Kitob tumanida “Xavfsiz mahalla bilimdoni” tanlovining tuman bosqichi yuqori saviyada o‘tkazildi

Kitob tumanida mahalla yettiligi a’zolaridan shakllangan jamoalar o‘rtasida “Xavfsiz mahalla bilimdoni” intellektual tanlovining tuman bosqichi bo‘lib o‘tdi.

Nizomga muvofiq, tanlov mahallalarda jinoyatchilikning oldini olish va huquqbuzarliklar profilaktikasi bo‘yicha bilim hamda amaliy ko‘nikmalarni mustahkamlashga qaratilgan. Ishtirokchilar oilaviy-maishiy nizolar, kiberfiribgarlik va iste’molchilar huquqlariga oid vaziyatli savollar, profilaktika va psixologiya, shuningdek umumiy mantiq hamda dunyoqarash yo‘nalishlaridagi topshiriqlar bo‘yicha bellashdilar.

Tanlov savol-javob shaklida tashkil etilib, barcha jamoalarga savollar bir vaqtda taqdim etildi. Jamoalar javoblarini maxsus blankalarda yozma ravishda topshirdilar. Har bir savolni o‘ylash uchun bir daqiqa, javobni yozish uchun esa qo‘shimcha 10 soniya vaqt berildi. Har bir to‘g‘ri javob uchun jamoalarga bir balldan berildi.

Bellashuvda tumandagi 30 dan ortiq mahalla yettiligi jamoalari ishtirok etdi. Tadbirda tuman prokurori Xurshid Baxromov, tuman IIB boshlig‘i Yashin Xudoyberdiyev hamda viloyat mas’ullari qatnashdi.

Yakuniy natijalarga ko‘ra:
🥇 1-o‘rin — “Paxtaobod” mahallasi jamoasi
🥈 2-o‘rin — “Tupchoq” mahallasi jamoasi
🥉 3-o‘rin — “Qorabuloq” mahallasi jamoasi

G‘olib va sovrindorlar munosib taqdirlandi. “Paxtaobod” mahallasi jamoasiga tanlovning keyingi bosqichida muvaffaqiyat tilaymiz.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube

Kitob tumanida “Zulfiyachilar” saralandi

Kitob tumanida “Zulfiya” nomidagi Davlat mukofotiga nomzodlar o‘rtasida ko‘rik-tanlovning tuman bosqichi bo‘lib o‘tdi.
Unda 14 yoshdan 30 yoshgacha bo‘lgan qariyb 50 nafar iqtidorli xotin-qiz ishtirok etdi. Ishtirokchilar adabiyot, san’at, madaniyat, ta’lim, fan, sport va jamoatchilik yo‘nalishlaridagi iste’dod hamda yutuqlarini namoyish etdilar.

Nomzodlar hakamlar hay’ati tomonidan vatanparvarligi, ma’naviy yetukligi, faolligi, tashabbuskorligi, respublika va xalqaro miqyosdagi yutuqlari hamda boshqa fazilatlari asosida baholandi.
Tanlov yakunida g‘oliblar diplom va esdalik sovg‘alari bilan taqdirlanib, viloyat bosqichida ishtirok etish yo‘llanmasini qo‘lga kiritdilar.

Tuman bosqichida muvaffaqiyat qozongan barcha ishtirokchilarga viloyat bosqichida omad va zafarlar tilaymiz!

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

✅Facebook | 🌐Instagram | 🌐Web sayt|  ✈Telegram | 🕊Twitter | 📹YouTube