🔴 أهم أسئلة المقابلة الشخصية في نقابة المحامين ⚖️
(اقرأهم كويس قبل ما تروح 👀)
ناس كتير بتتوتر من المقابلة، مع إن الأسئلة في أغلبها بسيطة وهدفها بس التأكد إنك فاهم أساسيات القانون ومؤهل تكون محامي 👌
⬅️ أولًا: أسئلة شخصية
▪️ اسمك بالكامل؟
▪️ متخرج من أنهي كلية وسنة كام؟
▪️ اشتغلت قبل كده؟ اشتغلت إيه؟
▪️ ليه اخترت مهنة المحاماة؟
⬅️ ثانيًا: أسئلة عامة في القانون
▪️ يعني إيه قانون؟
▪️ الفرق بين القانون العام والقانون الخاص؟
▪️ إيه هو التشريع؟
▪️ إيه المقصود بالقاعدة القانونية؟
⬅️ ثالثًا: أسئلة في القانون المدني
▪️ يعني إيه عقد؟
▪️ أركان العقد إيه؟
▪️ الفرق بين البطلان والفسخ؟
▪️ يعني إيه أهلية؟ وأنواعها؟
⬅️ رابعًا: أسئلة في القانون الجنائي
▪️ يعني إيه جريمة؟
▪️ أركان الجريمة؟
▪️ الفرق بين الجناية والجنحة والمخالفة؟
▪️ يعني إيه القصد الجنائي؟
⬅️ خامسًا: أسئلة في المرافعات
▪️ يعني إيه دعوى؟
▪️ أنواع الاختصاص؟
▪️ الفرق بين الدفع والدفاع؟
▪️ إمتى الدعوى تكون مقبولة؟
⬅️ سادسًا: أسئلة عن نقابة المحامين
▪️ دور نقابة المحامين؟
▪️ حقوق وواجبات المحامي؟
▪️ يعني إيه محامٍ تحت التمرين؟
🔔 نصيحة أخيرة:
✔️ اتكلم بهدوء
✔️ لو مش عارف الإجابة قول "مش فاكر حاليًا"
✔️ اللبس يكون رسمي
✔️ ثقتك بنفسك أهم من حفظك 📌

🔹 طمنوا قلبكم.. التقديم سهل ومفيش أي مشاكل 🔹
حبيت أطمن كل زميل متوتر أو قلقان من موضوع القيد والمقابلة 👌
بصوا يا جماعة الموضوع أبسط مما تتخيلوا:
✅ حتى لو اتأخرت عن ميعادك
– عادي جدًا، تروح على المقابلة اللي بعدها
– المهم تكون الأوراق كاملة
✅ لو ناسي ورقة
– بتدفع غرامة 200 جنيه وخلاص، ومش مشكلة
الخطوات بالترتيب 👇
🔹 أول ما توصل النقابة
1️⃣ تشتري طوابع بـ 100 جنيه
2️⃣ تروح الخزانة وتدفع 50 جنيه برنت
🔹 ثانيًا
– ترجع بالأوراق
– تدخل تختم الملف
🔹 ثالثًا
– تعمل المقابلة في نفس القاعة
– المقابلة عبارة عن سؤال واحد بسيط جدًا
– وحتى لو غلطت في الإجابة بيقبلوا عادي 👍
🔹 بعد كده
– رئيس النقابة بيمضي بالقبول
– تسلّم بطاقتك للتسجيل
– وأول ما تسلم البطاقة تطلع الخزانة تدفع الرسوم
💰 الرسوم:
تحت 30 سنة: 7335 جنيه
فوق 30 سنة: 9250 جنيه
أكبر من 35 سنة: الرسوم بتزيد شوية
📌 الدفع نقدي أو فيزا عادي جدًا

🔴 هــام | نقابة المحامين 🔴
تعلن النقابة العامة للمحامين عن إجراء المقابلات الشخصية لخريجي:
▪️ كليات الحقوق
▪️ الشريعة والقانون
وذلك للراغبين في القيد بالجدول العام ⬇️
📅 يوم الثلاثاء الموافق 20 يناير 2026
⏰ الساعة التاسعة صباحًا
📍 نادي المحامين النهري – المعادي
🔹 التعليمات الهامة:
✔️ الالتزام بالزي الرسمي (بدلة كاملة + كرافتة)
✔️ إحضار ملف وأوراق التقديم كاملة
✔️ إحضار نتيجة الكشف الطبي للمتقدمين من الأقاليم خارج القاهرة الكبرى فقط
📌 اللي ميعاده قريب يجهّز ورقه من دلوقتي، وربنا يوفق الجميع 🤍⚖️

الكشف
https://www.facebook.com/share/1CE7ZaX3V1/

نقابة المحامين تعلن إجراء المقابلات الشخصية للراغبين في القيد بالجدول العام.. الأربعاء

أعلنت النقابة العامة للمحامين، عن إجراء المقابلات الشخصية لخريجي كليات الحقوق، والشريعة والقانون؛ من الراغبين في القيد بالجدول العام للنقابة، الأربعاء المقبل الموافق 21 يناير 2026، في تمام الساعة التاسعة صباحًا، بنادي المحامين النهري بالمعادي، مع الالتزام بالزي الرسمي، (بدلة كاملة، والكرافتة)، مع ضرورة إحضار ملف وأوراق التقديم الخاصة بكل متقدم، وإحضار نتيجة الكشف الطبي للمتقدمين من الأقاليم خارج القاهرة الكبرى.

طالع كشوف الأسماء
https://www.facebook.com/share/p/1K6QPuBkVd/

قرار رئيس مجلس الوزراء رقم 199 لسنة 2026

وداعاً لتشابه الأسماء. اعتباراً من العام القضائي الجديد اول أكتوبر 2026
وفقًا لقانون الإجراءات الجنائية الجديد، تنص المادة 27 على أن على مأموري الضبط القضائي إثبات بيانات الرقم القومي للمتهم فور تحديد هويته، وإرفاق مستخرج من هذه البيانات بالمحضر. كما يجب أن تتضمن أحكام الإدانة جميع بيانات المحكوم عليه، بما في ذلك الرقم القومي، لضمان دقة الهوية ومنع أي لبس أو تشابه أسماء قد يؤدي إلى أحكام غيابية أو أخطاء قضائية.

نقابة المحامين تعلن إجراء المقابلات الشخصية للراغبين في القيد بالجدول العام.. غدًا

أعلنت النقابة العامة للمحامين، عن إجراء المقابلات الشخصية لخريجي كليات الحقوق، والشريعة والقانون؛ من الراغبين في القيد بالجدول العام للنقابة، غدًا الخميس الموافق 22 يناير 2026، في تمام الساعة التاسعة صباحًا، بنادي المحامين النهري بالمعادي، مع الالتزام بالزي الرسمي، (بدلة كاملة، والكرافتة)، مع ضرورة إحضار ملف وأوراق التقديم الخاصة بكل متقدم، وإحضار نتيجة الكشف الطبي للمتقدمين من الأقاليم خارج القاهرة الكبرى.

طالع كشوف الأسماء
https://www.facebook.com/share/185ABuGB55/

نقابة المحامين تعلن إجراء المقابلات الشخصية للراغبين في القيد بالجدول العام.. الثلاثاء

أعلنت النقابة العامة للمحامين، عن إجراء المقابلات الشخصية لخريجي كليات الحقوق، والشريعة والقانون؛ من الراغبين في القيد بالجدول العام للنقابة، الثلاثاء المقبل الموافق 27 يناير 2026، في تمام الساعة التاسعة صباحًا، بنادي المحامين النهري بالمعادي، مع الالتزام بالزي الرسمي، (بدلة كاملة، والكرافتة)، مع ضرورة إحضار ملف وأوراق التقديم الخاصة بكل متقدم، وإحضار نتيجة الكشف الطبي للمتقدمين من الأقاليم خارج القاهرة الكبرى.

طالع كشوف الأسماء
https://www.facebook.com/share/p/1Da4J5qe4h/

نقابة المحامين تعلن إجراء المقابلات الشخصية للراغبين في القيد بالجدول العام.. الأربعاء

أعلنت النقابة العامة للمحامين، عن إجراء المقابلات الشخصية لخريجي كليات الحقوق، والشريعة والقانون؛ من الراغبين في القيد بالجدول العام للنقابة، الأربعاء المقبل الموافق 28 يناير 2026، في تمام الساعة التاسعة صباحًا، بنادي المحامين النهري بالمعادي، مع الالتزام بالزي الرسمي، (بدلة كاملة، والكرافتة)، مع ضرورة إحضار ملف وأوراق التقديم الخاصة بكل متقدم، وإحضار نتيجة الكشف الطبي للمتقدمين من الأقاليم خارج القاهرة الكبرى.

طالع كشوف الأسماء
https://www.facebook.com/share/p/1AZmvkSB7A/

⚖️ أهم أسئلة المقابلات الشخصية يوم (الثلاثاء و الاربعاء)⚖️

📌 قانون عام
يعني إيه قانون؟
هو عدة قواعد ملزمة بتنظم تعامل الناس مع بعض، واللي يخالفها بيتحاسب من الدولة.
الفرق بين القاعدة القانونية والأخلاقية؟
القانونية: ملزمة وعقوبتها مادية
الأخلاقية: مش ملزمة وعقوبتها معنوية
الحق الشخصي والحق العيني؟
الشخصي: بين دائن ومدين
العيني: حق مباشر على حاجة زي الملكية
يعني إيه أهلية؟
قدرة الشخص إنه يكتسب حقوق ويتحمل التزامات
(أهلية وجوب وأهلية أداء)
مصادر القانون؟
تشريع – عرف – شريعة إسلامية – مبادئ العدالة

📌 قانون مدني
أركان العقد؟
تراضي – محل – سبب
إمتى العقد يبقى باطل؟
لو ركن من أركانه ناقص أو مخالف للنظام العام أو الآداب
البطلان والانعدام؟
البطلان: عقد موجود بس مش صحيح
الانعدام: مفيش عقد أصلاً
المسؤولية العقدية والتقصيرية؟
العقدية: إخلال بعقد
التقصيرية: إخلال بواجب قانوني
التعويض يستحق إمتى؟
لما يبقى فيه خطأ وضرر وعلاقة بينهم

📌 مرافعات
شروط قبول الدعوى؟
صفة – مصلحة – أهلية
الدعوى والطلب؟
الدعوى: إنك تلجأ للقضاء
الطلب: اللي المدعي بيطلبه من المحكمة
الدعوى تبقى مرفوضة إمتى؟
لما شرط من الشروط يكون مش موجود
يعني إيه اختصاص؟
تحديد المحكمة المختصة (نوعي – قيمي – مكاني)

📌 جنائي
أركان الجريمة؟
شرعي – مادي – معنوي
جناية وجنحة ومخالفة؟
الفرق في خطورة الفعل والعقوبة
القصد الجنائي؟
إن الجاني يبقى قاصد الفعل وعارف إنه حرام
أسباب الإباحة؟
دفاع شرعي – تنفيذ القانون – استعمال الحق
الدعوى الجنائية تسقط إمتى؟
بالتقادم أو الوفاة أو العفو الشامل

📌 المحاماة
واجبات المحامي؟
الأمانة – سر المهنة – الدفاع في حدود القانون
حقوق المحامي؟
الاحترام – الأتعاب – الحصانة
متى المحامي يعتذر عن الوكالة؟
لو فيه سبب جدي ومن غير ما يضر موكله
سر المهنة
إن المحامي ما يطلعش أي حاجة عرفها بسبب شغله

📌 أسئلة شخصية
ليه اخترت المحاماة؟
عشان مهنة رسالة قبل ما تكون شغلانة
تتعامل إزاي مع موكل مش صادق؟
أنصحه بالصدق ولو أصر أرفض أي حاجة غلط

سؤال خاص بيك انت ده 👇🏼
شايف نفسك فين بعد 5 سنين؟

🚨 تنبيه مهم بخصوص جلسات حلف اليمين ⚖️
بالنسبة لزمايلنا اللي بيسألوا كتير 👇
النقابة قررت إن جلسات حلف اليمين هتكون بنفس نظام السنة اللي فاتت:
🔹 القاهرة والجيزة
📍 حلف اليمين في النادي النهري بالمعادي
🔹 باقي المحافظات
📍 حلف اليمين في النقابات الفرعية بكل محافظة
📢 الإعلان الرسمي عن مواعيد الجلسات هيكون خلال الأيام القليلة الجاية إن شاء الله.
🤲 ربنا يوفق الجميع ويكتب الخير لكل الزملاء

📌 صحه التوقيع لا تنقل الملكيه .❌

🟥 هو انا لو اشتريت شقه و عملت صحة توقيع هى كدا خلاص ملكي ولا لاء ؟

لمُطالعة المنشور :
https://t.me/RanaELmahy/3332

📢 رسالة مهمة لإخواتي وحبايب قلبي
فاضل شهر واحد بس على انتهاء البطاقة العلاجية 👈 هتنتهي في شهر 3
واللي مش هيجدد دلوقتي هيضطر يستنى السنة الجاية بالكامل عشان يطلعها من جديد.
عشان كده:
لو لسه مجهزتش أوراقك – حاول تخلصها بسرعة ✋
البطاقة العلاجية مهمة جدًا، وبتفيدك في حاجات كتير:
✔ مصاريف العلاج
✔ العمليات الكبيرة
✔ علاج ابنك ومراتك
✔ والدك ووالدتك
يعني فعلاً منفعة كبيرة ليك ولأسرتك كلها.
🔴 تنبيه مهم:
البطاقة العلاجية مخصصة للمحامين المقيدين بجدول ابتدائي فقط
أما المقيدين بالجدول العام: مفيش بطاقة علاجية ليهم خلال السنتين دول.
أتمنى تكون الرسالة وصلت 🙏

📢 تنبيه هام ورسمي
بناءً على ما أعلنه معالي المستشار الأستاذ/ ناصر العمري:
تم تأجيل المقابلات الشخصية هذا الأسبوع، على أن تُستأنف بإذن الله مع بداية الأسبوع القادم.
يرجى من جميع الزملاء متابعة الإعلانات الرسمية خلال الأيام القادمة.

🔹 نص الرسالة بيقول:
“سرعة التوجه إلى لجنة القيد بمقر نادي المحامين النهري بالمعادي لاستكمال أوراق القيد”
معناها إيه باختصار؟
إن ملفك في القيد مش كامل 100%، وفيه حاجة من الحاجات دي غالبًا ناقصة:
ممكن يكون مطلوب:
استكمال ورقة ناقصة في الملف
تصحيح خطأ في بيانات
تجديد فيش وتشبيه
استكمال البرنت التأميني
اعتماد شهادة أو مستند
سداد رسم ناقص
توقيع أو إقرار كان متنسي

المطلوب منك تعمل إيه؟
1️⃣ تروح بنفسك لمقر لجنة القيد في نادي المحامين النهري بالمعادي.
2️⃣ تتوجه لشباك القبول أو لجنة القيد.
3️⃣ تسأل: “إيه النواقص المطلوبة في ملفي؟”
4️⃣ تستكملها في نفس اليوم لو متاحة.

مهم جدًا:
الرسالة دي لازم تتعامل معاها بسرعة، لأن:
⚠️ عدم الاستجابة ليها ممكن يعطل:
تحديد موعد المقابلة
ظهور اسمك في كشوف القيد
استخراج رقم القيد
جلسة حلف اليمين
نصيحتي ليك:
خد معاك وأنت رايح:
اللي كان ناقص ف ملفك وانت عارفه !

عشان لو طلبوا حاجة تكون جاهز وتخلصها مرة واحدة 👌