🪙 Kiberjinoyatlarga qarshi kurashish yo‘nalishida Davlat xavfsizlik xizmati xodimlari tomonidan Toshkent shahar IIBB bilan hamkorlikda olib borilgan tezkor-qidiruv tadbirlari natijasida noqonuniy kripto-aktivlar aylanmasi bilan shug‘ullangan shaxsning harakatlariga chek qo‘yildi. Xususan, poytaxtimizdagi nufuzli davlat oliy ta’lim muassasasi talabasi hisoblangan, Toshkent tumanida yashovchi, 2008 y.t. fuqaro 2025-yilning dekabr oyidan joriy yilning oktyabriga qadar “Bitget” kripto-birjasi platformasida litsenziyasiz faoliyat yuritib, tranzaktsiyalar orqali 64 715 USDT miqdoridagi kripto-aktivlar oldi-sotdisini amalga oshirgan.
 
Shuningdek, mazkur shaxs “Telegram” messenjerida 140 ta xorijiy davlatlarning virtual telefon raqamlarini sotish bilan ham shug‘ullangan.
 
Bundan tashqari, uning kripto-hamyonida 450 USDT mavjudligi aniqlanndi.
 
Hozirda qonunbuzarga nisbatan jinoyat ishi qo‘zg‘atilib, tergov harakatlari olib borilmoqda.

1️⃣ Buvayda tumanida istiqomat qiluvchi, 1986 y.t. fuqaro o‘z qarindoshlari bilan birgalikda noqonuniy bosmaxona tashkil etib, tegishli litsenziya va ruxsatnomalarsiz, diniy mazmundagi kitoblarni chop etish bilan shug‘ullangan. Tadbir davomida ushbu manzildan jami 17 579 dona tayyor va 500 kg.dan ortiq yarim tayyor kontrafakt kitoblar, 4 ta bosma va yelimlash uskunalari ashyoviy dalil sifatida olindi. Shuningdek, 216 ming dona pirotexnika vositalari ham musodara qilindi.

 2️⃣ Bu kabi qonunbuzilish holati Toshkent shahrida ham aniqlanib, Yangihayot tumanida yashovchi, 1981 y.t. fuqaroga tegishli noqonuniy bosmaxonadan 8,5 mingdan ortiq kontrafakt diniy adabiyotlar protsessual tartibda rasmiylashtirib olindi.

1️⃣ Davlat xavfsizlik xizmatining Toshkent shahar bo‘yicha boshqarmasi xodimlari tomonidan poytaxt IIBB bilan hamkorlikda o‘tkazilgan tezkor tadbirda oldindan kuzatuvga olingan, Yunusobod tumanida istiqomat qiluvchi, 1993 y.t. shaxs to‘xtatilib, xolislar ishtirokida tekshirildi. Natijada, uning yonida 3 dona kichik hajmdagi idishlarda jami 257 gr gashish moyi borligi aniqlandi.
 
So‘ngra tezkor tadbir davom ettirilib, uning yashash manzilidan sof og‘irligi 2 kg 831 gr bo‘lgan gashish moyi va elektron torozi ashyoviy dalil sifatida olindi.
 
Shuningdek, mazkur shaxsning internet narkodo‘konda ishlashi ham ma’lum bo‘ldi.

2️⃣ Bu yo‘nalishda Davlat xavfsizlik xizmatining Farg‘ona viloyati bo‘yicha boshqarmasi xodimlari ham viloyat Bojxona va Ichki ishlar boshqarmalari bilan hamkorlikda tezkor tadbirlar o‘tkazishdi. Jumladan, Farg‘ona tumanida yashovchi, 1988 y.t. shaxs qo‘shni davlatdan kontrabanda yo‘li bilan keltirilgan 982 gr “gashish” moddasini shartli xaridorga 10700 AQSH dollariga sotmoqchi bo‘lgan vaqtida ashyoviy dalillar bilan ushlandi.

3️⃣ Boshqa holatda esa Farg‘ona shahrida istiqomat qiluvchi, 1997 y.t. fuqaro muqaddam narkokur’yerlar tomonidan qo‘shni davlatdan kontrabanda qilinib, Farg‘ona tumanidagi xufiya joyga qoldirib ketilgan 956 gr “gashish” moddasini qabul qilib olib, doimiy yashash manziliga qaytib ketayotgan vaqtida ushlandi.

“Kelgusi yil sentabr-oktabr oylarida O‘zbekiston Ozarbayjon bilan birga ilk bor 20 yoshgacha bo‘lgan futbolchilar o‘rtasida jahon chempionatiga mezbonlik qiladi.

Albatta, bunday musobaqalarni o‘tkazish biz uchun katta sharaf, shu bilan birga ulkan mas’uliyat hamdir. Eng muhimi, yoshlarimiz dunyoning eng kuchli sportchilari bilan yonma-yon bellashish, o‘z oldiga yanada yuksak maqsadlar qo‘yish imkoniga ega bo‘ladi”.