TIl BOR - MILLAT YASHAYDI

Hazrat Alisher Navoiyning “Tilga ixtiyorsiz – elga e’tiborsiz” degan hikmatida olam-olam ma’no bor. Har bir millatning birinchi ramzi uning tilidir. Til yashasa, millat ham barhayot bo‘ladi.

O‘z ona tilini mukammal bilgan inson boshqa tillarni ham tez o‘rganadi. Tilning rang-barangligi, jozibasini his etadi. Bu borada o‘zbek tili, shubhasiz, dunyo tillari ichida so‘zlarga boyligi, o‘ziga xosligi, asrlar osha sayqal topib borayotgani bilan alohida ajralib turadi.

E’tiborlisi, milliy zabonimizda so‘zlashuvchilar soni tobora oshib bormoqda.

O‘zbekiston Respublikasi Konstitutsiyasida davlat tilining maqomi huquqiy jihatdan mustahkamlab qo‘yilgan.

Yurtimizda o‘zbek tiliga bo‘lgan e’tibor keyingi yillarda yanada kuchaydi. Prezidentimiz tashabbusi bilan mamlakatimizda O‘zbek tili bayrami kuni keng nishonlanadigan bo‘ldi. Har bir tashkilot, korxona, idoralarda davlat tiliga mas’ul bo‘lgan xodimlar faoliyat olib borishi ta’minlandi.

O’zbekiston Respublikasi Prezidentining «Mamlakatimizda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida»gi 2020 yil 20 oktyabrdagi PF-6084-son Farmoni, O’zbekiston Respublikasi Vazirlar Mahkamasining «Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida»gi 2021 yil 10 fevraldagi 61-son qarori ijrosini ta’minlash maqsadida Respublika tez tibbiy yordam markazi Namangan viloyati filialida ham bir qator ishlar amalga oshirilmoqda.

Filial va uning tegishli hududlarida barcha tashqi yozuvlar, jumladan, peshlavhalar, e’lonlar va ko‘rgazmali boshqa axborot matnlari, tashqi reklama materiallarining davlat tili to‘g‘risidagi qonun hujjatlariga muvofiq bo‘lishi ta’minlanmoqda.

Filialning “Ma’naviyat va ma’rifat” xonasini, hamda bo‘limlarda “Ma’naviyat va ma’rifat” burchaklarini talab darajasida boyitish va bezatish ishlari davom etmoqda. Lotin alifbosiga asoslangan o‘zbek alifbosidagi g‘oyaviy-mafkuraviy, ma’naviy-ma’rifiy mavzulardagi ko‘rgazmali jihozlar bilan to‘ldirildi. Barcha bo‘limlarning jamoat joylari Taraqqiyot strategiyasiga oid ko‘rgazmali qurollar, shiorlar, banner-plakatlar bilan jihozlandi.

Filialning ish yuritish hujjatlari va boshqa hujjatlarni lotin yozuviga asoslangan o‘zbek alifbosida ishlab chiqish, qabul qilish va e’lon qilish amaliyoti to‘liq joriy qilindi.

Joyiza Abdullayeva

RTTYOM NF ma' naviyat ishlari mas'uli

✅ TELEGRAM ✅ FACEBOOK
🌐 INSTAGRAM 📹 YOUTUBE

🖥 Tez tibbiy yordamda yangi davr: Qogʻoz emas, elektron tizim!

📢 Bugungi kunda tez tibbiy yordam tizimida katta islohotlar amalga oshirilmoqda. Qogʻozda toʻldiriladigan chaqiruv varaqalari va jurnallar — endi tarixda qoldi!

📌 Nima oʻzgardi?

Oʻzbekiston Respublikasi Prezidentining 2022-yil 16-iyundagi “Aholiga shoshilnch tibbiy yordam koʻrsatish tizimini takomillashtirish toʻgʻrisida” PQ-283-son qarori asosida tizim tubdan yangilandi.

🏥 Asosiy meʼyoriy hujjatlar:

📎 Sogʻliqni saqlash vazirligining:
🔹 2022-yildagi 248-sonli buyrugʻi
🔹 2025-yildagi 195-sonli buyrugʻi

🧾 Qanday jurnal va hujjatlar raqamlashtirildi?

Quyidagi hisobot shakllari va varaqalar endi elektron koʻrinishda yuritiladi:

✅ 059-3 — Tez tibbiy yordam va sanitar aviatsiyada dori-darmonlar kirim/chiqim jurnali
✅ 061 — Murojaatlarni qayd qilish jurnali
✅ 062 — Tez tibbiy yordam chaqiruv kartasi
✅ 065 — Kuzatuv varaqasi
✅ 067 — Podstansiyaning kunlik ish jurnali
✅ 068 — Favqulodda holatlarni hisobga olish jurnali
✅ 069 — Tez yordam stansiyasi xabar varaqasi

🖥 Tez tibbiy yordam boʻyicha elektron avtomatlashtirilgan boshqaruv tizimi

🔹 Barcha varaqalar va hisobotlar endi faqatgina MedData-103 2.0 elektron boshqaruv tizimi orqali yuritiladi.
🔹 Ushbu tizim Respublika tez tibbiy yordam markazi va hududiy filiallarda toʻliq joriy etilgan.

🎯 Bu oʻzgarishlar nima beradi?

🚑 Chaqiruvlarni real vaqtda kuzatish
🕒 Javob vaqtini qisqartirish
📈 Statistik tahlil va sifat nazoratini yaxshilash
📁 Hujjatlarni yoʻqotish yoki notoʻgʻri toʻldirish ehtimolini bartaraf etish
🌐 Barcha maʼlumotlar yagona bazaga jamlanadi

✅ Xulosa

Tez tibbiy yordamda raqamlashtirish jarayoni — zamonaviy, shaffof va samarali xizmat koʻrsatishning asosidir.

✅ TELEGRAM ✅ FACEBOOK
🌐 INSTAGRAM 📹 YOUTUBE

⚡️TIBBIYOTNI KORRUPSIYADAN HOLI TIZIMGA AYLANTIRAMIZ!

Joriy yilning 17- Avgust kuni RSHTYOIM Namangan filiali katta majlislar zalida huquqiy mavzuda yig‘ilish o‘tkazildi. Unga barcha davolash-profilaktika muassasalari, shahar va tumanlar tibbiyot birlashmalari rahbarlari, hisobchilari va kadrlar bo‘limlari mutasaddilari taklif etildi.

Yig‘ilishni O‘zbekiston Respublikasi Sog‘liqni saqlash vaziri Asilbek Xudayarov kirish so‘zi bilan ochdi. U Prezident Shavkat Mirziyoyevning Namanganga tashrifida belgilangan vazifalar, xususan aholini tibbiy xizmatdan rozi qilish, sohada kuzatilayotgan ayrim qonunbuzarlik holatlarga qarshi kurashni yanada kuchaytirish bo‘yicha fikr-mulohazalarini bayon etdi.

Vazirning ta’kidlashicha, tizimda tibbiy xizmat sifatini yaxshilash, qonuniylikni ta’minlash, korrupsiyaning oldini olish yuzasidan keskin choralar ko‘rilmoqda.Jumladan, vazirlikda bu illatga qarshi samarali kurashish maqsadida “Korrupsiyaga qarshi ichki nazorat bo‘limi” tashkil etildi. Bo‘lim hududiy boshqarmalar, respublika davolash-profilaktika muassasalari va tibbiyot o‘quv yurtlarida izchil ish olib bormoqda.

Aholiga ko‘rsatilayotgan tibbiy xizmatlar shaffofligini ta’minlash maqsadida DMED tizimi joriy etildi. Sohaga axborot-kommunikatsion texnologiyalarni tatbiq qilish ko‘lami yanada ortmoqda.Situatsion markaz vositasida butun tizim uzluksiz nazorati yo‘lga qo‘yilgan. Kelgusida raqamlashtirish ishlarini kuchaytirgan holda sog‘liqni saqlashda uchrab turgan ayrim korrupsiyaviy ko‘rinishlarga barham berish choralari ko‘riladi.

Yig‘ilishda O‘zbekiston Respublikasi Bosh prokurori o‘rinbosari Salom Samatov va Namangan viloyati prokurori Ulug‘bek Madrahimovlar so‘zga chiqib, fuqarolar salomatligini muhofaza qilishga qaratilgan qonunchilik ijrosini ta’minlash, ayniqsa qonunbuzilish holatlariga yo‘l qo‘ymaslik, manfaatlar to‘qnashuvi, ta’magirlik va boshqa korrupsion hatti-harakatlar payini qirqish kabi masalalar haqida fikr yuritdilar. Raqamlashtirish ishlarini yanada tezlashtirish, tibbiyotni korrupsiyadan holi va shaffof tizimga aylantirish yuzasidan tavsiyalar berdilar.

Viloyat sog‘liqni saqlash boshqarmasi boshlig‘i Abdulhodi Iminov mutasaddilarga tibbiy xizmat sifati va samaradorligini yanada oshirish, qonunga zid ko‘rinishlar oldini olish natijadorligini ta’minlash, aholini tibbiyotdan rozi qilish uchun zarur choralar ko‘rish yuzasidan topshiriqlar berdi.

✅ TELEGRAM ✅ FACEBOOK
🌐 INSTAGRAM 📹 YOUTUBE