🔴 ✏️✏️✏️✏️

❗️ССВ: Юртимизда номаълум хавфли вирус қайд этилгани йўқ!

🖥 Ижтимоий тармоқларда Тошкентда хавфли вирус тарқалаётгани ва касаллик кўпроқ болаларга таъсир қилиб, уларда пневмонияни келтириб чиқараётганига доир хабарлар тарқалмоқда. Хўш, бу қанчалик асосли?

➡️ ССВ Матбуот хизмати Санитария-эпидемиологик осойишталик ва жамоат саломатлиги қўмитаси раисининг биринчи ўринбосари Нурмат Атабековдан ушбу саволга жавоб олди.

💬 — Ҳаво-томчи йўли орқали юқадиган респиратор касалликлар мавсумий характерга эга, — дейди мутахассис. — Куз-қиш даврида уларнинг кўтарилиши кузатилади ва бундан зинҳор хавотирга тушиш керак эмас.

🌦 Масалан, бир неча ҳафта олдин юртимизда ҳаво ҳарорати кескин пасайиши қайд этилди. Бундай шароитда кўпчилик хоналардаги иссиқликни мўътадил сақлаб туриш учун эшик-деразалар, тирқишларни зичлаб ёпгани табиий ҳол. Оқибатда хонадонлар ва ёпиқ бино-иншоотларда ҳаво алмашинуви камайиши ҳисобига атмосферада вируслар концентрацияси ошиши кузатилди.

🩺 Одатда ўткир респиратор касалликлар бир неча клиник белгилар билан намоён бўлади. Дастлаб бурун шиллиқ қаватида қичишиш, кейинчалик ҳид билиш қобилияти қисман пасайиши, аксириш, бурун оқиши кузатилади.

🔎 Навбатдаги босқичда томоқда ачишиш, қуриш, оғриқ, овоз бўғилиши ва қуруқ йўтал пайдо бўлиши мумкин. Касалликдан тузалиш босқичида эса балғам кўчиши, хасталикнинг юмшаши, йўтал чоғида оғриқлар пасайиши сингари ҳолатлар қайд этилади.

⏩ Бу каби патологияларни келтириб чиқарадиган омиллар кўп. Грипп вируси, парагрипп, риновирус, аденовирус, коронавирус шулар жумласидандир.

‼️ “Янги вируслар пайдо бўлди” деган хабарларга келсак, мана, ҳозиргача дунёда коронавируснинг 45 мингга яқин мутациялари юзага келди ва ҳамон бу жараён тўхтагани йўқ. Бироқ ўтган даврда улардан фақат 10-15 таси касаллик чақирди, холос. Шу маънода, мутациялардан ваҳима ясаш керак эмас.

✅ Ҳозир кузатилаётган ўткир респиратор вирусли инфекциялар авж олиш жараёнини эса табиий ҳолат, деб қабул қилиш зарур.

🔬 Шу ўринда юртдошларимизга Ўзбекистон ҳудудида қайси вируслар айланиб юрганини кузатиб борувчи мониторинг тизими йўлга қўйилгани, тегишли лабораторияларда беморлардан олинган вирус намуналари доимий равишда текширилиб, таҳлил қилиб борилишини эслатиб ўтмоқчиман.

📌 Шунга асосланиб айтишим мумкинки, бугунги кунда мамлакатимиз ҳудудида тиббиёт учун нотаниш ва номаълум бўлган вируслар айланиб юриши қайд этилгани йўқ. Балки аниқланаётган касалликларнинг аксарияти мавсумий респиратор хасталиклардир.

🟢 Бунинг олдини олиш ва эпидемиологик вазият барқарорлигини таъминлаш учун беморлар жамоат жойларига чиқишдан, одамлар билан мулоқотдан имкон қадар ўзларини чеклашлари, ижтимоий масофа сақлашлари, айниқса беморлар ва уларнинг парвариши билан шуғулланаётган шахслар тиббий ниқобда бўлишлари тавсия этилади. Хасталик белгилари кузатилган юртдошларимиз эса шифокорга мурожаат қилиб, даво муолажаларини бошлашлари мақсадга мувофиқдир.

Соғлиқни сақлаш вазирлиги
Матбуот хизмати.

⚡️RTTYoM Namangan viloyati filialida “Yashil makon” umummilliy loyihasi doirasida koʻchatlar ekildi. (Video)

✅ TELEGRAM ✅ FACEBOOK
🌐 INSTAGRAM 📹 YOUTUBE

⚡️ BUGUN — BUTUNJAHON OITSGA QARSHI KURASH KUNI

📆 Jahon sog‘liqni saqlash tashkiloti hamda Birlashgan Millatlar Tashkiloti Bosh Assambleyasining 1988 yildagi qaroriga asosan, 1 dekabr sanasi Butunjahon OITSga qarshi kurash kuni sifatida nishonlanadi.


📊 Ma’lumotlarga ko‘ra, hozir dunyoda OIV infeksiyasini yuqtirgan qariyb 40 million nafar bemor bor. Ular soni yiliga 1,5 million kishiga ortyapti. Eng yomoni, kasallik har yili 600 ming kishini hayotdan olib ketmoqda.

➡️ Mutaxassislar bunday o‘sish dinamikasini xastalikka erta bosqichda tashxis qo‘yilmasligi bilan izohlaydi. Masalan, JSSTning Yevropa mintaqaviy byurosiga qarashli 53 mamlakatda (Markaziy Osiyo davlatlari ham shu ro‘yxatda) OIVga chalingan bemorlarning to‘rtdan bir qismi o‘z xastaligidan bexabar bo‘lsa, qariyb yarmi o‘z tashxisini juda kech bosqichda biladi.

✅ Mamlakatimiz OITSga qarshi kurash tizimi bo‘yicha keyingi yillarda barcha yo‘nalishlarda qator yutuqlarga erishib kelmoqda. Bu esa BMTning OIV va OITS bo‘yicha qo‘shma dasturining dunyo miqyosida tan olingan “95-95-95” strategik maqsadlariga erishishda katta ahamiyat kasb etadi.

📈 So‘nggi yillarda butun dunyoda OITSning jinsiy yo‘l bilan yuqish darajasi ortib bormoqda. Bu holat, afsuski, mamlakatimizda ham kuzatilyapti. Masalan, o‘tgan yili ro‘yxatga olingan bemorlarning qariyb 80 foiziga kasallik jinsiy aloqa yo‘li orqali yuqqanligi gumon qilingan.

➡️ JSST tomonidan bemorlarni virusga qarshi davolash kasallikning bosqichidan qat’iy nazar, u aniqlangan kundan boshlanishi zarurligi tavsiya etiladi.

🔬 Shu yilning uchinchi choragi yakuniga ko‘ra, yurtimizda OIV infeksiyali bemorlarning 84 foizi davolashning dunyoda tan olingan usuli — antiretrovirus muolajalar bilan qamrab olingan. Ular uchun zarur preparatlar xarajatlarining qariyb 80 foizi Davlat budjeti mablag‘lari, qolgan 20 foizi esa xalqaro fondlar hisobidan qoplanmoqda.

🟢 Ushbu kasalliklarga qarshi kurashish kompleks yondashuvni talab etadi. Bunda raqamli texnologiyalarni joriy etish ham katta ahamiyatga ega. Sababi ular ma’muriy jarayonlarni optimallashtirish, ma’lumotlarni boshqarishni takomillashtirish, bemorlarning holatini doimiy monitoring qilib borish imkonini beradi.

💿 Shundan kelib chiqib, shu yilning bahorida Respublika OITSga qarshi kurashish markazida takomillashtirilgan yagona elektron tizim ishga tushirildi va u Ijtimoiy himoya milliy agentligining elektron bazasi bilan integratsiya qilindi.

➡️ Xalqaro ekspertlarning xulosa qilishicha, 2030 yilgacha OIVning aholi salomatligiga tahdid sifatidagi global xavfini kamaytirishga doir ustuvor maqsadlarga erishish mumkin. Buning uchun hukumatlar xastalikning oldini olish, unga qarshi kurashish, infeksiyani erta bosqichda aniqlash va samarali davolash uchun zarur resurslar ajratishi kerak.

✅ TELEGRAM ✅ FACEBOOK
🌐 INSTAGRAM 📹 YOUTUBE

❗️Тиббиёт муассасаларини фармацевтика маҳсулотлари билан таъминлаш тизими такомиллаштирилади

🖥 “Тиббиёт муассасаларини фармацевтика маҳсулотлари ва тиббий жиҳозлар билан таъминлаш тизимини такомиллаштириш чора-тадбирлари тўғрисида”ги Президент қарори (ПҚ-408-сон, 29.12.2024 й.) қабул қилинди.

📆 Қарорга кўра, 2025 йил 1 январдан белгиланган тартиб ва рўйхатга асосан қуйидаги дори воситалари ва тиббий буюмларнинг давлат харидини тўғридан-тўғри шартномалар асосида амалга оширишга рухсат этилади:

➡️ оригинал дори воситалари (уларнинг ишлаб чиқарувчиси ёки расмий етказиб берувчиси орқали);

➡️ ёпиқ турдаги лаборатория ускунаси учун махсус реагент, реактив ва сарфлов воситалари;

➡️ шошилинч ва тез тиббий ёрдам кўрсатиш учун зарур дори воситалари ва тиббий буюмлар.

✅ “O‘zmedimpeks” ва “Тиббиёт техникаларига хизмат кўрсатиш ўқув-ишлаб чиқариш маркази” давлат муассасалари негизида Соғлиқни сақлаш вазирлиги ҳузурида давлат муассасаси шаклида Харидлар маркази ҳамда Марказнинг 13 та ҳудудий филиали ташкил этилади.

🔍 Иқтисодий жиноятларга қарши курашиш департаменти соғлиқни сақлаш тизимида дори воситалари ва тиббий буюмлар харидининг қонунийлиги ва мақсадлилигини таъминлаш, уларнинг манзилли етказилиши устидан қатъий назорат ўрнатади.

⚡️“Bitta brigada kuniga 25 tagacha chaqiriqqa chiqyapti” — Tez yordam qishda qanday ishlayapti?

Toshkent shahar tez yordam xizmati 5 milliondan ortiq kishiga xizmat ko‘rsatyapti. Reanimatsiya brigadasi shifokori Alisher Bozorov oldin kuniga 3-3,5 ming chaqiriq tushgan bo‘lsa, mavsumiy kasalliklar avj olgan hozirgi paytda 5 minggacha chaqiruvga chiqilayotganini aytadi.

✅ TELEGRAM ✅ FACEBOOK
🌐 INSTAGRAM 📹 YOUTUBE

🇺🇿 BARCHANGIZGA KONSTITUTSIYA BAYRAMI MUBORAK BO‘LSIN!"

O‘zbekiston Respublikasi 1992 yil 8 dekabr kuni qabul qilingan konstitutsiyamizning qabul qilingan kuni munosabati bilan barcha filial xodimlari va ularning oila a’zolarini chin qalbimdan tabriklayman!

Yurtimiz tinchligi, osmonimiz musaffoligi xech qachon bizni tark etmasin. Zero qomusiga amal qilgan xalq kelajagi buyuk bo‘ladi.Bejizga ”Qomusli el-nomusli el” deyishmagan.

Respublika tez tibbiy yordam markazi Namangan  filiali ma’muriyati va jamoasi nomidan Vatanimiz taraqqiyoti yo‘lida, el sog‘ligini saqlash yo‘lida samarali mehnat qilayotgan barcha xodimlarimizga muvaffaqiyatlar, mustahkam sog‘lik, oilaviy tinchlik-xotirjamlik tilayman.

Bayramingiz muborak bo‘lsin.

Respublika tez tibbiy yordam markazi
Namangan viloyati filiali direktori
Adhamjon O‘tbasarovich Irisboyev

❗️Bugun — O‘zbekiston Respublikasining Davlat madhiyasi qabul qilingan kun

✅Madhiya — milliy g‘ururimiz, istiqlolimiz va istiqbolimiz timsoli. Mustaqillik va birdamligimiz ramzi. Uni tinglaganda ham, kuylaganda ham qalblarimizda Vatanga muhabbat va sadoqat tuyg‘ulari yanada jo‘sh uradi, shu yurtning farzandi ekanimizdan iftixor tuyamiz.

➡️ Mana, bugun yana bir osuda tongni qarshi oldik. Bu xalqimizning mangu qo‘shig‘i — madhiyamiz yaralgan kun. U yana bir karra bizni Vatanimizdan g‘ururlanishga, uni sevishga, mustaqilligimizni yanada mustahkamlashga chorladi.

✅ TELEGRAM ✅ FACEBOOK
🌐 INSTAGRAM 📹 YOUTUBE