➕ Farg‘onada yangi o‘quv-simulyatsiya markazi ochildi.

Bugun, Respublika tez tibbiy yordam markazi Farg‘ona viloyati filialida tez tibbiy yordam xodimlarini tayyorlash va qayta tayyorlashga mo‘ljallangan zamonaviy o‘quv-simulyatsiya markazi o‘z ishini boshladi.

Markaz Respublika tez tibbiy yordam markazi hamda Koreya xalqaro sog‘liqni saqlash jamg‘armasi (KOFIH) hamkorligida amalga oshirilayotgan grant loyihasi doirasida tashkil etildi. U yerda shifokorlar, feldsherlar va haydovchilar reanimatsiya, chaqaloqlar va bolalarga shoshilinch yordam, jarohatlar hamda shoshilinch tug‘ruq bo‘yicha amaliy mashg‘ulotlar o‘taydi.

Ayni paytda Respublika tez tibbiy yordam markazi Farg‘ona viloyati filialida 308 ta brigada faoliyat yuritmoqda. Filialda 6,8 ming nafardan ortiq xodim mehnat qilyapti. Shuningdek, ToT (Training of Trainers) dasturi asosida 4 nafar mahalliy instruktor tayyorlangan.

Bugungacha loyiha doirasida Toshkent va Samarqand shaharlarida o‘quv-simulyatsiya markazlari tashkil etildi. Keyingi bosqichlarda esa bunday markazlarni mamlakatning barcha hududlarida ochish rejalashtirilgan.

Ochilish marosimida Farg‘ona viloyati hokimligi, sog‘liqni saqlash boshqarmasi, Respublika tez tibbiy yordam markazi rahbariyati, jamoatchilik va OAV vakillari ishtirok etdi.

✅ TELEGRAM ✅ FACEBOOK
🌐 INSTAGRAM 📹 YOUTUBE

🟦🟦
Namangan haqiqati gazetasining yangi sonida "Tez tibbiy yordam takomillashmoqda" nomli maqola chop etildi.

#OAV #Namangan_Xaqiqati
#Tez_tibbiy_yordam

✅ TELEGRAM ✅ FACEBOOK
🌐 INSTAGRAM 📹 YOUTUBE

🟦🟦🟦
Aziz yurtdoshlar!

Respublika tez tibbiy yordam markazi nomidan barcha fuqarolarimizni Oʻzbekiston Qurolli Kuchlari tashkil etilganining 34 yilligi hamda Vatan himoyachilari kuni bilan samimiy muborakbod etaman.

14-yanvar - Oʻzbekistonda mamlakatimiz ozodligi, mustaqilligining ishonchli himoyasi yoʻlida sarhadlarimizda hushyor turib, xalqimizning tinch va osoyishta hayotini taʼminlayotgan yurt posbonlari - Vatan himoyachilari kuni haqiqatan ham umumxalq bayrami hisoblanadi.

Oʻzbekistonliklar uchun bu qutlugʻ kun zahmatkash xalqimizning buyuk kuchi va qudratiga boʻlgan yuksak ishonch, oʻz Vataniga cheksiz muhabbat va sadoqat ramzi, oʻz oilalariga gʻamxoʻrlik qilish va ularning munosib himoyasini taʼminlash ifodasidir.

Bugun nafaqat harbiylarni, Vatanimiz himoyachilarini, balki Oʻzbekistonning manfaatlari, uning farovonligi yoʻlida butun borligʻi, bilimi, salohiyati va kuch-quvvatini, kerak boʻlsa, jonini fido qilishga tayyor boʻlgan barcha vatanparvar yurtdoshlarimizni ham tabriklash maqsadga muvofiqdir.

Barchangizga jonajon Vatanimiz - Oʻzbekistonning, xonadoningiz va oilangizning haqiqiy himoyachisi boʻlishingizni tilaymiz. Sizlarga sihat-salomatlik, baxt, tinchlik va farovonlik hamisha yor boʻlsin!

Abduvoitjon Gafurov
Respublika tez tibbiy yordam markazi direktori

#tez_tibbiy_yordam #tabrik #Vatan #14yanvar

Telegram | Facebook | Instagram | Web-site | YouTube

⚡️Hukumat qarorlari va davlat dasturlarida belgilangan masalalarni amalga oshirish maqsadida 2026 yil 13 yanvar kuni RTTYOM Namangan viloyati filiali Chust va Pop TTYO bo‘limi 300 nafar tibbiyot xodimlari va xaydovchilarining  umumiy yig‘ilishi o‘tkazildi.

➡️Yig‘ilishni filial direktori Adhamjon O‘tbosarovich Irisboyev olib bordi.
Yig‘ilishda 2025 yil davomida filial tomonidan amalga oshirilgan ishlar yuzasidan direktor o‘rinbosari Sanjarbek Turdiyev xisoboti, xaydovchilar tomonidan yo‘l qo‘yilgan kamchiliklar yuzasidan xarakat xavfsizligi muxandisi Ravshanjon Ibragimovning axboroti, Korruptsiyaga qarshi kurashish bo’limi boshlig’i Islomjon Yusufjanov ma’ruzasi, hamda kasaba uyushma qo‘mitasining 2025 yil 9 oy mobaynidagi faoliyati yuzasidan kasaba uyushma qo‘mitasi raisi Odiljon Norbo’tayevning axboroti eshitildi.

➡️Yig‘ilishda Chust tumani YXXB katta inspektori Abrorbek Marufaliyev ishtirok etdi.
Yig‘ilish qizg‘in muzokaralar, savol-javoblar asnosida olib borildi.

✅ TELEGRAM ✅ FACEBOOK
🌐 INSTAGRAM 📹 YOUTUBE