“Hamkorlikdagi Qoʻmondonlik shtab oʻquv mashqi” doirasida amaliy mashgʻulotlar oʻtkazildi

Chust tumanida “Hamkorlikdagi Qoʻmondonlik shtab oʻquv mashqi” doirasida tuman boshqaruv organlari, favqulodda vaziyatlarda davlat quyi tizimi xizmatlari hamda koʻngilli qutqaruvchilar ishtirokida keng qamrovli saf koʻrigi va amaliy mashgʻulotlar oʻtkazildi.

Tadbir davomida qutqaruv kuch va vositalarining shayligi sinovdan oʻtkazilib, hamkor tashkilotlarning favqulodda vaziyatlardagi oʻzaro hamjihat va tezkor harakatlari muvofiqlashtirildi. Mashgʻulotlar jarayonida shartli favqulodda holatlar asosida amaliy ssenariylar ishlab chiqilib, xizmatlarning tayyorgarlik darajasi yana bir bor sinovdan oʻtdi.

Ayniqsa, birinchi tibbiy yordam koʻrsatish otryadlari tomonidan shartli jabrlangan fuqarolarni dala sharoitida qabul qilish, saralash hamda ularga birlamchi tibbiy yordam koʻrsatish boʻyicha amaliy harakatlar namoyish etildi. Mutaxassislar tomonidan tezkor va aniq qaror qabul qilish koʻnikmalari amalda mustahkamlandi.

Shuningdek, maxsus texnika va qutqaruv anjomlarining texnik holati koʻzdan kechirilib, aloqa va xabardor qilish tizimlarining ishlash samaradorligi ham amaliy tarzda tekshirildi. Bu esa favqulodda vaziyatlarda aholini xavfsiz hududga evakuatsiya qilish va tezkor qutqaruv ishlarini samarali tashkil etishda muhim ahamiyat kasb etadi.

Mashgʻulotlar davomida xizmatlar oʻrtasidagi hamkorlikni yanada mustahkamlash, favqulodda vaziyatlar oqibatlarini bartaraf etish, aholini tezkor qutqarish hamda ehtimoliy talafotlarni kamaytirishga qaratilgan vazifalar izchil amalga oshirildi.

#tez_tibbiy_yordam #oʻquv_mashgʻulot #Chust_tumani

✅ TELEGRAM ✅ FACEBOOK
🌐 INSTAGRAM 📹 YOUTUBE

⚡️O‘zbekiston Respublikasi Prezidentining 2025-yil 19-avgustdagi «Dori vositalari va tibbiy jihozlar muomalasini tartibga solishga doir qo‘shimcha chora tadbirlar to‘g‘risida»gi PF - 137-sonli Farmonida belgilab qo‘yilgan vazifalar va Sog‘liqni saqlash vazirining 2026-yil 21-yanvardagi 15-sonli «Dori vositalarining nojo‘ya reaksiyalari to‘g‘risidagi ma’lumotlarni yig‘ish, tahlil qilish hamda elektron axborot tizimini amaliyotga joriy etish to‘g‘risida»gi buyrug‘ini amaldagi ijrosini ta’minlash maqsadida Farmatsevtika tarmog‘ini rivojlantirish agentligi hamda «Farmatsevtika mahsulotlari xavfsizligi markazi» davlat muassasasi bilan hamkorlikda «Farmakonazorat» milliy elektron axborot tizimini tez tibbiy yordam faoliyatdagi tibbiyot xodimlariga tushuntirish ishlari tashkil etish uchun (ZOOM) platformasi orqali onlayn semenar tashkil etildi.
Seminarda ma’sul mutaxassislar davolash ishlar bo’yicha direktor o’rinbosari, provizor, bosh feldsher, bo’limlardan bo’lim mudirlari, davolash ishlar bo’yicha ma’sul shifokor va katta feldsherlar qatnashishdi.

#tez_tibbiy_yordam #zoom #seminar

✅ TELEGRAM ✅ FACEBOOK
🌐 INSTAGRAM 📹 YOUTUBE

🌸 ЭЪЛОН | 65-ХАЛҚАРО ГУЛЛАР ФЕСТИВАЛИ

Азиз юртдошлар ва 65-халқаро "Гуллар фестивали" меҳмонлари!

🗓 2026 йил 24 май куни
65-халқаро "Гуллар фестивали"нинг тантанали очилиш маросими бўлиб ўтади.

🚘 Шу куни фестивал олдидан анъанавий автопарад ташкил этилади - 300 дан зиёд ранго-ранг гуллар билан безатилган автомобиллар карвони Наманган кўчалари бўйлаб ҳаракатланади.

📌 Автопарадга соат 10:00 да "Наманган халқаро аэропорти" олдидан старт берилади ва вилоят марказининг Давлатобод тумани, Янги Наманган тумани ҳамда Наманган шаҳри асосий кўчалари орқали ўтиб, Заҳириддин Муҳаммад Бобур номидаги маданият ва истироҳат боғи олдига келади.

🌺 Парад давомида:
— гуллар билан безатилган уловлардаги ноёб композициялар,
— байрамона муҳит ва унутилмас лаҳзалар сизларни кутади.

📸 Барча фуқаролар ва шаҳримиз меҳмонларини ушбу автопарадни томоша қилиш,  фестивал кайфиятини ҳис қилиш ва ёрқин онларни муҳрлашга таклиф этамиз!

Келинг, кўринг ва завқланинг!
__

🌸 EʼLON | 65-XALQARO GULLAR FESTIVALI

Aziz yurtdoshlar va 65-xalqaro "Gullar festivali" mehmonlari!

📅 2026-yil 24-may kuni
65-xalqaro "Gullar festivali"ning tantanali ochilish marosimi boʻlib oʻtadi.

🚘 Shu kuni festival oldidan anʼanaviy avtoparad tashkil etiladi - 300 dan ziyod rango-rang gullar bilan bezatilgan avtomobillar karvoni Namangan koʻchalari boʻylab harakatlanadi.

📌 Avtoparadga soat 10:00 da "Namangan xalqaro aeroporti" oldidan start beriladi va viloyat markazining Davlatobod tumani, Yangi Namangan tumani hamda Namangan shahri asosiy koʻchalari orqali oʻtib, Zahiriddin Muhammad Bobur nomidagi madaniyat va istirohat bogʻi oldiga keladi.

🌺 Parad davomida:
— gullar bilan bezatilgan ulovlardagi noyob kompozitsiyalar,
— bayramona muhit va unutilmas lahzalar sizlarni kutadi.

📸 Barcha fuqarolar va shahrimiz mehmonlarini ushbu avtoparadni tomosha qilish, festival kayfiyatini his qilish va yorqin onlarni muhrlashga taklif etamiz!

Keling, koʻring va zavqlaning!

✅ TELEGRAM ✅ FACEBOOK
🌐 INSTAGRAM 📹 YOUTUBE