Namangan TV | 27.10.2026

TIBBIYOT XODIMLARI PREZIDENT E'TIROFIDA

🔵 Telegram 👥Fb 📷 Instagram

#Ogohlik

🟡 🟦🟦🟦

❗️Is gazidan ehtiyot bo‘ling!

⛽️ Qo‘lbola va tegishli standartlarga javob bermaydigan isitish jihozlaridan foydalanish — hayot uchun xavfli. Kuz-qish mavsumida is gazidan zaharlanish holatlari ko‘payishi, avvalo, ana shu omil bilan bog‘liq.

🔥 Qolaversa, gaz tarmoqlariga rezina shlang orqali ulanish, dudburon va shamollatish tizimlarini o‘z vaqtida tozalamaslik, xonalarni ochiq olov yordamida isitish ham uglerod oksididan zaharlanish xavfini oshiradi.

💬 — Is gazi nafas yo‘llari orqali organizmga kirib, qondagi gemoglobin bilan birikadi va uning kislorod tashish qobiliyatini pasaytiradi, — deydi Respublika shoshilinch tibbiy yordam ilmiy markazi toksikologiya bo‘limi mudiri Ne’mat Ishbayev. — Natijada organizmda kislorod yetishmovchiligi yuzaga keladi.

🩺 Yengil zaharlanishda bosh og‘rig‘i, bosh aylanishi, mushaklar bo‘shashishi, quloqlarda shovqin, ko‘ngil aynishi, qusish va uyquchanlik kuzatiladi.

📌 Og‘ir holatlarda esa hushdan ketish, tutqanoq va nafas olishning to‘xtashi ro‘y berishi mumkin. Eng xavflisi, kuchli zaharlanish o‘limga olib kelishi ehtimoli bor. Ayrim hollarda og‘ir asoratlar zaharlanishdan 2–3 hafta o‘tib ham namoyon bo‘lishi mumkin.

🚑 Is gazidan zaharlanganda, avvalo, jabrlanuvchini zudlik bilan toza havoga olib chiqish va tez tibbiy yordam chaqirish zarur.

❗️Bemorning nafas olishini yengillashtirish uchun siqib turgan kiyimlarini bo‘shatish lozim. Agar u hushsiz, ammo nafas olayotgan bo‘lsa, yonbosh holatda yotqizish kerak.

📞 Nafas olmayotgan bo‘lsa, tez tibbiy yordam dispetcheri ko‘rsatmasiga muvofiq yurak-o‘pka reanimatsiyasini boshlash zarur.

🤩 Muhimi, jabrlanuvchining ahvoli yaxshilangandek ko‘rinsa ham, u shifokor ko‘rigidan o‘tishi shart. Chunki is gazidan zaharlanishning ayrim asoratlari kechroq namoyon bo‘lishi mumkin.

‼️Ko‘rinmas xavfning oldini olish uchun isitish pechlari, dudburonlar va shamollatish tizimlari sozligini muntazam tekshirib turish, nosoz isitish jihozlaridan foydalanmaslik talab etiladi.

🔵 Telegram 👥Fb 📷 Instagram

🔔DIQQAT! YANGI ALIFBO KO‘RINISHIDAGI VIRUSLI FAYLLARDAN EHTIYOT BO‘LING!

Firibgarlar yangi o‘zbek alifbosi ko‘rinishidagi virusli fayllarni tarqatmoqda. Bunday fayllarni ochish telefoningizdagi ma’lumotlar va bank mablag‘laringiz xavfsizligiga tahdid solishi mumkin.

❌Noma’lum fayllarni ochmang, havolalarga ishonmang!
Kiberjinoyatlarga qarshi kurashish boshqarmasi ogohlantiradi!

Ma'lumotlaringiz xavfsizligi uchun📲 APK Qo'riqchi Ilovasini yuklab oling

🔵Telegram 👥Fb 📷 Instagram