha, O‘zbekiston kompaniya uchun eng muhim yo‘nalishlardan biriga aylangan. Bunga mamlakatning energetika va kimyo sanoatidagi imkoniyatlari sabab bo‘lgan.

🔷Kompaniya kimyo ishlab chiqarishini rivojlantirish va elektr energiyasi ishlab chiqarish hajmini oshirish maqsadida Amerikaning ko‘mir texnologiyalarini O‘zbekistonda joriy etishga qiziqish bildirmoqda.

🔷Murning so‘zlariga ko‘ra, kompaniya allaqachon o‘zbekistonlik hamkorlar bilan muzokaralar olib bormoqda. Yaqin vaqt ichida mahalliy kompaniyalardan biri bilan o‘zaro anglashuv memorandumini tayyorlashni yakunlash rejalashtirilgan.

https://t.me/Rasmiy_axborot_official

🎤 AQSh Davlat kotibi Marko Rubio o‘zining sahifasida e’lon qilgan videolavhasida Samarqandning global savdo chorrahasi sifatidagi tarixiy o‘rni qayta tiklanayotganini ta’kidladi.

U Vashington butun dunyo bo‘ylab sheriklik aloqalarini kengaytirayotgani, bu jarayonda O‘zbekiston muhim o‘rin tutishini bildirib, yuzlab Amerika kompaniyalari bu yerga aniq kelishuvlar va uzoq muddatli hamkorlik uchun kelganini qayd etdi:

“Yer yuzida Samarqand kabi global savdoda tarixan muhim rol o‘ynagan joylar kamdan-kam uchraydi. Bugun bu yerda bo‘lib, nafaqat tarixni yodga olish, balki kelajak uchun imkoniyatlar haqida fikr yuritish men uchun sharafdir”.

Marko Rubioning ta’kidlashicha, AQSh savdo, ilm-fan va texnologiya sohalarida ulkan imkoniyatlarni ko‘rmoqda.

https://t.me/Rasmiy_axborot_official