Rasululloh sallallohu alayhi vasallamning muborak qo'llaridan xavzi kavsar suvidan ichgim bor, Jannatda esa u zot bilan qo'shni bo'lsam deyman. U zotni bag'rimga bosib to'yib-to'yib yig'lagim keladi. Bular uchun esa gunohlarni tark etib, ezgu amallar qilishim kerak.

Ushbu sur'atda u zotning muborak xassalari tasvirlangan.

📚 / Ma'nolarning tuganmas jilosi
📚
https://t.me/+iuNRLf9_CXtmYjA8

IBRAT

Yemakxonada o‘tirgandik. Bir odam telefonda gaplashib bo‘lib, quvonchdan qiyqirib sakradi va ofisiantni chaqirib:
— Hammaga mening nomimdan ko‘fta kabob tarqating! O‘n sakkiz yillik intiqlikdan keyin bugun men ota bo‘ldim!- dedi.
Uch-to‘rt kundan keyin erkakni 5-6 yoshli bolachaning qo‘lidan tutib bolalar xiyobonida sayr qilib yurganini ko‘rdim. Uni tanigan zahoti yoniga borib, o‘sha kungi ishini eslatdim va yonidagi bolachaga ishora qildim. Erkak tortinib, xijolat chekib shunday dedi:
— O‘sha kuni yemakxonada mening oldimdagi stolga kelib o‘tirgan keksa er-xotin o‘zaro suhbati qulog‘imga chalindi. Onaxon choliga “Ko‘fta kabob yeylik, anchadan beri yegim kelib yurgandi”, dedi. Otaxon esa ayolidan ko‘zlarini olib qochib “Hozir ko‘fta kabob ololmaymiz, pulimiz faqat sho‘rvaga yetadi, xolos” deya siniqqina javob qildi. Shu orada men telefonda gaplashganday bo‘lib, hammaga ko‘fta kabob buyurtma qildim.
— Faqat o‘sha keksa juftlikka olib bersangiz bo‘lardi, hamma xo‘randalarga buyurtma qilishning nima keragi bor edi?- deya so‘radim undan. Erkakning javobidan ko‘zlarim yoshlandi:
— Faqat ularga olib berganimda otaxon ayolining oldida xijolat bo‘lardi. Shuning uchun hammani birday mehmon qildim. Mening pulim ketsa ketsin, bir erkakning izzat-nafsi sinmasin!..

📚 / Ma'nolarning tuganmas jilosi
📚
https://t.me/+iuNRLf9_CXtmYjA8

Minnat oshi - malomat toshi.

Tadbirkor og'aynimizning sakson yoshdan oshgan otasi og'ir xastalanib, to'shakka mixlanib qoldi. Ikki-uch kishilashib uni ko'rgani bordik. Otaxon poliga cho'g'day gilam to'shalgan, derazalariga harir pardalar ilingan, shiftiga qimmatbaho qandil osilgan, naqshinkor servantga billur idishlar did bilan terilgan keng-bahavo xona to'ridagi yumshoq karavotda yotgan ekan. Ochig'i, uni ko'rib, ichimizdan zil ketdik. Bir vaqtlar gursillatib qadam tashlaydigan yag'rindor, bardam-baquvvat odam bir burdagina bo'lib qolibdi. Og'riqning zo'ridanmi, tez-tez ingrab qo'yadi, basma-basiga uzoq yo'taladi...

Shunga qaramay, sir boy bermadik, imkon qadar ko'nglini ko'tardik. "Ko'rinishingiz binoyidek, Xudo xohlasa, tez orada oyoqqa turib, hech narsa ko'rmagandek bo'lib ketasiz", dedik. O'z navbatida, otaxon ham bizning hol-ahvolimizni, ishimizni erinmay so'rab-surishtirdi.

- Yo'qlab kelganlaringiz, yaxshi tilaklaringiz uchun rahmat! - dedi keyin allanechuk tushkun kayfiyatda. - Faqat bu safar sog'lig'im o'nglanishiga ko'zim yetmayroq turibdi. Chamamda, ajal farishtasi allaqachon yo'lga chiqqan ko'rinadi. - U bir zum to'xtab, og'ir xo'rsindi. - Odamzodning fe'li qiziq, har qancha yashasa ham, baribir, hayotga to'ymaydi. O'lim sharpasi sezilsa, hayotning yaltiroqligini, umrning qaltiroqligini o'ylab, talvasaga tushib qoladi. Qarilik esa - qayg'u... Qolaversa, sakson, to'qson degani bir kun yo'qsan degani. Mana, men ham yotibman "Ey Xudo menga ham yana ozgina umr qo'shib ber!.. Omonatingni olar bo'lsang, jonimni qiynamay osongina ol!" deb...
- E, menga qarang, dada! - Qo'qqisdan baqabo'yin do'stimiz otaxonning gapini og'zidan oldi. - Nega hadeb duch kelganga hasrat qilaverasiz? - dedi do'mboq qo'lini paxsa qilib. - Sizga nima etishmayapti o'zi?.. Sakson ikkiga kirgan bo'lsangiz, nega o'limdan qo'rqasiz? Faqat bitta o'zingiz o'layotganday, muncha vahima qilasiz? Axir, bu narsa hammaning boshida bor, taqdirga tan berish ham kerak-da... Kutilmagan ta'na-dashnomdan hammamiz hang-mang bo'lib qoldik. Otaxon esa qattiq bezovtalandi. Ko'zlari alang-jalang bo'lib, bir bizga, bir o'g'liga javdirab boqdi.

- Jon bolam, - dedi so'ngra a'zo badani titrab-qaqshab, yalinchoq ohangda, - bu gapni oldin ham uch-to'rt bor aytuvding, boshqa aytma. Jon bor joyda qazo borligini o'zim ham yaxshi bilaman. Men o'zimga umr so'rasam, sendan emas, Xudodan so'rayapman. Sen bunaqa peshdahanlik qilma. Yomon gap ko'ngilga toshdek qattiq botadi-ya. Yo, nima, kasal boqish joningga tegdimi?.. - Jonimga tekkanida sizni do'xtirlarga qaratib, manavi sharoitlarni yaratib berarmidim? - Do'stimiz yana otasi so'zini bo'ldi, xumday boshi bilan xonadagi jihozlarga ishora qildi. - Ana, qarang, hamma narsa yetarli, yeganingiz oldingizda, yemaganingiz ortingizda, shunga qaramay, nuqul noliganingiz-noligan.

U sizga ortiqcha gap hayf deganday, jahl aralash qo'l siltadi-yu, tez-tez yurib xonadan chiqib ketdi. Otaxon bo'g'ziga nimadir tiqilganday bo'lib, gapirolmay qoldi. Ustiga-ustak, dardi xuruj qilib, ancha qiynadi. Uzoq yo'talib, tin olgach, uf tortib, ko'zlarini mahkam yumdi. Shu on mijjalari orasidan silqib chiqqan bir tomchi yosh derazadan mo'ralagan quyosh nurida yiltirab ketdi. Biz otaxonning qanday yupatishni bilolmay, uning atrofida lol qotib o'tirardik...

📚 / Ma'nolarning tuganmas jilosi
📚
https://t.me/+iuNRLf9_CXtmYjA8

☀️ ХАЙРЛИ ТОНГ!

Ассалому алайкум! Чоршанба тонги муборак бўлсин!

Сизга оилавий хотиржамлик, тани соғлик, хайрли амалларга тўла ва дуолар мустажоб бўлувчи лаҳзаларга бой яна жуда кўп субҳи содиқлар тилаймиз.

👉 TONGGI SALOMLAR

Vahima qilish yarim kasallikdir.
Xotirjamlik yarim sog‘likdir.
Sabr esa shifoning boshlanishidir.

©Ibn Sino

https://t.me/+iuNRLf9_CXtmYjA8

Erkaklar ichida daholari, shu bilan birga ahmoqlari ham ko‘p uchraydi. Ayollarda esa daholari nodir, shuningdek ahmoqlari ham kam bo‘ladi.

©Abdurahmon Boniy

https://t.me/+iuNRLf9_CXtmYjA8

“Aqlim har kun tavba qilar,
Nafsim har on tavbamni buzar!
Ikkisi orasida qolgan bir bechoraman...”

©Mavlono Rumiy

https://t.me/+iuNRLf9_CXtmYjA8

Kulayotgan kimsadan nega kulyabsan deb so’ralmaydi... Lekin yig’layotgan kimsadan nega yig’layotgani so’raladi. Sen xam duolaringda yig’lagin-ki, Robbing ham sendan sababini so’rasin..

©Jaloliddin Rumiy

https://t.me/+iuNRLf9_CXtmYjA8

Aslida sukutning ham ovozi bor...
Uni eshitadigan yurak kerak!🍃

©Shams Tabriziy

https://t.me/+iuNRLf9_CXtmYjA8

Jism kasal bo‘lganda unga yeyish va ichish foyda bermaganidek, qalb ham shahvatlar sababidan xastalanganda va’z va nasihatlar kor qilmaydi.

©Ibn Qayyim rahimahulloh

https://t.me/+iuNRLf9_CXtmYjA8

🌱 Istigʻfor — ikki dunyo jannati.

🌱 Istigʻfor — moʻl - koʻl rizq.

🌱 Istigʻfor — oila va zurriyot.

🌱 Istigʻfor — salohiyat va xotirjamlik.

🌱 Istigʻfor — ofiyat va sakinat.

🌱 Istigʻfor — tinchlik omonlik va saodat

🌱 Istigʻfor — bogʻ -rogʻlar, anhorlar.

🌱 Istigʻfor — buyuk zafar, ulkan mukofot.

ISTIGʻFOR - IKKI DUNYO SAODATI!

Nima uchun uni koʻpaytirmaysiz?!😔

🌱 Astagʻfirulloha va atuvbu ilayh


📚 / Ma'nolarning tuganmas jilosi
📚
https://t.me/+iuNRLf9_CXtmYjA8

TUSHIMDA

Koʻngil tamomila nomlandi xirsiy,
Tobora gʻichirlar ostimda kursiy,
Zuxutdan dars bering, Salmoni Forsiy,
Koʻrgim kelayotir sizni tushimda.

Koʻngil siltanmaydi koʻrsa ham tobut,
Bu holda ertaga boʻlaman nobud.
Holimni izohlang, Zayd ibn Sobit,
Koʻrgim kelayotir sizni tushimda.

Ba’zan uyqu gʻolib, bomdod ham malol,
“Oʻrningdan tur”, debon yigʻlaydi hilol.
Azonni his qilay, oʻrgating Bilol,
Koʻrgim kelayotir sizni tushimda.

Tinmagay Shayton deb: tinmasdan sayra,
Dunyo besh kunlikdir, erinmay yayra.
Kurashni oʻrgating, Abu Huroyra,
Koʻrgim kelayotir sizni tushimda.

Qiyomat tongida ne erur nasab?
U kunda darz ketib, portlagay asab.
Dunyoga tupurish nedur, ey Musab?
Koʻrgim kelayotir sizni tushimda.

Zar qadrin biladi haqiqiy zargar,
Solihlar dunyodan qildilar xazar.
Oʻrgating asli ne taqvo, ey Abu Zar,
Koʻrgim kelayotir sizni tushimda.

Tinmagay Shayton deb: tinmasdan sayra,
Dunyo besh kunlikdir erinmay yayra.
Kurashni oʻrgating, Abu Huroyra,
Koʻrgim kelayotir sizni tushimda.

Bevafo koʻngildan charchadim noliy,
Istadim Robbimni uzlatda holi.
Mardlikni oʻrganay, xazrati Ali,
Koʻrgim kelayotir sizni tushimda.

Vujudim titrasa, oʻqisam Qurʻon,
Koʻrganlar devona desalar hayron,
Bu holning siri ne, ey shahid Usmon?
Koʻrgim kelayotir sizni tushimda.

Qop-qora kechalar boʻlsin yop-yorugʻ,
Shayton xujumidan tamoman forigʻ.
Mardlikni oʻrgating, Umar ul Forugʻ,
Koʻrgim kelayotir sizni tushimda.

Najot topgan qavm boʻldilar shokir,
Bunda yoʻq na nifoq, yoʻq erur makr.
Iymondan dars bering, ey Abu Bakr,
Koʻrgim kelayotir sizni tushimda.

Qalbimdan oʻtganin biladi Alloh,
Boshqasi kerakmas, Allohim guvoh.
Bir bora boʻlsa ham, yo Rasululloh,
Koʻrgim kelayotir sizni tushimda.

©Xayrulla Hamidov

📚 / Ma'nolarning tuganmas jilosi
https://t.me/+iuNRLf9_CXtmYjA8