🇺🇿🇰🇷 Koreya delegatsiyasi bilan uchrashuv boʻlib oʻtdi

Bugun, 30-aprel kuni Respublika tez tibbiy yordam markazi xodimlarining malakasini oshirish va qayta tayyorlash maktabida Respublika tez tibbiy yordam markazi rahbariyati Koreya Milliy Assambleyasining Sogʻliqni saqlash va farovonlik qoʻmitasi raisi Shin Dong Kun (Shin Dong Kun) boshchiligidagi delegatsiya bilan uchrashuv boʻlib oʻtdi.

Uchrashuvda Respublika tez tibbiy yordam markazi direktori A.Gafurov koreyalik mehmonlarga tez tibbiy yordam koʻrsatish sohasida amalga oshirilayotgan islohotlar, xususan, Respublika tez tibbiy yordam markazi va uning 14 ta hududiy filiali tashkil etilganligi, tez tibbiy yordamning yagona vertikal boshqaruv tizimi yoʻlga qoʻyilganligi, yangi texnologiyalar joriy etilganligi, raqamlashtirish jarayonlari amalga oshirilayotganligi hamda mazkur sohada kadrlarni tayyorlash va qayta tayyorlash lozimlgi haqida batafsil maʼlumot berdi.

Shuningdek, Respublika tez tibbiy yordam markazi va Koreya xalqaro sogʻliqni saqlash jamgʻarmasi (KOFIH) bilan birgalikda “Shifoxonagacha shoshilinch tibbiy yordam xizmati salohiyatini oshirish” loyihasi amalga oshirilayotganligi haqida alohida maʼlumot ham berildi.

Loyihaning 1-bosqichi 2023-yilda Toshkent shahri va Samarqand viloyatida amalga oshirilganligi, uning natijalari va samaradorligi, shuningdek, ushbu loyihaning 2024-2027-yillarda 2-bosqichi mamlakatimizning barcha hududlarida joriy etilishi toʻgʻrisida ham axborot berildi.

Koreya delegatsiyasi Toshkent simulyatsiya markazi faoliyati bilan ham tanishdi.

#hamkorlik #Uzbekistan #Korea

✅ Telegram💬 Facebook 📹 Youtube 🌐Instagram

⚡️TANLOV G‘OLIBLARI TAQDIRLANDI

Avval xabar berganimizdek O‘zbekiston Respublikasi Sog‘liqni saqlash Vazirligi, Hamshiralar assotsiatsiyasi va Sog‘liqni saqlash xodimlari kasaba uyushmasi Respublika Kengashi ijroiya qo‘mitasining qo‘shma qaroriga binoan viloyatimiz davolash-profilaktika muassasalarida ham 15 ta nominatsiyada “Yilning eng yaxshi o‘rta tibbiyot va farmatsevtika xodimi” ko‘rik-tanlovi o‘tkazildi.
Kasbiy bellashuvlarda 129 nafar nomzod ishtirok etdi. Viloyat bosqichi qatnashuvchilarning 15 nafari birinchi, 19 nafari ikkinchi, 22 nafari uchinchi o‘rinni egalladi.
Bugun O‘zbekiston kasaba uyushmalari Federatsiyasi viloyat Kengashi zalida g‘oliblarni taqdirlash marosimi bo‘lib o‘tdi. Tantanali tadbirda viloyat Sog‘liqni saqlash Boshqarmasi boshlig‘i Abdulhodi Iminov g‘oliblarni qizg‘in tabriklab, barcha ishtirokchilarning fidokorona faoliyatini e’tirof etdi. Yuqori o‘rin egalari diplom, esdalik sovg‘alari bilan taqdirlandi. Tantanali marosimda O‘zbekiston kasaba uyushmalari Federatsiyasi viloyat Kengashi raisi Hasanboy Xojayev, tarmoq Kengashi raisi Abbosxon Mamadaliyevlar ishtirok etdilar va ko‘rik-tanlovning Respublika bosqichida qatnashuvchilarga muvaffaqiyat tiladilar.

Eslatib oʻtamiz RTTYOM Namangan filialidan 3 nafar qatnashchilar ishtirok etishdi

1-Oʻrin : Yilning eng yaxshi tez tibbiy yordam stansiyasi hamshirasi"
Jo‘rayeva Mukarram Muhamadjonovna-Respublika tez tibbiy yordam markazi Namangan filiali Kosonsoy TTYo bo‘limi hamshirasi.

2 - Oʻrin : "Yilning eng yaxshi tez tibbiy yordam stansiya hamshirasi" Norin TTYo boʻlimi navbatchi xamshirasi G'aniyeva Madina Murodjon qizi

3 - Oʻrin :"Yilning eng yaxshi tez tibbiy yordam stansiyasi hamshirasi" Sumalak TTYo shaxobchasini navbatchi xamshirasi Ja'farova Muhayyo Komiljon qizi

RTTYOM Namangan filiali
Matbuot xizmati

✅ Telegram ✅ Facebook
🌐 Instagram 📹 Youtube

⚡️Bugun Respublika tez tibbiy yordam markazi Namangan viloyati filialida 9 may "Xotira va qadrlash kuni" munosabati bilan tez tibbiy yordam sohasida uzoq yillar ishlab hozirda nafaqada bo‘lagan, nafaqaga chiqib ish faoliyatini davom ettirayotgan, yoshlarga o‘z bilim va ko‘nikmalarini o‘rgatayotgan faxriylar Respublika Kasaba Uyushmalari Federatsiyasi tashabbusi bilan start berilgan "Hech kim e’tibordan chetda qolmaydi" shiori ostida tibbiyot xodimlari o‘rtasida o‘tkazilayotgan aksiya doirasida 83 nafar xodimga "Qadrnoma", 15 nafar vafot etgan xodimlarning oila a’zolariga "Yodnoma"lar, xamda estalik sovg‘alari topshirildi.
Shuningdek aksiya davomida 22 nafar "Baynalminalchi" jangchilarga xam estalik sovg‘alari tarqatilib, ularning vatan oldidagi xizmatlari e'tirof etildi.
Xodimlar tadbir uchun tashkilotchilarga o‘z minnatdorchiliklarini bildirishdi.

✅ Telegram ✅ Facebook
🌐 Instagram 📹 Youtube

⚡️Xukumat qaror va farmoyishlarini amalda tadbiq qilish, filial xodimlarining ish sharoitlari va muammolari bilan yaqindan tanishish xamda muammolarni joyida bartaraf etish maqsadida RTTYoM Namangan viloyati filialining direktori A.O‘. Irisboyev, xodimlar bo‘limi mudiri, xisobxona xamda kasaba uyushma qo‘mitasi raisi ishtirokida tashkil etilayotgan sayyor qabuli Chust, Pop va Namangan tumanlarida bo‘lib o‘tgan bo‘lsa, bugungi manzil Uychi tuman TTYo bo‘limi bo‘ldi.
Qabul mobaynida bo‘lim ishchi-xodimlari bilan uchrashildi. Sayyor qabul boshidan buyon 50 nafar xodimlarning oylik xisoblash, ish stavkalari, sixatgox va oromgoxlarga yo‘llanmalar bilan bog‘liq masalalardagi murojaatlari ko‘rib chiqildi.
Xodimlarga mutaxassislar tomonidan tushuntirishlar berildi.
Sayyor qabul reja asosida xar bir tumanda tashkil etiladi.

✅ Telegram ✅ Facebook
🌐 Instagram 📹 Youtube