Yoshlar masalasi — bugunning dolzarb vazifalaridan biri

Kitob tumani hokimi Rustam Gafurov boshchiligidagi mas’ullar hududlarda yoshlar bilan uchrashuvlar o‘tkazib, ularning muammo va takliflarini o‘rganmoqda.

Bugungi muloqotlarda yoshlarni qiynayotgan masalalar tinglanib, bildirilgan takliflar muhokama qilindi. Shuningdek, “mahalla yettiligi” vakillarining yoshlar bandligini ta’minlash borasida amalga oshirayotgan ishlari yuzasidan hisobotlari eshitildi.

Uchrashuvlar davomida ko‘tarilgan masalalar bo‘yicha tegishli mas’ullarga vazifalar belgilandi. Yoshlar muammolarini manzilli hal etish va ularning bandligini ta’minlashga qaratilgan ishlarni izchil davom ettirish yuzasidan ko‘rsatmalar berildi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

Kitob tumanida “Xavfsiz mahalla bilimdoni” tanlovining tuman bosqichi yuqori saviyada o‘tkazildi

Kitob tumanida mahalla yettiligi a’zolaridan shakllangan jamoalar o‘rtasida “Xavfsiz mahalla bilimdoni” intellektual tanlovining tuman bosqichi bo‘lib o‘tdi.

Nizomga muvofiq, tanlov mahallalarda jinoyatchilikning oldini olish va huquqbuzarliklar profilaktikasi bo‘yicha bilim hamda amaliy ko‘nikmalarni mustahkamlashga qaratilgan. Ishtirokchilar oilaviy-maishiy nizolar, kiberfiribgarlik va iste’molchilar huquqlariga oid vaziyatli savollar, profilaktika va psixologiya, shuningdek umumiy mantiq hamda dunyoqarash yo‘nalishlaridagi topshiriqlar bo‘yicha bellashdilar.

Tanlov savol-javob shaklida tashkil etilib, barcha jamoalarga savollar bir vaqtda taqdim etildi. Jamoalar javoblarini maxsus blankalarda yozma ravishda topshirdilar. Har bir savolni o‘ylash uchun bir daqiqa, javobni yozish uchun esa qo‘shimcha 10 soniya vaqt berildi. Har bir to‘g‘ri javob uchun jamoalarga bir balldan berildi.

Bellashuvda tumandagi 30 dan ortiq mahalla yettiligi jamoalari ishtirok etdi. Tadbirda tuman prokurori Xurshid Baxromov, tuman IIB boshlig‘i Yashin Xudoyberdiyev hamda viloyat mas’ullari qatnashdi.

Yakuniy natijalarga ko‘ra:
🥇 1-o‘rin — “Paxtaobod” mahallasi jamoasi
🥈 2-o‘rin — “Tupchoq” mahallasi jamoasi
🥉 3-o‘rin — “Qorabuloq” mahallasi jamoasi

G‘olib va sovrindorlar munosib taqdirlandi. “Paxtaobod” mahallasi jamoasiga tanlovning keyingi bosqichida muvaffaqiyat tilaymiz.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube