⚖️ أهم أسئلة المقابلات الشخصية يوم (الثلاثاء و الاربعاء)⚖️

📌 قانون عام
يعني إيه قانون؟
هو عدة قواعد ملزمة بتنظم تعامل الناس مع بعض، واللي يخالفها بيتحاسب من الدولة.
الفرق بين القاعدة القانونية والأخلاقية؟
القانونية: ملزمة وعقوبتها مادية
الأخلاقية: مش ملزمة وعقوبتها معنوية
الحق الشخصي والحق العيني؟
الشخصي: بين دائن ومدين
العيني: حق مباشر على حاجة زي الملكية
يعني إيه أهلية؟
قدرة الشخص إنه يكتسب حقوق ويتحمل التزامات
(أهلية وجوب وأهلية أداء)
مصادر القانون؟
تشريع – عرف – شريعة إسلامية – مبادئ العدالة

📌 قانون مدني
أركان العقد؟
تراضي – محل – سبب
إمتى العقد يبقى باطل؟
لو ركن من أركانه ناقص أو مخالف للنظام العام أو الآداب
البطلان والانعدام؟
البطلان: عقد موجود بس مش صحيح
الانعدام: مفيش عقد أصلاً
المسؤولية العقدية والتقصيرية؟
العقدية: إخلال بعقد
التقصيرية: إخلال بواجب قانوني
التعويض يستحق إمتى؟
لما يبقى فيه خطأ وضرر وعلاقة بينهم

📌 مرافعات
شروط قبول الدعوى؟
صفة – مصلحة – أهلية
الدعوى والطلب؟
الدعوى: إنك تلجأ للقضاء
الطلب: اللي المدعي بيطلبه من المحكمة
الدعوى تبقى مرفوضة إمتى؟
لما شرط من الشروط يكون مش موجود
يعني إيه اختصاص؟
تحديد المحكمة المختصة (نوعي – قيمي – مكاني)

📌 جنائي
أركان الجريمة؟
شرعي – مادي – معنوي
جناية وجنحة ومخالفة؟
الفرق في خطورة الفعل والعقوبة
القصد الجنائي؟
إن الجاني يبقى قاصد الفعل وعارف إنه حرام
أسباب الإباحة؟
دفاع شرعي – تنفيذ القانون – استعمال الحق
الدعوى الجنائية تسقط إمتى؟
بالتقادم أو الوفاة أو العفو الشامل

📌 المحاماة
واجبات المحامي؟
الأمانة – سر المهنة – الدفاع في حدود القانون
حقوق المحامي؟
الاحترام – الأتعاب – الحصانة
متى المحامي يعتذر عن الوكالة؟
لو فيه سبب جدي ومن غير ما يضر موكله
سر المهنة
إن المحامي ما يطلعش أي حاجة عرفها بسبب شغله

📌 أسئلة شخصية
ليه اخترت المحاماة؟
عشان مهنة رسالة قبل ما تكون شغلانة
تتعامل إزاي مع موكل مش صادق؟
أنصحه بالصدق ولو أصر أرفض أي حاجة غلط

سؤال خاص بيك انت ده 👇🏼
شايف نفسك فين بعد 5 سنين؟

🚨 تنبيه مهم بخصوص جلسات حلف اليمين ⚖️
بالنسبة لزمايلنا اللي بيسألوا كتير 👇
النقابة قررت إن جلسات حلف اليمين هتكون بنفس نظام السنة اللي فاتت:
🔹 القاهرة والجيزة
📍 حلف اليمين في النادي النهري بالمعادي
🔹 باقي المحافظات
📍 حلف اليمين في النقابات الفرعية بكل محافظة
📢 الإعلان الرسمي عن مواعيد الجلسات هيكون خلال الأيام القليلة الجاية إن شاء الله.
🤲 ربنا يوفق الجميع ويكتب الخير لكل الزملاء

📌 صحه التوقيع لا تنقل الملكيه .❌

🟥 هو انا لو اشتريت شقه و عملت صحة توقيع هى كدا خلاص ملكي ولا لاء ؟

لمُطالعة المنشور :
https://t.me/RanaELmahy/3332

📢 رسالة مهمة لإخواتي وحبايب قلبي
فاضل شهر واحد بس على انتهاء البطاقة العلاجية 👈 هتنتهي في شهر 3
واللي مش هيجدد دلوقتي هيضطر يستنى السنة الجاية بالكامل عشان يطلعها من جديد.
عشان كده:
لو لسه مجهزتش أوراقك – حاول تخلصها بسرعة ✋
البطاقة العلاجية مهمة جدًا، وبتفيدك في حاجات كتير:
✔ مصاريف العلاج
✔ العمليات الكبيرة
✔ علاج ابنك ومراتك
✔ والدك ووالدتك
يعني فعلاً منفعة كبيرة ليك ولأسرتك كلها.
🔴 تنبيه مهم:
البطاقة العلاجية مخصصة للمحامين المقيدين بجدول ابتدائي فقط
أما المقيدين بالجدول العام: مفيش بطاقة علاجية ليهم خلال السنتين دول.
أتمنى تكون الرسالة وصلت 🙏

📢 تنبيه هام ورسمي
بناءً على ما أعلنه معالي المستشار الأستاذ/ ناصر العمري:
تم تأجيل المقابلات الشخصية هذا الأسبوع، على أن تُستأنف بإذن الله مع بداية الأسبوع القادم.
يرجى من جميع الزملاء متابعة الإعلانات الرسمية خلال الأيام القادمة.

🔹 نص الرسالة بيقول:
“سرعة التوجه إلى لجنة القيد بمقر نادي المحامين النهري بالمعادي لاستكمال أوراق القيد”
معناها إيه باختصار؟
إن ملفك في القيد مش كامل 100%، وفيه حاجة من الحاجات دي غالبًا ناقصة:
ممكن يكون مطلوب:
استكمال ورقة ناقصة في الملف
تصحيح خطأ في بيانات
تجديد فيش وتشبيه
استكمال البرنت التأميني
اعتماد شهادة أو مستند
سداد رسم ناقص
توقيع أو إقرار كان متنسي

المطلوب منك تعمل إيه؟
1️⃣ تروح بنفسك لمقر لجنة القيد في نادي المحامين النهري بالمعادي.
2️⃣ تتوجه لشباك القبول أو لجنة القيد.
3️⃣ تسأل: “إيه النواقص المطلوبة في ملفي؟”
4️⃣ تستكملها في نفس اليوم لو متاحة.

مهم جدًا:
الرسالة دي لازم تتعامل معاها بسرعة، لأن:
⚠️ عدم الاستجابة ليها ممكن يعطل:
تحديد موعد المقابلة
ظهور اسمك في كشوف القيد
استخراج رقم القيد
جلسة حلف اليمين
نصيحتي ليك:
خد معاك وأنت رايح:
اللي كان ناقص ف ملفك وانت عارفه !

عشان لو طلبوا حاجة تكون جاهز وتخلصها مرة واحدة 👌

📝 #تأملات_قانونية (15) ⚖️🔝

📌 (س) : لو انت ماشي ف أمان الله وقابلك مواطن عادي مش دارس قانون ... وقالك: "قوللي يا ضنايا هي القوانين اللي بتحكمنا دي ياخويا مين اللي بيعملها؟! مين اللي بيشرعها؟! ... هو احنا ياخويا عندنا مشرع واحد ولا مشرعين كتير؟! ومين هما؟! والأهم هتجبهم منين وهتستقيهم منين؟!"

● لازم يا رجل القانون تكون عارف المعلومة دي بعمق ... وعلفكرى كتير منكم بيشوف أسماء مشرعين كتير وهو بيقرأ ف الكتب، ومش بيكون عارف عددهم، ولا عارف هما أصلهم إيه؟! واستقناهم منين؟!

● إليكم شرح هذه الجزئية كما لم تراها من قبل ... ⬇️

🔷 إجراءات إعادة القيد بعد الإسقاط بسبب عدم التجديد
أولاً: تقديم طلب إعادة قيد
بتتوجه إلى:
📍 النقابة الفرعية التابع ليها
أو مباشرة إلى النقابة العامة للمحامين بالقاهرة – لجنة تنقية الجدول
وتقدّم:
📝 طلب رسمي لإعادة القيد بجدول المحامين
ثانيًا: الأوراق المطلوبة غالبًا
لازم تجهّز الملف ده:
صورة بطاقة الرقم القومي
صورة كارنيه المحاماة القديم (لو موجود)
صحيفة الحالة الجنائية (فيش وتشبيه حديث)
شهادة تحركات من الجوازات
طلب إعادة قيد موجّه للنقابة
ما يثبت مزاولة المهنة إن أمكن
سداد الاشتراكات المتأخرة
سداد غرامات التأخير إن وُجدت
ثالثًا: سداد المستحقات المالية
أهم خطوة هي:
💰 دفع:
الاشتراكات المتأخرة عن السنوات اللي ما اتجدّدتش
رسوم إعادة القيد
أي غرامات تقررها النقابة
بعد السداد، الملف بيتعرض على لجنة القيد لإعادة إدراج اسمك من جديد.
رابعًا: قرار لجنة القيد
بعد تقديم الملف كامل:
اللجنة بتفحص الأوراق
لو كله سليم → يصدر قرار إعادة القيد
وبتستلم الكارنيه من جديد بشكل طبيعي
معلومة مهمة
لو الإسقاط بسبب عدم التجديد فقط،
مفيش أي مشكلة قانونية عليك
وإعادة القيد حقك طالما استوفيت الشروط وسددت المستحقات 👍

نقيب المحامين يترأس جلسة حلف اليمين القانونية للأعضاء الجدد.. الأحد

يترأس الدكتور عبدالحليم علام، نقيب المحامين ـ رئيس اتحاد المحامين العرب، يوم الأحد المقبل الموافق 15 فبراير 2026 في تمام الثامنة والنصف صباحًا، جلسة حلف اليمين القانونية للأعضاء الجدد الوارد أسمائهم في الكشف المرفق، وذلك بنادي المحامين النهري بالمعادي.

ويقع مقر نادي المحامين النهري على كورنيش المعادي، بجوار مطلع الطريق الدائري، وأقرب محطة مترو له هي محطة «الزهراء» الخط الأول (حلوان المرج ـ الجديدة).

طالع كشوف الأسماء من هـــنــا
https://www.facebook.com/share/181HVAC8Rx/

نقابة المحامين تعلن بدء التسجيل الالكتروني في الدورة الجديدة لمعهد المحاماة بالنقابات الفرعية

أعلنت نقابة المحامين المصرية برئاسة الدكتور عبدالحليم علام نقيب المحامين رئيس اتحاد المحامين العرب عن فتح باب التسجيل الالكتروني للالتحاق بالدورة الجديدة لـ«معهد المحاماة» بالنقابات الفرعية، وذلك في إطار حرص النقابة على رفع كفاءة شباب المحامين وتأهيلهم علميًا وعمليًا لممارسة المهنة وفقًا لأحدث المعايير المهنية.

وأكدت النقابة أن التسجيل متاح للمحامين المقيدين بالجدول العام من خلال، التسجيل إلكترونيًا عبر الموقع الرسمي للنقابة، من خلال ملئ الاستمارة المعدة لكل نقابة من خلال الرابط التالي:

https://wp.me/paDVq4-11lf

لو أنت محامي فركز في النقطه دي

شعبيا معروف أن الاسلحه البيضاء هي المطوه والسنجه وما يشبه تلك الأدوات .

لكن قانونا الاسلحه البيضاء هي كل أداة تستخدم في الاعتداء علي الآخرين .. حتي لو الأداة دي مش بطبيعتها تستخدم في الاعتداء علي الآخرين .

زي مثلا الجزمه دي اداه بطبيعتها احنا بنلبسها اللي صنعها معملهاش عشان نضرب بيها بعض ..لكن لو استخدمتها في أنك تضرب بيها حد أصبحت سلاح أبيض ..

لكن في نقطه مهمه هنا ولازم تاخد بالك منها لو عندك قضيه .. الاداه اللي بطبيعتها تستخدم في الاعتداء علي الآخرين مجرد حيازتك ليها حتي لو مستخدمتهاش تتحقق بها جريمة حيازة سلاح أبيض زي لو اتقبض عليك وضبط بحوزتك مطوه .

لكن الأداة اللي بطبيعتها لا تستخدم في الاعتداء علي الآخرين زي الجزمه لما شرحنا قبل كده حيازتها لا تشكل جريمه .

#مقطوفة_قانونية [منقولة]
تابعونا : https://t.me/RanaELmahy

نقيب المحامين يترأس جلسة حلف اليمين القانونية للأعضاء الجدد بنقابة الأقصر.. 26 مارس

يترأس الأستاذ عبدالحليم علام، نقيب المحامين ـ رئيس اتحاد المحامين العرب، يوم الخميس الموافق 26 مارس الجاري، في تمام التاسعة صباحاً، جلسة حلف اليمين القانونية للأعضاء الجدد بنقابة الأقصر الوارد أسمائهم في الكشوف المرفقة، وذلك بقاعة المؤتمرات الدولية بالأقصر.

ملحوظة: الحضور بالزي الرسمي

طالع كشوف أسماء محامي الأقصر 👇👇
https://www.facebook.com/share/1AWDjbjKvR/

⚠️ لُغز جنائي 🕵🏻‍♀️

عمرك شوفت واحدة مقتولة عملت جريمة قتل ❗️

تعالي اقرأ القصة للي حصلت دي

كان فيه واحد اسمه مايك سيلفرمان وده طبيب شرعي لاحظ حالة غريبة في شغله وده لما لقوا جثة امرأة مقتولة في لندن 1997
وده لما قصوا ضوافرها عشان يفصحوا الحمض النووي لها، تطابقت النتيجة مع جثة امرأة أخرى كانت مقتولة قبل ثلاثة أسابيع
ف شئ غريب ازاي واحدة مقتولة تعمل جريمة❗️

التحرّيات بينت أن عملية قتل المرأتين حصل في مناطق مختلفة في لندن ومكنش فيه علاقة بين الاتنين خالص.

‏الدكتور سيلفرمان بيقول :
بما أنني كنت المسؤول عن المختبر الجنائي، كانت من مسؤوليتي معرفة ما إذا كان قد ارتُكب خطأ في المختبر، وكانت فكرته الأولى أنه ربما عينة ظفر الضحية الثانية قد تم ترقيمها على أنها تخص المرأة المشتبه بها، ولكن بالرجوع للإجراءات والسجلات سرعان ما تبين غير ذلك.

‏بعد ما راجعوا سجلات المشرحة بينت أنه جثة (المقتولة المتهمة للي مقتولة من ٣ أسابيع دي ) خرجت من الثلاجة عشان الطبيب الشرعي يأخذ قصاصات إضافية من ضوافرها للفحص وده كان قبل يوم من وصول جثة الضحية الثانية للمشرحة.

وفي اليوم اللي بعده تم استخدام نفس المقص لقص ضوافر الضحية الثانية وده اللي لوّث العينات وبوظ الدنيا

‏قام بعدها الطبيب الشرعي بإرسال مذكرة للأطباء الشرعيين واقترح أن يتم أخذ قصاصات الأظافر بعد كده بمقصات تستعمل لمرة واحدة فقط وبعدها يتحط المقص في كيس العينات مع قصاصات الأظافر لعدم استخدامها مرة أخرى مع حالة تانية عشان العينات كده بتتلوث وده حرصًا ع الحفاظ ع الدليل وعدم تحويل مسار التحقيقات الجنائية في الاتجاه الخاطئ.

#مقطوفة_قانونية في #عِلم_الجريمة ⚖️
إقرأ وتمعّن ♥️

تابعونا : https://t.me/RanaELmahy

نقيب المحامين يترأس جلسة حلف اليمين القانونية للأعضاء الجدد بنقابة سوهاج.. الإثنين المقبل

يترأس الأستاذ عبدالحليم علام، نقيب المحامين ـ رئيس اتحاد المحامين العرب، يوم الإثنين المقبل الموافق 23 مارس الجاري، في تمام الحادية عشر صباحاً، جلسة حلف اليمين القانونية للأعضاء الجدد بنقابة سوهاج الوارد أسمائهم في الكشوف المرفقة، وذلك بمقر نقابة سوهاح الفرعية.
ملحوظة: الحضور بالزي الرسمي

طالع كشوف أسماء محامي سوهاج
https://www.facebook.com/share/p/1DQ7NPzNRv/

🔴 عاجل | قانون رقم ٣ لسنة ٢٠٢٦
تعديل جوهري على قانون الضريبة على العقارات المبنية
صدر في ٢ أبريل ٢٠٢٦ بالجريدة الرسمية، وبدأ العمل به فوراً.
أبرز التعديلات التي يجب على كل محامي أن يعرفها:
١- إعادة تقدير القيمة الإيجارية كل ٥ سنوات
مع إلزام المصلحة بنشر الخريطة السعرية الاسترشادية قبل التقدير بـ ٩٠ يوماً على الأقل.
٢- حق الطعن في التقدير خلال ٦٠ يوماً
من تاريخ الإخطار، بتأمين ٥٠ جنيهاً يُرد عند قبول الطعن.
٣- إعفاء المسكن الرئيسي
إذا كانت قيمته الإيجارية السنوية أقل من ١٠٠,٠٠٠ جنيه للمكلف وأسرته.
٤- خصم ضريبي للملتزمين:
٢٥٪ للعقارات السكنية، و١٠٪ لغير السكنية عند تقديم الإقرار في المواعيد.
٥- إعفاء انتقالي مهم:
المادة الرابعة تعفي من الضريبة عن الفترات السابقة للعقارات غير المحصورة أو المقدّرة — شريطة تقديم الإقرار خلال سنة من تاريخ العمل بالقانون.
٦- التصالح في المنازعات الضريبية:
يجوز التصالح بأداء ٧٠٪ فقط من إجمالي الضريبة المتنازع عليها، في أي مرحلة من مراحل النزاع.
⚠️ ملاحظة مهمة للمحامين:
المادة الثالثة تعفي من مقابل التأخير لكل من سدد قبل العمل بالقانون أو سيسدد خلال ٦ أشهر من تاريخه.

✨️ هام وعاجل
مقر قسم ثالث المنصورة الجديد
يبدء العمل غدا السبت ١٨ إبريل

🔴الجمعة القادمة 24 أبريل يبدأ تطبيق التوقيت الصيفي بتقديم الساعة 60 دقيقة….،
حتى الخميس الموافق 29 من شهر أكتوبر المقبل 2026.