🟦🟦🟦🟦🟦🟦🟦

🏥 Respublika tez tibbiy yordam tizimi rahbari AirMed World Congress 2026da ishtirok etdi

✅ Respublika tez tibbiy yordam markazi direktori Abduvoitjon Gafurov Germaniyaning Myunxen shahrida boʻlib oʻtgan AirMed World Congress 2026 — Jahon aviatsiya tibbiyoti va sanitar aviatsiya kongressida ishtirok etdi.

🚁 16–18-sentabr kunlari oʻtkazilgan xalqaro kongress “Beyond Boundaries: Cross-Competence Enhancement of Aeromedical Services” (“Chegaralardan tashqarida: Aerotibbiyot xizmatlarining oʻzaro vakolatlarini takomillashtirish”) mavzusiga bagʻishlanib, aviatsiya tibbiyoti, sanitar aviatsiya, vertolyot orqali tez va shoshilinch tibbiy yordam — HEMS, havo tez yordami, parvozlar xavfsizligi, tibbiy xizmatni tashkil etish va zamonaviy texnologiyalar sohasidagi dolzarb masalalarni qamrab oldi.

🇩🇪 Kongressda dunyoning turli mamlakatlaridan 800 ga yaqin mutaxassis, jumladan shifokorlar, feldsherlar, hamshiralar, uchuvchilar, texnik mutaxassislar, rahbarlar va aviatsiya hamda tibbiyot sohasi vakillari ishtirok etdi. Dastur doirasida 160 dan ortiq maʼruza, 85 ta amaliy seminar va 15 ta panel muhokamasi oʻtkazildi.

🚁🛩 Kongress doirasida Abduvoitjon Gafurov aviatsiya tibbiyoti va sanitar aviatsiya xizmatlarini tashkil etish, havo orqali bemorlarga tez va shoshilinch tibbiy yordam koʻrsatish, zamonaviy yondashuvlar va xalqaro tajribalarga bagʻishlangan muhokamalarda ishtirok etdi.

✈️ Shuningdek, delegatsiya vakillari bilan birgalikda Kongressning koʻrgazma maydoni bilan tanishilib, sanitar aviatsiyada qoʻllanilayotgan zamonaviy vertolyot texnikasi, tibbiy jihozlar, qutqaruv vositalari hamda vertolyot tibbiy brigadalarining qutqaruv xizmatlari bilan hamkorlik mexanizmlari oʻrganildi.

✈️ Ayniqsa, sanitar aviatsiya va HEMS xizmatlarida bemorni voqea joyidan tezkor evakuatsiya qilish, tibbiy yordamni bevosita havo transportida tashkil etish, ekipajlar faoliyatini muvofiqlashtirish hamda qutqaruv operatsiyalarini xavfsiz va samarali amalga oshirish boʻyicha amaliy yondashuvlar alohida qiziqish uygʻotdi.

🔵 AirMed World Congress 2026 doirasida olingan xalqaro tajriba Oʻzbekistonda tez tibbiy yordam tizimini yanada takomillashtirish, zamonaviy sanitar aviatsiya xizmatlarini rivojlantirish va aholiga tez va shoshilinch tibbiy yordam koʻrsatish sifatini oshirish yoʻnalishlarida muhim ahamiyat kasb etadi.

#tez_tibbiy_yordam #Germaniya #hamkorlik #tajriba

Telegram | Facebook | Instagram | Web-site| YouTube

BMT Bosh Assambleyasi minbaridan turib, ziddiyatlar tobora ortayotgan, o‘zaro ishonch esa yo‘qolib borayotgan hozirgi dunyoda O‘zbekistonning qat’iy pozitsiyasi haqida so‘zladim.

Tanlagan yo‘limiz aniq — ochiqlik, yaxshi qo‘shnichilik va muloqot. Biz tinchlik, hamkorlik hamda inson qadr-qimmatini e’zozlash tarafdorimiz.

Nutqimda Markaziy Osiyodagi tub o‘zgarishlar, O‘zbekistondagi islohotlar, ekologiya va Orol fojiasi, sun’iy intellekt taraqqiyoti, qonun ustuvorligi hamda inson huquqlarini ta’minlash masalalariga to‘xtalib o‘tdim.

Bugun hech bir davlat global muammolarni yolg‘iz o‘zi hal eta olmaydi. O‘zbekiston ishonch va o‘zaro hurmatga asoslangan kelajakni barpo etish yo‘lida munosib hissasini qo‘shishga doimo tayyor.

🌐 Web-site 🔵Telegram 👥 Fb 📷 Instagram

🟦🟦🟦
Qadrli ustozlar, mehri daryo murabbiy - oʻqituvchilar!

Sizlarni Respublika tez tibbiy yordam markazi Namangan viloyati filiali jamoasi nomidan tabriklayman.

Avvalo, oʻzining ilmu salohiyati, kuch-gʻayratini, kerak boʻlsa butun umrini yosh avlodga taʼlim - tarbiya berishdek eng sharafli va eng mashaqqatli ishga bagʻishlab kelayotgan muhtaram ustozlarni bugungi ulugʻ bayram - " Oʻqituvchi va murabbiylar" kuni bilan chin qalbimizdan samimiy tabriklayman.

Prezidentimiz Shavkat Miromonovich tomonidan respublikamizda xalq taʼlimini rivojlantirish, pedagoglarning obroʻ- e'tiborini movqeini oshirish masalasiga har qachongidan koʻra koʻproq eʼtibor berilayotganligi barcha oʻqituvchilarni, ustoz murabbiylarni behad quvontirmoqda.
Ayni damlarda koʻz oldimizda maktabimiz, bizga harf oʻrgatgan, ezgulikdan saboq bergan mehribon muallimlarimiz siymosi namoyon boʻladi. Shu bois, biz uchun ibrat namunasi boʻlgan siz aziz va moʻtabar zotlar shaʼniga eng goʻzal soʻzlar,eng ezgu tilaklarni izhor etaman.

Bugun zahmatkash kasb egalari boʻlmish oʻqituvchilar, ustozlar, tarbiyachilar, muallimlar, pedagog xodimlar vatanimiz mustaqilligini mustahkamlash ona yurtga muhabbat, istiqlol gʻoyalariga sadoqat, milliy va umumbashariy qadriyatlar ruhida har tomonlama sogʻlom va barkamol qilib voyaga yetkazish yoʻlida fidokorona xizmat qilib kelmoqda.

Aziz ustozlar! Yana bir bor sizlarni " 1 oktyabr - Oʻqituvchi va murabbiylar kuni" bilan tabriklab, barchangizga sihat- salomatlik, baxt va omad, xonadonlaringizga tinchlik - xotirjamlik, fayz- u baraka tilab qolaman.

Hurmat bilan:
Adhamjon Oʻtbosarovich Irisboyev
Respublika tez tibbiy yordam markazi Namangan viloyati filiali direktori

#tabrik #tez_tibbiy_yordam #Oʻqtuvchivamurabbiylar

🔵 Telegram 👥Fb 📷 Instagram