⚡️Namangan viloyati hokimligi binosida maxsus-taktik o‘quv mashqi o‘tkazildi

Bugun, Namangan viloyati hokimligi binosida Favqulodda vaziyatlar davlat quyi tizimi (FVDT) tarkibiga kiruvchi tezkor xizmatlar ishtirokida maxsus-taktik o‘quv mashqi o‘tkazildi.

O‘quv mashqi viloyat hududidagi yuqori chaqiriqqa kiritilgan obyektlarda sodir bo‘lishi mumkin bo‘lgan yong‘inlarni bartaraf etish, qutqaruv ishlarini tashkil etish hamda favqulodda vaziyatlar oqibatlarini tezkor bartaraf etish maqsadida Namangan viloyati Favqulodda vaziyatlar boshqarmasi tomonidan tashkil etildi.

Mashg‘ulot davomida shartli ravishda yuzaga kelgan yong‘in bo‘yicha tezkor xizmatlarni xabardor qilish, ishchi-xizmatchilarni xavfsiz hududga evakuatsiya qilish, jabrlanganlarni qutqarish va ularga birinchi tibbiy yordam ko‘rsatish, birlamchi yong‘in o‘chirish vositalaridan foydalanish hamda yong‘in-qutqaruv bo‘linmalarining yong‘inni qisqa fursatda bartaraf etish bo‘yicha amaliy harakatlari bajarildi.

Shuningdek, mashq davomida FVDT xizmatlari va hamkor tashkilotlarning o‘zaro hamkorligi, kuch va vositalarni samarali boshqarish hamda favqulodda vaziyatlarda tezkor harakat qilish ko‘nikmalari sinovdan o‘tkazildi.

O‘quv mashqi yakunida ishtirokchilarning yong‘in va texnika xavfsizligi bo‘yicha bilim hamda amaliy ko‘nikmalarini yanada mustahkamlashga erishildi.

#tez_tibbiy_yordam #FVV #Namangan_Shahar

✅ TELEGRAM ✅ FACEBOOK
🌐 INSTAGRAM 📹 YOUTUBE

📰📰📰📰📰📰📰

🇺🇿🇷🇺Oʻzbekiston delegatsiyasi Moskvada tez va shoshilinch tibbiy yordamni tashkil etishning ilgʻor tajribasi bilan tanishdi

Rossiya Federatsiyasiga rasmiy tashrif doirasida Oʻzbekiston Respublikasi delegatsiyasi Moskva shahridagi A.S.Puchkov nomidagi tez va shoshilinch tibbiy yordam stansiyasi hamda N.V.Sklifosovskiy nomidagi tez tibbiy yordam ilmiy-tadqiqot institutiga tashrif buyurib, tez va shoshilinch tibbiy yordamni tashkil etishning zamonaviy yondashuvlari, chaqiruvlarni boshqarish tizimi, raqamli yechimlar va tibbiyot xodimlari ishini tashkil etish bilan yaqindan tanishdi.

A.S.Puchkov nomidagi tez va shoshilinch tibbiy yordam stansiyasiga tashrif chogʻida Oʻzbekiston delegatsiyasiga dunyodagi eng yirik tez tibbiy yordam xizmatlaridan birining faoliyati tashkil etildi. Yagona dispetcherlik markazi faoliyati, chaqiruvlarni qabul qilish va qayta ishlashning zamonaviy texnologiyalari, chaqiruv brigadalarni boshqarishning raqamli vositalari, tez tibbiy yordam mashinalari ishini monitoring qilish tizimi, shuningdek, shifoxonagacha boʻlgan bosqichda tibbiy yordam koʻrsatish sifatini nazorat qilish mexanizmlariga alohida eʼtibor qaratildi.

Oʻzbekiston tomoni vakillari axborot texnologiyalarini joriy etish, zamonaviy dasturiy yechimlardan foydalanish, tibbiyot xodimlarini tayyorlash va malakasini oshirish tizimi, shuningdek, tez tibbiy yordam xizmatining boshqa favquloddagi xizmatlar bilan oʻzaro hamkorligini tashkil etish amaliyoti bilan ham tanishdi.

Tashrif dasturining salmoqli qismi shoshilinch ixtisoslashtirilgan tibbiy yordam koʻrsatishga ixtisoslashgan Rossiya Federatsiyasining yetakchi tibbiyot muassasalaridan biri boʻlgan N.V.Sklifosovskiy nomidagi tez tibbiy yordam ilmiy-tadqiqot institutiga tashrif buyurishga bagʻishlandi.

Institutda delegatsiya aʼzolariga ogʻir jarohatlar, oʻtkir yurak-qon tomir kasalliklari, insult va boshqa kechiktirib boʻlmaydigan holatlar bilan ogʻrigan bemorlarga yordam koʻrsatishni tashkil etish boʻyicha zamonaviy yondashuvlar taqdim etildi. Tashrif ishtirokchilari qabul boʻlimi, diagnostika boʻlinmalari, jarrohlik bloklari va reanimatsiya boʻlimlari faoliyati, shuningdek, tibbiy yordam koʻrsatishning shifoxonagacha va shifoxona bosqichlari oʻrtasidagi oʻzaro hamkorlik tizimi bilan tanishdi.

Institut negizida faoliyat yuritayotgan Sanitariya aviatsiyasi va halokatlar tibbiyoti markazi faoliyati bilan tanishish alohida qiziqish uygʻotdi. Oʻzbekiston delegatsiyasi vakillariga bemorlarni sanitariya-aviatsiya evakuatsiyasini tashkil etish tizimi, favqulodda vaziyatlar va jabrlanganlarning ommaviy kelishi paytida harakatlarni muvofiqlashtirish tartibi, hududlararo hamkorlik mexanizmlari, shuningdek, halokatlar tibbiyoti xizmati kuch va vositalarini boshqarishning zamonaviy texnologiyalari taqdim etildi.

Uchrashuvlar davomida tomonlar tez va shoshilinch tibbiy yordam xizmatini takomillashtirish, raqamli texnologiyalarni joriy etish, dispetcherlik samaradorligini oshirish, sanitariya aviatsiyasini rivojlantirish, tibbiy yordam sifatini boshqarish tizimini takomillashtirish va tibbiyot kadrlarini tayyorlash masalalari boʻyicha tajriba almashdilar.

Tashrif yakunlari boʻyicha professional hamkorlikni davom ettirish, tez va shoshilinch tibbiy yordamni tashkil etish sohasida tajriba almashish va ilgʻor tajribalarni oʻrganish boʻyicha kelishuvga erishildi, bu esa Oʻzbekiston Respublikasi tez va shoshilinch tibbiy yordam xizmatini yanada rivojlantirish, zamonaviy tashkiliy va texnologik yechimlarni joriy etish, shuningdek, aholiga tibbiy yordam koʻrsatish sifati va ommabopligini oshirishga xizmat qiladi.

#tez_tibbiy_yordam #hamkorlik #tashrif #Moskva

Telegram | Facebook | Instagram | Web-site | YouTube

⚡️Sayyor qabul va yoshlar bilan uchrashuv.

RTTYOM Namangan viloyati filialining direktori Adhamjon Irisboyevning sayyor qabulining bugungi manzili To‘raqo‘rg‘on tumani bo‘ldi.

Qabul mobaynida To‘raqo‘rg‘on tuman TTYO bo‘limi yoshlari bilan ham uchrashildi. Uchrashuvda tez yordam xizmati bo‘yichi savol-javoblar bo‘lib o‘tdi.
Uchrashuvda ishtirok etgan o‘zbekiston Yozuvchilar uyushmasi a’zosi, shoir va publitsist Sodiq Sayxun tez yordam xizmatida olib borilayotgan isloxatlardan, To‘raqo‘rg‘on TTYO xodimlarining xizmatidan axolining mamnunligini ta’kidlab o‘tdi.

Shuningdek, u mamlakatimizda kitob mutolaasi va kitobxonlik madaniyatini oshirish masalalariga alohida e’tibor qaratilayotganligini,  Prezidentimiz tomonidan ilgari surilgan “Besh tashabbus”ning to‘rtinchi yo‘nalishi sifatida yoshlar ma’naviyatini yuksaltirish, ular o‘rtasida kitobxonlikni keng targ‘ib qilish mavzusiga batafsil to‘xtalib o‘tdi. O‘zbekiston davlat mustaqilligining 35 yilligiga bag‘ishlangan Vatanni madh etuvchi yangi she’rlaridan o‘qib berdi.

Sayyor qabulda 50 nafar xodimlarning oylik xisoblash, ish stavkalari bilan bog‘liq masalalardagi murojaatlari ko‘rib chiqildi. Xodimlarga kerakli tushuntirishlar berildi. Ayni vaqtda axborot xavfsizligi, kiberxavsizlik, bo‘yicha ma’lumotlar berilib, xar-bir xodimning axborot xavfsizligi sohasidagi majburiyatlari eslatib o‘tildi.

Tadbirda To‘raqo‘rg‘on tuman tibbiyot birlashmasi boshlig‘i Shokirjon Yusupov ham qatnashib, muammoli masalalarga ijobiy yechimlar topish haqida batafsil ma’lumot berdi.
Sayyor qabul reja asosida xar bir tumanda tashkil etiladi.

#tez_tibbiy_yordam #Sayyor_Qabul #Toʻraqoʻrgʻon_Tumani

✅ TELEGRAM ✅ FACEBOOK
🌐 INSTAGRAM 📹 YOUTUBE