⚡️Davlat mukofotlari egalariga tantanali ravishda topshirildi

Xabaringiz bor, Oʻzbekiston Respublikasi Prezidentining Farmoni bilan, tibbiyot xodimlari kuni arafasida bir guruh soha vakillari Davlatimizning yuksak mukofotlariga sazovor boʻldilar. Ular orasida Namangan viloyatining 5 nafar vakillari ham bor.

Bugun Namangan shahridagi «Maʼrifat maskani»da ushbu mukofotlarni topshirishga bagʻishlangan tantanali marosim boʻlib oʻtdi.

Namangan viloyati hokimi Shavkatjon Abdurazzoqov tabrik soʻzida Prezidentimiz rahbarliklarida tibbiyot rivojiga qaratilayotgan eʼtibor haqida toʻxtalib, soha xodimlarining sharafli va masʼuliyatli mehnatlarini eʼtirof etdi.    

Shundan soʻng, Oʻzbekiston Respublikasi Prezidentining Farmoni oʻqib, eshittirilib,
Namangan viloyati koʻp tarmoqli tibbiyot markazining anesteziologiya-reanimatsiya boʻlimi mudiri Akbarov Murat Turgunovichga II darajali «Sogʻlom avlod uchun» ordeni,
Pop tumanidagi «Muruvvat» nogironligi boʻlgan shaxslar uchun erkaklar internat uyi katta hamshirasi Turdaliyeva Dilfuza Mamadaliyevnaga «Doʻstlik» ordeni,
Yangiqoʻrgʻon tumanidagi 61-oilaviy poliklinikasi oilaviy shifokori Kamolova Xulkarxon Sadriddinovnaga «Sogʻlom turmush» medali,
Respublika tez tibbiy yordam markazining Chust tumani boʻlimi «Axcha» punkti haydovchisi Ashurov Abdugʻafor Gʻulomovichga «Shuhrat» medali tantanali ravishda topshirildi.

Maʼlumot uchun: I darajali «Salomatlik» ordeni bilan  mukofotlangan Respublika tez tibbiy yordam markazining Yangi Namangan tumani boʻlimi feldsheri Nazarov Abduqayum Abduxalilovich mamlakatimiz poytaxtida boʻlib oʻtgan tantanali tadbirda taqdirlandi.

✅ TELEGRAM ✅ FACEBOOK
🌐 INSTAGRAM 📹 YOUTUBE

⚡️RTTYOM NAMANGAN VILOYATI FILIALIDA «YASHIL MAKON » KUZGI MAVSUM

O‘zbekiston Respublikasi Prezidentining 2025 yil 30 may kuni imzolangan «Yashil makon» umummilliy loyihasi doirasida hamda o‘rmonlarni boshqarish tizimida islohotlarni izchil davom ettirish, yashil hududlarni kengaytirish chora-tadbirlari to‘g‘risida”gi PF-90-sonli Farmonida belgilangan vazifalar RTTYOM Namangan filialida izchil bajarilmoqda.

Bugun RTTYOM Namangan viloyati filialining bir guruh hodimlari filial direktori A.O'.Irisboyev boshchiligida 50 tup manzarali daraxt ko'chatlarini ekdilar.

“Yashil makon” loyihasi doirasidagi bunday ezgu ishlar atrof-muhitni asrash, aholi salomatligini mustahkamlash hamda ekologik muvozanatni saqlashga xizmat qiladi

#Yashilmakon
#kuzgimavsum

✅ TELEGRAM ✅ FACEBOOK
🌐 INSTAGRAM 📹 YOUTUBE

Аҳоли саломатлиги – юрт бойлиги

Наманган вилояти ҳокими Шавкатжон Абдураззоқов бугун куннинг иккинчи ярмида вилоят марказидаги бир қатор тиббиёт муассасалари фаолиятини ўрганди.

Дастлаб вилоят кўп тармоқли тиббиёт марказида олиб борилаётган қурилиш ишлари билан танишилди. Хабарингиз бор, бу ерда 9 қаватли янги бино тикланмоқда. Шунингдек, таъмирлаш ишлари якунланаётган 3 қаватли бино ҳолати кўздан кечирилди.

Вилоят раҳбари қурувчилар билан суҳбатлашиб, объектни сифатли ва вақтида қуриб битказиш лозимлигини таъкидлади.

Шундан сўнг, Республика тез тиббий ёрдам маркази Наманган филиали, вилоят болалар кўп тармоқли тиббиёт маркази фаолияти ўрганилди.

Жараёнда вилоят ҳокими аҳолига кўрсатилаётган тиббий хизмат сифати ва самарадорлигини ошириш, куз-қиш мавсумида иситиш тизимлари бир маромда ишлашини таъминлаш бўйича мутасаддиларга тегишли топшириқлар берди.

Наманган вилояти ҳокимлиги Ахборот хизмати.
____

Aholi salomatligi – yurt boyligi

Namangan viloyati hokimi Shavkatjon Abdurazzoqov bugun kunning ikkinchi yarmida viloyat markazidagi bir qator tibbiyot muassasalari faoliyatini o‘rgandi.

Dastlab viloyat ko‘p tarmoqli tibbiyot markazida olib borilayotgan qurilish ishlari bilan tanishildi. Xabaringiz bor, bu yerda 9 qavatli yangi bino tiklanmoqda. Shuningdek, ta’mirlash ishlari yakunlanayotgan 3 qavatli bino holati ko‘zdan kechirildi.

Viloyat rahbari quruvchilar bilan suhbatlashib, obyektni sifatli va vaqtida qurib bitkazish lozimligini ta’kidladi.

Shundan so‘ng, Respublika tez tibbiy yordam markazi Namangan filiali, viloyat bolalar ko‘p tarmoqli tibbiyot markazi faoliyati o‘rganildi.

Jarayonda viloyat hokimi aholiga ko‘rsatilayotgan tibbiy xizmat sifati va samaradorligini oshirish, kuz-qish mavsumida isitish tizimlari bir maromda ishlashini ta’minlash bo‘yicha mutasaddilarga tegishli topshiriqlar berdi.

Namangan viloyati hokimligi Axborot xizmati.

✅ TELEGRAM ✅ FACEBOOK
🌐 INSTAGRAM 📹 YOUTUBE