Mingbuloq tumanida o‘quv-seminar o‘tkazildi

⚡️ RTTYOM Namangan viloyati filialining shahar va tuman bo‘limlarida yurak-qon tomir hamda serebrovaskulyar kasalliklarning oldini olishga qaratilgan o‘quv-seminarlar bosqichma-bosqich tashkil etilmoqda.

Navbatdagi o‘quv-seminar RTTYOM Namangan viloyati filiali Mingbuloq tumani Tez tibbiy yordam bo‘limida RTTYOM Namangan viloyati filialining davolash ishlari bo‘yicha direktor o‘rinbosari v.v.b. M.T. Zohidova boshchiligida o‘tkazildi.

Seminar davomida O‘zbekiston Respublikasi Prezidentining PQ–20-sonli “O‘tkir yurak-qon tomir va serebrovaskulyar kasalliklarning oldini olish chora-tadbirlarini takomillashtirish to‘g‘risida”gi qarorining mazmun-mohiyati, unda belgilangan vazifalar va ustuvor yo‘nalishlar haqida xodimlarga batafsil ma’lumot berildi.

🩺 Tadbirda RShTYOM Namangan viloyati filiali shifokori Mirzayev Marufjon hamda RTTYOM Namangan viloyati filiali shifokori Toshpo‘latov Ikromjon o‘z ma’ruzalari bilan ishtirok etib, mavzu yuzasidan qatnashchilarga atroflicha ma’lumot berdilar.

Ma’ruzalarda yurak-qon tomir va serebrovaskulyar kasalliklarni barvaqt aniqlash, oldini olish, shoshilinch holatlarda to‘g‘ri va tezkor tibbiy yordam ko‘rsatish, tashxislash hamda davolash samaradorligini oshirish masalalariga alohida e’tibor qaratildi.

🚑 Shuningdek, tez tibbiy yordam xodimlarining bunday holatlarda tezkor va to‘g‘ri harakat qilishi, bemorlarga o‘z vaqtida sifatli shoshilinch tibbiy yordam ko‘rsatish bo‘yicha bilim va amaliy ko‘nikmalarini mustahkamlash masalalari muhokama qilindi.

Mazkur o‘quv-seminarlar filialning barcha shahar va tuman bo‘limlarida tasdiqlangan reja asosida bosqichma-bosqich davom ettiriladi.

#tez_tibbiy_yordam #seminar #Mingbuloq

🔵 Telegram 👥Fb 📷 Instagram

🩺 Kosonsoy tumanida navbatdagi o‘quv-seminar tashkil etildi

RTTYOM Namangan viloyati filialida tez tibbiy yordam xodimlarining kasbiy bilim va amaliy ko‘nikmalarini oshirishga qaratilgan o‘quv-seminarlar davom etmoqda.

Navbatdagi seminar Kosonsoy tumani Tez tibbiy yordam bo‘limida o‘tkazilib, unda yurak-qon tomir va serebrovaskulyar kasalliklarning oldini olish, ularni erta aniqlash hamda shoshilinch holatlarda samarali tibbiy yordam ko‘rsatish masalalari muhokama qilindi.

Tadbir RTTYOM Namangan viloyati filialining davolash ishlari bo‘yicha direktor o‘rinbosari v.v.b. M.T. Zohidova boshchiligida tashkil etildi.

Seminarda O‘zbekiston Respublikasi Prezidentining PQ–20-sonli qarorida belgilangan vazifalar va ustuvor yo‘nalishlar yuzasidan tushuntirishlar berildi.

🩺 Shuningdek, RShTYOM Namangan viloyati filiali shifokori Mirzayev Marufjon hamda RTTYOM Namangan viloyati filiali shifokori Toshpo‘latov Ikromjon tomonidan mavzu doirasida ma’ruzalar qilinib, tez tibbiy yordam xodimlari uchun muhim amaliy tavsiyalar taqdim etildi.

🚑 Seminar yakunida shoshilinch holatlarda tezkor qaror qabul qilish, bemorga sifatli tibbiy yordam ko‘rsatish va zamonaviy yondashuvlarni amaliyotga samarali tatbiq etish masalalariga alohida e’tibor qaratildi.

📌 Bunday o‘quv-seminarlar filialning shahar va tuman bo‘limlarida belgilangan reja asosida davom ettiriladi.

#tez_tibbiy_yordam #Seminar #Kosonsoy

🔵 Telegram 👥Fb 📷 Instagram

🇺🇿 “BIRLASHIB, BUYUK TARIX YARATAMIZ!” mavzusida ma’naviyat soatlari o‘tkazildi

RTTYOM Namangan viloyati filialining 16 ta bo‘limida “BIRLASHIB, BUYUK TARIX YARATAMIZ!” mavzusi ostida ma’naviyat soatlari tashkil etildi.

Tadbirlar davomida mavzuga oid masalalar xodimlarga tushuntirilib, har bir bo‘limda o‘tkazilgan ma’naviyat soatlari belgilangan tartibda bayonnomalar bilan rasmiylashtirildi.

Shuningdek, O‘zbekiston Respublikasi Prezidentining nutqlari va ma’naviy-ma’rifiy mazmundagi materiallar barcha bo‘limlarning Telegram guruhlariga tarqatilib, xodimlarga yetkazildi.

🇺🇿 Mazkur tadbirlar xodimlarning ma’naviy dunyoqarashini yuksaltirish, Vatanga daxldorlik tuyg‘usini mustahkamlash hamda jamiyatdagi ijtimoiy-siyosiy jarayonlardan xabardorligini oshirishga xizmat qilmoqda.

#tez_tibbiy_yordam #Manaviyat #Namangan

🔵 Telegram 👥Fb 📷 Instagram

«Birlashib, buyuk tarix yaratamiz!»

Namangan viloyati sog‘liqni saqlash tizimida faoliyat yuritayotgan soha vakillari ishtirokida «Birlashib, buyuk tarix yaratamiz!» kitobining mazmun-mohiyatini keng targ‘ib qilishga bag‘ishlangan yig‘ilish bo‘lib o‘tdi.

Prezident Shavkat Mirziyoyevning O‘zbekiston davlat mustaqilligining 35 yilligiga bag‘ishlangan tantanali marosimdagi nutqi asosida tayyorlangan mazkur kitobda mamlakatimiz taraqqiyoti, amalga oshirilayotgan islohotlar, tarixiy xotira va kelajak oldidagi mas’uliyat haqida so‘z yuritiladi.

Unda ilgari surilgan «Vatanimizning oltin davrini, yangi buyuk tarixini albatta barchamiz birgalikda yaratamiz!» degan g‘oya yig‘ilishning asosiy mazmunini ham ifodaladi.

Tadbirda tibbiyot xodimlarining jamiyat taraqqiyotidagi o‘rni, inson qadri va xalq salomatligini ta’minlash yo‘lidagi mas’uliyati haqida fikr almashildi.

🔵 Telegram 👥Fb 📷 Instagram