🟦🟦🟦🟦🟦

🏥“Tez tibbiy yordamni tashkil etishning dolzarb muammolari – 2026” xalqaro ishtiroki bilan Respublika ilmiy-amaliy konferensiyasi boʻlib oʻtdi

🇺🇿 🇺🇿 Joriy yilning 9-11-aprel kunlari Qoraqalpogʻiston Respublikasining Nukus shahrida xalqaro ishtiroki bilan “Tez tibbiy yordamni tashkil etishning dolzarb muammolari – 2026” mavzusida Respublika ilmiy-amaliy konferensiyasi boʻlib oʻtdi.

Ushbu tadbir Qoraqalpogʻiston Respublikasi Joʻqorgʻi Kengesi, Qoraqalpogʻiston Respublikasi Vazirlar Kengashi, Oʻzbekiston Respublikasi Sogʻliqni saqlash vazirligi va Respublika tez tibbiy yordam markazi tashabbusi bilan tashkil etildi.

3 kun davomida bir qator tadbirlar boʻlib oʻtdi.

🚑 9-aprel kuni – “Eng yaxshi tez tibbiy yordam brigadasi” tez tibbiy yordam brigadalari oʻrtasida konkurs oʻtkazildi. Unda jami 19 ta jamoa ishtirok etdi, yaʼni mamlakatimizning har bir hududidan, shuningdek, Qoraqalpogʻiston tibbiyot instituti va Andijon davlat tibbiyot instituti hamda xorijiy davlatlardan - Rossiya Federatsiyasi (Ufa shahri), Belarus Respublikasi (Minsk shahri) va Qozogʻiston Respublikasidan (Abay viloyati, Semey shahri) jamoalar bellashdi.

🔘 10-aprel kuni “Tez tibbiy yordamni tashkil etishning dolzarb muammolari – 2026” mavzusida xalqaro ishtiroki bilan Respublika ilmiy-amaliy konferensiyasi boʻlib oʻtadi. Tez va shoshilinch tibbiy yordam koʻrsatish sohasidagi 300 dan ziyod mutaxassislar, ekspertlar va olimlar qatnashdi.

✅ AQSH, Rossiya Federatsiyasi, Koreya, Turkiya, Yaponiya, Singapur, Indoneziya, Belarus Respublikasi, Tojikiston, Qozogʻiston, Qirgʻiz Respublikasi kabi 10 dan ortiq xorijiy davlatlar vakillari maʼruzalar qilib, oʻz tajribalari, yutuqlari va innovatsion yechimlari bilan oʻrtoqlashdi.

🔵 Ushbu konferensiyaning asosiy maqsadi shifoxonagacha boʻlgan bosqichda, yaʼni tibbiyot muassasasidan tashqarida tez tibbiy yordamni tashkil etish va koʻrsatish sohasidagi mutaxassislarning ilmiy-amaliy salohiyatini birlashtirish, tajriba almashish, zamonaviy tendensiyalar va muammolarni muhokama qilish, shuningdek, kasbiy va madaniy aloqalarni mustahkamlashdan iborat.

⚙️Konferensiyaning uchinchi kunida tematik forumlar boʻlib oʻtdi:

Kardioforum
Taʼlim forumi
Toksikoforum

Ushbu tematik forumlar doirasida mutaxassislar oʻzaro tajriba almashdilar, shuningdek, dolzarb muammolarni muhokama qildilar.

📄 Konferensiya yakunida Oʻzbekiston tez tibbiy yordam sohasining bir qator xodimlari, shuningdek, xalqaro ekspertlar va mutaxassislar idoraviy mukofotlar bilan taqdirlandi.

#tez_tibbiy_yordam #konferensiya #Nukus

Telegram | Facebook | Instagram | Web-site | YouTube

🟦🟦🟦

🇺🇿 🇺🇿 Xabar berganimizdek, joriy yilning 9-11-aprel kunlari Qoraqalpogʻiston Respublikasining Nukus shahrida “Tez tibbiy yordamni tashkil etishning dolzarb muammolari – 2026” xalqaro ishtiroki bilan ilmiy-amaliy konferensiyasi boʻlib oʻtdi.

🏥 Mazkur tadbir doirasida tez tibbiy yordam brigadalari oʻrtasida “Eng yaxshi tez tibbiy yordam brigadasi” tanlovi oʻtkazildi.

🚑 Unda jami 19 ta jamoa ishtirok etdi, yaʼni mamlakatimizning har bir hududidan, shuningdek, Qoraqalpogʻiston tibbiyot instituti va Andijon davlat tibbiyot instituti hamda xorijiy davlatlardan - Rossiya Federatsiyasi (Ufa shahri), Belarus Respublikasi (Minsk shahri) va Qozogʻiston Respublikasidan (Abay viloyati, Semey shahri) jamoalar bellashdi.

🔘 Tanlov davomida brigadalar sogʻligʻi va hayotiga xavf soluvchi turli sabablarga koʻra bemorlarga birinchi tibbiy yordam koʻrsatish, hayot belgilari paydo boʻlgunga qadar yurak-oʻpka reanimatsiyasi choralari, yoʻl-transport hodisalarida jarohatlanganlar, shuningdek, boshqa turdagi shikastlanishlar, jarohatlar va kasalliklar boʻyicha musobaqalashdi.

🥉Tanlovda 3-oʻrinni Qozogʻiston Respublikasi va Respublika tez tibbiy yordam markazi Fargona viloyati filiali jamoasi qoʻlga kiritdi.

🥈2-oʻrinni Belarus Respublikasi jamoasi va Respublika tez tibbiy yordam markazi Qoraqalpogʻiston filiali jamosi qoʻlga kiritdi.

🥇Faxrli 1-oʻrinni esa Rossiya Federatsiyasi (Ufa shahri) jamoasi va Respublika tez tibbiy yordam markazi Samarkand viloyati filiali egalladi.

🏆Tanlovda gʻolib hamda sovrinli oʻrinlarni egallagan jamoalar vakillari mukofotlandi.

#tez_tibbiy_yordam #konferensiya #tanlov #Nukus

Telegram | Facebook | Instagram | Web-site | YouTube