⚡️O‘zbekiston Sog‘liqni saqlash xodimlari kasaba uyushmasi Respublika Kengashining Namangan viloyatidagi mehnat-texnika muhofazasi inspektori S.G‘oyipov o‘z ma’ruzasida barcha xizmatchilar amaldagi qonunlar doirasida faoliyat yuritishi zazurligini uqtirar ekan, u yig‘ilganlarning diqqat-e’tiborini O‘zbekiston Respublikasi Mehnat Kodeksining 199-moddasi talablariga qaratdi.

Yig‘ilishda direktor o‘rinbosari
S. Turdiyev tomonidan navbatchilik ish vaqti me’yorini ta’minlash maqsadga muvofiqligi alohida ta’kidlandi. Ana o‘shanda bemorlarga tez tibbiy yordamni o‘z vaqtida, sifatli amalga oshirish chog‘ida kutilmagan ko‘ngilsizliklarga chek qo‘yilishi mumkinligi jamoalarning vakillariga yana bir bor atroflicha tushuntirildi. Kun tartibidagi masalalar yuzasidan qabul qilingan qarorda xalqqa tez tibbiy xizmat ko‘rsatishdagi mavjud muammolarni zudlik bilan tugatishga qaratilgan muhim vazifalar o‘z aksini topdi.