RTTYOMNF | RASMIY

⚡️Xukumat qaror va farmoyishlarini amalda tadbiq qilish, filial xodimlarining ish sharoitlari va muammolari bilan yaqindan tanishish xamda muammolarni joyida bartaraf etish maqsadida 03.07.2025 kuni RTTYoM Namangan viloyati filialining direktori A.O‘. Irisboyev, xodimlar bo‘limi mudiri, xisobxona xamda kasaba uyushma qo‘mitasi raisi ishtirokida tashkil etilayotgan sayyor qabuli Namangan tumanida bo‘lib o‘tdi.
Qabul mobaynida bo‘lim ishchi-xodimlari bilan uchrashildi. Sayyor qabul boshidan buyon 50 nafar xodimlarning oylik xisoblash, ish stavkalari, sixatgox va oromgoxlarga yo‘llanmalar bilan bog‘liq masalalardagi murojaatlari ko‘rib chiqildi.
Xodimlarga mutaxassislar tomonidan tushuntirishlar berildi.
Sayyor qabul reja asosida xar bir tumanda tashkil etiladi.

✅

Facebook

🌐

Instagram

📹

Youtube

Please open Telegram to view this post

VIEW IN TELEGRAM

Please open Telegram to view this post

VIEW IN TELEGRAM

❤2👍2

898 viewsТалъат Одилов, 06:59

RTTYOMNF | RASMIY

🔴

🟦

❓ Жазирама кунлари “Тез ёрдам”га қанча бемор мурожаат қилди?

🌞 Одатда, юртимизда ёзнинг энг иссиқ кунлари “чилла” даврига тўғри келади. Хусусан, бу йил ҳам июль ойи жазирама билан бошланди.

📈 Гидрометеорология хизмати маълумотларига кўра, жорий йилнинг 2-5 июль кунлари Ўзбекистон ҳудудига жанубдан жуда иссиқ об-ҳаво оқимлари кириб келиши натижасида шу кунлари мамлакатимизда аномал иссиқ кузатилди.

❓Хўш, ана шундай жазирама об-ҳаво шароитида “103” хизматига қанча чақириқ келиб тушди?

✅

Ушбу саволга Республика тез тиббий ёрдам маркази директори Абдувоитжон Гафуров жавоб берди.

💬 — Одатда, ёз фаслида юртимизда минтақамизга хос бўлган қуруқ иссиқ кузатилади, — дейди мутахассис. — Айниқса, сўнгги кунларда дунёнинг кўплаб мамлакатларида бўлгани каби Ўзбекистонда ҳам юқори ҳарорат сақланиб қолмоқда.

🩺 Албатта, бундай пайтда, энг аввало, сурункали касаллиги бўлган, диспансер назоратида турувчи беморлар, ёш болалар, ҳомиладор аёллар ва кексалар саломатлигига алоҳида эътибор талаб этилади.

🚑 Шу боис, улар соғлигини тиббий назоратга олиш, зарурат бўлганда шошилинч тиббий ёрдам кўрсатиш лозим. Айниқса, иссиқ ҳавода сурункали хасталиклар хуруж қилишини эътиборга олсак, “Тез ёрдам” хизмати ходимлари зиммасига катта масъулият юкланади.

📞 Рақамларга тўхталсак, ўтган ҳафтада, яъни аномал иссиқ кузатилган даврда республика бўйича тез тиббий ёрдам хизматига жами 247 минг 459 та чақириқ келиб тушди. Уларнинг 172 минг 676 тасини шошилинч кўрсатма, 65 минг 163 тасини эса сурункали касалликлар билан боғлиқ мурожаатлар ташкил этди.

📉

Шуниси эътиборлики, тегишли масъул ташкилотлар томонидан оммавий ахборот воситалари ва ижтимоий тармоқлар орқали фуқароларга аномал иссиқ ҳаво шароитида эҳтиёт чораларини кўриш тўғрисида берилган тавсиялар туфайли чақириқлар сони ундан олдинги ҳафта (24-29 июнь)га нисбатан 1,2 фоизга камайди.

‼️ Шу ўринда вазирлик зарурат бўлмаса, аҳолидан жазирама пайти ташқарига чиқмасликни, тез-тез суюқлик ичиш, имкон қадар ёғли, дудланган таомлар тановул қилмаслик, аксинча, кўпроқ мева ва сабзавотлар истеъмол қилишни тавсия этади.

Соғлиқни сақлаш вазирлиги
Матбуот хизмати.

Please open Telegram to view this post

VIEW IN TELEGRAM

❤4👍1🔥1

714 viewsТалъат Одилов, 10:39

RTTYOMNF | RASMIY

🔴

🟦

❓Шу йилнинг дастлабки 6 ойида “Тез ёрдам”га қанча чақириқ келиб тушди?

🚑 “Тез ёрдам” — замонавий тиббиётнинг энг муҳим йўналиши. Шу боис бугун мазкур хизматни янада такомиллаштиришга катта эътибор қаратилмоқда.

🤔 Табиийки, бундай янгиланишлар беморларга шифохонагача бўлган биринчи ёрдамни халқаро андозаларга мос тарзда кўрсатиш имконини бераётир.

💬 — Ўтган 2025 йилнинг дастлабки 6 ойи давомида мамлакатимиз бўйлаб “103” хизматига жами 6 миллион 912 минг 243 та чақириқ келиб тушди, — дейди Республика тез тиббий ёрдам маркази директори Абдувоитжон Гафуров. — Агар рақамларни таҳлил қилсак, ўтган йилнинг айни шу даврига нисбатан бу йил мурожаатлар сони 8,4 фоизга ошди.

🏥 Бажарилган чақирувларнинг аксарияти, яъни 4 миллион 992 минг 108 таси шошилинч кўрсатма билан, шунингдек, сурункали касалликлар – 1 минг 802 минг 348 та, беморларни ташиш – 66 минг 917 та ва туғруқлар – 50 минг 870 тани ташкил қилди.

📈 Энг кўп мурожаатлар:

➡️ Тошкент шаҳри — 718 минг 819 та;

➡️ Фарғона вилояти — 681 минг 580 та;

➡️ Сурхондарё вилояти — 661 минг 767 та;

➡️ Наманган вилояти — 647 минг 493 та;

➡️ Андижон вилояти — 642 минг 366 та қайд этилган.

📉 Энг кам чақириқ Навоий вилояти (199 минг 930 та), Сирдарё вилояти (221 минг 407 та) ва Жиззах вилояти (267 минг 669 та) кузатилди.

‼️ Эслатиб ўтамиз, ҳозирги кунда “Тез ёрдам” хизматида жами 2 857 та тиббий бригада фаолият юритмоқда.

Please open Telegram to view this post

VIEW IN TELEGRAM

❤2

785 viewsТалъат Одилов, 10:25

RTTYOMNF | RASMIY

2️⃣

🇺🇿

🇰🇷

Tez tibbiy yordam tizimi: hududiy rivojlanish va xalqaro tajriba asosida yangi bosqich sari

Oʻzbekistonda tez tibbiy yordam tizimini isloh qilish, uni zamonaviy va samarali shaklga keltirish borasida yirik qadamlar qoʻyilmoqda. Xususan, shifoxonagacha boʻlgan bosqichda xizmat koʻrsatish sifati hamon eng dolzarb vazifalardan biri sifatida kun tartibida turibdi. Ana shu maqsadda joriy yilning 10-iyulida Toshkent shahrida muhim xalqaro seminar tashkil etildi.

Ushbu tadbir Oʻzbekiston Respublikasi Sogʻliqni saqlash vazirligi, Respublika tez tibbiy yordam markazi (RTTYOM), Koreya xalqaro sogʻliqni saqlash jamgʻarmasi (KOFIH) va Janubiy Koreyaning yetakchi oliy oʻquv yurtlaridan biri – Yonsey universiteti hamkorligida oʻtkazilmoqda.
Seminar “Shifoxonagacha boʻlgan shoshilinch tibbiy yordam xizmati salohiyatini oshirish” loyihasining ikkinchi bosqichi doirasida amalga oshirilayotgan boʻlib, u soha mutaxassislarining malakasini oshirish, ilgʻor tajribalarni tatbiq etish va hududlarda tibbiy xizmat sifatini yaxshilashga qaratilgan amaliy rejalar ishlab chiqilishini nazarda tutadi.

Seminar davomida qatnashchilar quyidagi yoʻnalishlarda ish olib bormoqda:

- Janubiy Koreyaning sogʻliqni saqlash, xususan tez yordam tizimi qanday tashkil etilganiligi;
- “Instruktorlar tayyorlash” dasturi boʻyicha Koreyada malaka oshirgan oʻzbekistonlik shifokor-instruktorlar oʻz tajriba va tavsiyalari bilan oʻrtoqlashish;
- Sogʻliqni saqlash siyosati yoʻnalishida Koreyada oʻqib qaytgan mutaxassislar oʻz taqdimotlari orqali Oʻzbekiston sharoitida ularni qanday qoʻllash mumkinligi yuzasidan fikr almashish;
- hududlardagi amaldagi tez tibbiy yordam holati muhokama qilish, mavjud muammolar va hududlarga xos yechimlar boʻyicha takliflar ishlab chiqish;
- guruhlarga boʻlingan holda amaliy mashgʻulotlar oʻtkazish, har bir hududda zamonaviy va barqaror tizim joriy etish boʻyicha aniq harakat rejalar tuzish;
- Koreya tajribasi asosida tizimda boshqaruv va sifat nazorati boʻyicha maxsus maʼruzalar taqdim etish;
- xalqaro ekspertlar bilan ochiq muloqot va savol-javoblar olib borish.

Seminarda Sogʻliqni saqlash vazirligi va RTTYOM rahbarlari, KOFIH jamgʻarmasining Koreya va Oʻzbekistondagi vakillari, Koreyada oʻqib qaytgan shifokor-instruktor, sogʻliqni saqlash siyosati boʻyicha oʻqib kelgan mutaxassislar, Qoraqalpogʻiston, Fargʻona, Surxondaryo, Andijon, Qashqadaryo va Toshkent viloyatlaridan tez yordam markazlari rahbarlari va boshqa mutaxassislar ishtirok etdi.

Shuningdek, Yonsey universitetidan professor Li va uning ilmiy jamoasi seminarda faol ishtirok etdi. Ularning qatnashuvi xalqaro ilmiy tajriba almashinuvi va innovatsion yondashuvlarni joriy etishda muhim ahamiyat kasb etadi.

Seminar ochiq muloqot, tajriba almashish va jamoaviy hamkorlik ruhida oʻtmoqda. Ishonch bilan aytish mumkinki, ushbu tadbir mamlakatimizda zamonaviy, milliy va xalqaro standartlarga mos keladigan tez tibbiy yordam tizimini shakllantirish yoʻlida muhim qadamlardan biri boʻladi.

Mazkur tadbir nafaqat tibbiy xizmat koʻrsatish sifati, balki Oʻzbekistonning xalqaro hamkorlik orqali sogʻliqni saqlash sohasini rivojlantirish borasidagi qatʼiyatini ham namoyon etmoqda.

#tez_tibbiy_yordam #workshop #KOFIH #Yonsei #loyiha

Please open Telegram to view this post

VIEW IN TELEGRAM

Please open Telegram to view this post

VIEW IN TELEGRAM

850 viewsТалъат Одилов, 08:09

RTTYOMNF | RASMIY

🔴

🟦

❗️Наманганда “Тез ёрдам”га бирорта ҳам ёлғон чақириқ бўлмади

🩺 Тез тиббий ёрдам хизмати сифати, энг аввало, “103” бригадаларининг чақириқ манзилига ўз вақтида етиб бориши билан белгиланади.

🚑 Аммо баъзан фуқаролардан “Тез ёрдам” автомашиналари бемор олдига кечикиб боргани ҳақидаги эътирозларни эшитамиз. Бунга эса кўпинча ёлғон чақирувлар сабаб бўлади.

📞 Рақамларга кўра, 2025 йилнинг ўтган олти ойи давомида “103” хизматига жами 849 та ёлғон чақириқ келиб тушди. Таққослаш учун айтсак, мазкур кўрсаткич 2024 йилнинг айни шу даврида 1 255 тани ташкил этган. Бундан кўриш мумкинки, ушбу турдаги мурожаатлар cони тобора камайиб бормоқда.

📈 Таҳлиллар шуни кўрсатадики, 2025 йилнинг январь-июнь ойларида энг кўп ёлғон чақириқ Сурхондарё вилоятида кузатилиб, мазкур рақам 177 тани ташкил этди. Кейинги ўринда Қашқадарё вилояти қайд этилди — 140 та. Шунингдек, Самарқанд вилоятидан 127 та ана шундай мурожаат келиб тушган.

📉 Энг кам ёлғон чақириқ эса Сирдарё вилоятида рўйхатга олинди — 11 та!

‼️

Эътиборлиси, сўнгги олти ойда Наманган вилоятида “Тез ёрдам”га бирорта ҳам ёлғон чақирув келиб тушмаган.

Соғлиқни сақлаш вазирлиги
Матбуот хизмати.

Please open Telegram to view this post

VIEW IN TELEGRAM

1.18K viewsТалъат Одилов, 08:46

RTTYOMNF | RASMIY

⚡️ "Shifokor va hayot" gazetasining yangi soni nashirdan chiqdi.

✅

FACEBOOK

🌐

INSTAGRAM

📹

YOUTUBE

Please open Telegram to view this post

VIEW IN TELEGRAM

Please open Telegram to view this post

VIEW IN TELEGRAM

878 viewsТалъат Одилов, 02:52

RTTYOMNF | RASMIY

🔴

🧠

💡

📚

❓Жазирама кунлар бошланди: Қандай тавсияларга амал қилиш лозим?

☀️ “Ўзгидромет” маълумотларига кўра, жорий йилнинг 17-19 июль кунлари Ўзбекистон ҳудудига жанубдан жуда иссиқ ҳаво оқимлари кириб келиши кутилмоқда.

➖ Жумладан, 17 июлда республика шимолида, жанубида ва чўл ҳудудларида, 18-20 июлда ҳудуднинг катта қисмида ҳаво ҳарорати 40-43 даражагача, жанубда ва чўл ҳудудларда баъзи жойларда 44-45 даражагача кўтарилади.

❓Хўш, бундай об-ҳаво шароитида қандай тавсияларга амал қилиши лозим?

💬 — Жазирамада, энг аввало, болалар, кексалар, ҳомиладор аёллар ва сурункали касалликлардан азият чекаётган беморлар ўз соғлиғига янада эътиборли бўлишлари зарур, — дейди Соғлиқни сақлаш вазирлигининг Экологик дипломатия бўлими бошлиғи Абдуқаюм Тўхтақулов. — Чунки бундай иссиқ ҳаво туфайли организмнинг терморегуляция тизимига юклама тушади.

🩺 Бу эса мавжуд сурункали касалликлар зўрайиши ёки иссиқлик билан боғлиқ хасталиклар, хусусан, организмнинг умумий ҳолсизланиши ва ҳаёт учун хавфли бўлган офтоб уришига сабаб бўлиши мумкин.

😓 Жазирама, айниқса, юрак-қон томир тизимига салбий таъсир кўрсатади. Бундай пайтда инсоннинг юрак уриши тезлашиб, қон босими кўтарилади. Шунингдек, организм ҳароратни меъёрда сақлаш учун кўпроқ энергия сарфлайди. Оқибатда инсон кучли терлайди. Бу эса тананинг сувсизланиш хавфини янада оширади. Шу сабабли иссиқ ҳавода бир қанча эҳтиёт чораларини кўриш тавсия этилади.

⏰ Аввало, куннинг энг иссиқ вақти — соат 12:00 дан 16:00 гача имкон қадар ёпиқ бинолар ёки салқин жойларда бўлиш лозим. Бу вақтда қуёш нурлари энг кучли бўлиб, тананинг қизиб кетиши ва офтоб уриш хавфи юқори бўлади. Агар кўчага чиқиш зарурати туғилса, соя жойларда юриш, соябондан фойдаланиш ва фаолликни куннинг салқинроқ пайтлари — эрталаб ёки кечқурунга режалаштириш мақсадга мувофиқ.

🏡 Шунингдек, уй шароитида салқинликни таъминлаш ҳам жуда муҳим. Масалан, кундузи қуёш тушадиган томондаги деразаларни ёпиқ ҳолда сақлаш, кечаси ҳаво салқинлаганда деразаларни очиб, хоналарни шамоллатиш, куннинг энг иссиқ вақтларида печь, кир ювиш машинаси, қуритгич каби ўзидан иссиқлик чиқарувчи маиший техникалардан фойдаланишни чеклаш керак.

👕 Жазирамада тўғри кийим танлаш ҳам муҳим. Енгил, кенг бичимли, ҳавони яхши ўтказадиган табиий матолардан (пахта, ипак) тикилган либосларни кийиш тавсия этилади. Аксинча, синтетик кийимлардан сақланиш лозим. Имкон қадар оч рангли уст-бошларни танлаш мақсадга мувофиқ. Чунки улар қуёш нурини яхшироқ қайтаради.

👒 Кўчага чиққанда кенг соябонли бош кийим кийиш ва қуёшдан ҳимояловчи кўзойнак тақиш шарт. Бошни эса қуёш нуридан асраш зарур. Чунки бош миянинг қизиб кетиши иссиқ уришига олиб келиши мумкин.

🛁 Кун давомида тез-тез салқин душ ёки ванна қабул қилиш ҳам тана ҳароратини пасайтиришга ёрдам беради. Аммо жуда совуқ сувдан фойдаланмаслик керак. Сабаби ҳароратнинг кескин ўзгариши организм учун стресс бўлиши, ҳатто, пневмонияга олиб келиши мумкин. Хона ҳароратидаги ёки бироз салқин сув энг мақбул вариантдир.

➡️ Шунингдек, терига, айниқса, бош ва бўйин соҳаларига ҳўл сочиқ ёки латта қўйиш ҳам организмни самарали совитади.

🩺 Қолаверса, иссиқда оғир жисмоний меҳнат ёки спорт билан шуғулланиш сувсизланиш, силла қуриши ва офтоб уриш хавфини сезиларли даражада оширади. Бундай шароитда юрак-қон томир тизимига тушадиган юк ортади, бу эса тайёргарлиги бўлмаган одамларда юрак хуружи ёки инсульт хавфини юзага келтиради.

⌛️ Имкон бўлса, спорт билан кондиционерли ёпиқ иншоотларда шуғулланган афзал. Машғулот пайтида организмга қулоқ солиш, тез-тез дам олиш, етарли миқдорда суюқлик ичиш зарур. Бош айланиши, кўнгил айниши ёки кучли ҳолсизлик каби белгилар пайдо бўлса, машғулотни дарҳол тўхтатиш керак.

‼️ Сурункали хасталиклари (гипертония, юрак касалликлари, семизлик) бор инсонлар иссиқда жисмоний фаоллик билан шуғулланишдан олдин шифокор билан маслаҳатлашишлари лозим.

Соғлиқни сақлаш вазирлиги
Матбуот хизмати.

Please open Telegram to view this post

VIEW IN TELEGRAM

👍1

2.73K viewsТалъат Одилов, 05:37

RTTYOMNF | RASMIY

⚡️DMЕD - TЕZ TIBBIY YORDAM TIZIMIGA HAM IZCHILLIK BILAN TATBIQ ETILMOQDA

Respublika tez tibbiy yordam markazi Namangan hududiy filialida Call-markaz tashkil etilgan bo‘lib, barcha jarayonlar avtomatlashtirilgan. Chaqiruvlarni shu yerdan turib nazorat va tahlil qilish imkoniyati yaratilgan.

Ayniqsa, tez tibbiy yordam xizmatining MedData tizimi, xamda DMЕD tizimi bilan integratsiyasi orqali birlamchi tibbiyot muassasalari soha xodimlari uchun katta qulayliklarni vujudga keltirmoqda.

Tez tibbiy yordam xodimlari bu imkoniyat va sharoitlardan mamnun. Chunki endi ortiqcha qog‘ozbozlik, blanka va jurnallarni to‘ldirishga chek qo‘yildi.

Barchamizga yaxshi ma’lumki, sog‘liqni saqlashning yangi modelini joriy qilish bo‘yicha tajriba-sinov loyihasi bo‘yicha Namangan viloyatidan Chortoq tumani tanlangan.

Tumanda “Tibbiyotda 90 kunlik o‘zgarishlar vaqti” dasturi ijrosiga jiddiy kirishilgan va tez tibbiy yordam xizmati ham ushbu jarayonlardan chetda qolmayapti.

Bugun “Tibbiyot va zamon” jurnali ijodiy jamoasining manzili RTTYOM NF ga qarashli Baliqliko‘l shohobchasi bo‘ldi. Shohobchaning vrach va hamshiralari bilan bo‘lgan suhbatlar jarayonlarida tez tibbiy yordam xizmatining kundan-kunga aholiga yaqinlashtirilayotgani, xizmat ko‘rsatish sifati yaxshilanayotgani, aholining mazkur xizmatga e’tirozlari o‘rniga minnatdorlik izhorlari ko‘payayotganiga guvoh bo‘ldik.
Navbatda tuman tez yordam bo‘limining Alixon va Kushon shohobchalari faoliyati bilan ham yaqindan tanishdik.

Chortoq tumanidan qaytar ekanmiz, “Tibbiyot islohotlari - inson qadri uchun” degan ezgu g‘oya ostidagi maqsadlar sari ildamlayotgan, har daqiqasini bemorlar sog‘ligini asrash uchun sarflayotgan tez tibbiy yordam xodimlari ishiga muvaffaqiyatlar tiladik.

(Mazkur shohobcha xodimlari faoliyati to‘g‘risidagi maqolani “Tibbiyot va zamon” jurnalining 4-sonida mutolaa qilishingiz mumkin).

✅

FACEBOOK

🌐

INSTAGRAM

📹

YOUTUBE

Please open Telegram to view this post

VIEW IN TELEGRAM

Please open Telegram to view this post

VIEW IN TELEGRAM

👍3❤2

2.97K viewsТалъат Одилов, 04:52