Она билан отанинг бизга қиладиган хизматлари.

🌸 - Сени ўз жисмида пайдо бўлганингни сезишидан бошлаб севадиган зот - Она!
💠 - Ҳали пайдо бўлмасингдан олдин орзу билан сени севадиган зот - Ота!

🌸 - Она ўз ҳаётини тикиб сени дунёга тақдим қилади;
💠 - Ота ўз бахти эвазига сенга дунёни тақдим қилади.

🌸 - Она сенга ҳаёт совға қилади;
💠 - Ота сенга бу ҳаётда қандай яшаш илмини совға қилади;

🌸 - Она сени тўққиз ой қорнида кўтариб юради;
💠 - Ота сени бир умр елкасида кўтариб юради;

🌸 - Она сени туғушда тўлғоқ ўтказади;
💠 - Ота туғулганингдан кейин сени учун доим «тўлғоқда» бўлади;

🌸 - Она касал бўлсанг йиғлайди;
💠 - Ота йиғласанг касал бўлади;

🌸 - Она сенинг оч қолишингдан ташвиш қилади;
💠 - Ота сенинг қандай оч қолмаслигингни ўргатади;

🌸 - Она меҳр булоғи;
💠 - Ота ҳикмат уммони;

🌸 - Она айбингни беркитиб, сендан масъулиятни ўз зиммасига олади;
💠 - Ота сени назорат қилиб, қалбингга масъулият уруғларини экади;

🌸 - Она йиқилмаслигингни ташвишида бўлади;
💠 - Ота йиқлганингда қандай туришингни ўргатади;

🌸 - Она гўзаллик ва камолот - ойнаси;
💠 - Ота воқеалик ва жиддият - ойнаси;

🌸 - Онани Она бўлгач тушунасан;
💠 - Отани Ота бўлганингда танийсан;

🌸 - Она - ўрнини тўлдириб бўлмайдиган бебаҳо хилқат;
💠 - Ота - замон ўтиши билан такрорланмайдиган ҳайбат!

🤲 Аллоҳим! Ота-онам мени гўдаклигимда меҳр ила тарбия қилганидек, Сен ҳам уларга раҳмат назаринг ила таважжуҳ қил!

•┈┈┈┈•❈••✾••❈•┈┈┈┈•
👉 Каналга аъзо бўлинг!👇
✅ https://t.me/joinchat/Bkf8XvRP9hZhYTE6

Кимни Аллоҳ солиҳа аёл билан ризқлантирган бўлса

Анас ибн Молик розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Кимни Аллоҳ солиҳа аёл билан ризқлантирган бўлса, батаҳқиқ, унга динининг ярмига ёрдам берибди. (Энди) иккинчи ярмида Аллоҳга тақво қилсин», дедилар».

Тобароний ва Ҳоким ривоят қилганлар.

📖 «Бахтиёр оила» китобидан

•┈┈┈┈•❈••✾••❈•┈┈┈┈•
👉 Каналга аъзо бўлинг!👇
✅ https://t.me/joinchat/Bkf8XvRP9hZhYTE6

Оятал курси фазилати

Қуръони Карим башарият учун ҳидоят манбаи бўлса, ундаги оятлар ичида шундай бир гавҳар борки, у ўзида Аллоҳ таолонинг борлиги, бирлиги ва чексиз қудратини мукаммал тарзда жамлаган. Бу Бақара сурасининг 255-ояти бўлмиш «Оятал Курси»дир. Ислом оламида «оятларнинг саййиди» деб эътироф этилган ушбу муборак оят нафақат ўзининг балоғати, балки инсон руҳини ёмонликлардан ҳимоя қилувчи кучли қалқон эканлиги билан ҳам алоҳида аҳамиятга эга. Барчамизга маълум бўлганидек Оятал курси қуйидагичадир.
اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ
«Аллоҳдан ўзга ҳеч қандай илоҳ йўқ, фақат Унинг ўзи бордир! У тирик ва абадий турувчидир. Уни мудроқ ҳам, уйқу ҳам олмайди. Осмонлар ва Ердаги (барча) нарсалар Уникидир. (Қиёмат куни) Унинг ҳузурида ким ҳам (гуноҳкорларни) Унинг рухсатисиз шафоат қила оларди?! Аллоҳ одамларнинг олдиларидаги ва ортларидаги бор нарсани билади. (Одамлар) Унинг илмидан фақат (У) истаган миқдорича ўзлаштирурлар. Унинг Курсийси осмонлар ва Ерни (ҳам) ўз ичига сиғдира олур. У иккисини муҳофаза этиш Уни толиқтирмас. У Олий ва Буюкдир».

Оятнинг қисқа тафсири билан танишсак:
«Аллоҳдан ўзга ҳеч қандай илоҳ йўқ, фақат Унинг ўзи бордир!» Аллоҳ яккаю-ягона, фақатгина Аллоҳга ибодат қилинади. Унгагина илтижо қилиб, ҳожатлар сўралади. Аллоҳдан бошқага ибодат қилиш эса, катта адашиш ва Аллоҳга ширк келтиришдир.
«У тирик ва абадий турувчидир». Аллоҳнинг тириклиги азалий ва абадий бўлиб, уни бошланиши ҳам, тугаши ҳам йўқ. Аллоҳ барча борлиқдаги нарсани бошқарувчи ва яратувчидир. Аллоҳнинг изни ва ёрдамисиз бирор-бир кўкат ўсмас, бирор-бир барг тўкилмас, ҳеч ким ризқ топа олмас ва бирор-бир жонзот ҳаракат қила олмас ҳатто нафас ҳам ололмайди. Демак, Аллоҳ таоло еру осмондаги барча нарсани бошқариб, уларни ҳаракатга келтириб турадиган Зотдир.
Оятал курси фазилати: Имом Насафий «Мадорик ат- танзил ва ҳақоиқ ат-тавил» номли тафсир китобида ушбу оятни тафсир қила туриб унинг фазилати борасида қуйидаги ҳадисларни келтиради:

Алий розияллоҳу анҳу Расулуллоҳ соллаллоҳу алайҳи ва салламдан ривоят қиладилар: «Ким ҳар бир фарз намозидан сўнг уни ўқиса, у инсонни жаннатга киришидан фақат ўлим тўсиб туради холос, уни ўқишга сиддиқ ёки обид кишиларгина бардавом бўлади. Ким уни уйқуга ётганда ўқиса, Аллоҳ ўша инсонни, қўшнисини ва қўшнисининг қўшнисини ҳамда ён атрофдаги уйларни асрайди».

Бошқа бир ҳадисда Расулуллоҳ соллаллоҳу алайҳи ва саллам айтадилар: «Кимда ким оятал курсини уйқуга ётганда ўқиса, унинг олдига бир фаришта тонг откунгача қўриқлаш учун юборилади».
Яна бир ҳадиси шарифда Расулуллоҳ соллаллоҳу алайҳи ва саллам марҳамат қиладилар: «Бу оят ўқилган уйдан Шайтон ўттиз кун узоқлашади, қирқ кун давомида у уйга сеҳргар ҳам, сеҳр ҳам кирмайди».

Ҳожиакбар Ўтанов,
ҲИМ талабаси

•┈┈┈┈•❈••✾••❈•┈┈┈┈•
👉 Каналга аъзо бўлинг!👇
✅ https://t.me/joinchat/Bkf8XvRP9hZhYTE6

Саъид ибн Мусаййиб роҳимаҳуллоҳга хабар келтирди:
- Иброҳим ибн Муҳаммад вафот қилди.
- Қандай вафот қилди?
- Устига қасри қулаб тушди. Қасрнинг остида қолиб кетди.
- Бўлиши мумкин эмас. Унақа инсонлар бу тариқа ўлмайди.
Инсонлар Саъид ибн Мусаййибни талаби билан қаср вайроналари остидан Иброҳимни қидиришди. Ҳақиқатдан ҳам қасрнинг остидан ҳеч бир зарарсиз ҳолда топиб чиқариб олишди. Жисмига бирор зарар етмаган эди. Кишилар Саъид ибн Мусаййибдан сўрашди:
- Унинг тириклигини қаердан билдингиз?
Саъид деди:
- У силаи раҳм қилиб юрар эди. Силаи раҳм қилганларни Аллоҳ ёмон ўлимдан сақлайди!

•┈┈┈┈•❈••✾••❈•┈┈┈┈•
👉 Каналга аъзо бўлинг!👇
✅ https://t.me/joinchat/Bkf8XvRP9hZhYTE6

«Аллоҳ бирор кишига беш нарсани берса, унинг учун бошқа беш нарсани тайёрлаб қўяди:

1. Шукр неъматини берса, унинг учун зиёдаликни тайёрлаб қўяди.

2. Дуо қилиш неъматини берса, унинг учун ижобатни тайёрлаб қўяди.

3. Истиғфор айтиш неъматини берса, унинг учун мағфиратни тайёрлаб қўяди.

4. Тавба қилиш неъматини берса, унинг учун қабулни тайёрлаб қўяди.

5. Садақа қилиш неъматини берса, унинг учун қабул этишни тайёрлаб қўяди».

•┈┈┈┈•❈••✾••❈•┈┈┈┈•
👉 Каналга аъзо бўлинг!👇
✅ https://t.me/joinchat/Bkf8XvRP9hZhYTE6

#Ҳадис

“Ким дуосининг мустажоб бўлишини ва ғам-ташвишдан қутулишни истаса, ёрдамга муҳтожларга ёрдам берсин”.

Имом Аҳмад ривояти.

•┈┈┈┈•❈••✾••❈•┈┈┈┈•
👉 Каналга аъзо бўлинг!👇
✅ https://t.me/joinchat/Bkf8XvRP9hZhYTE6

Дунё ўзи нима?

Кимдир мол истар, кимдир гўзал ёр, яна кимдир уй-жой...

Аллоҳ Жалла ва Аъло имтиҳон қилади, қолгани эса бир баҳона...

Қул деганинг сабрли бўлсинки, камолотга эришсин...

"Яхши эмас" демоқликка қандай ҳаддимиз бўлсин.
Ҳар қандай ҳолатимизга Аллоҳга шукрлар бўлсин!

Ҳазрати Шамс Табризий.

•┈┈┈┈•❈••✾••❈•┈┈┈┈•
👉 Каналга аъзо бўлинг!👇
✅ https://t.me/joinchat/Bkf8XvRP9hZhYTE6

#Ҳар_кунга_бир_ҳадис

Абдуллоҳ ибн Амр розияллоҳу анҳумодан ривоят қилинади:
“Расулуллоҳ соллаллоҳу алайҳи васаллам пора берувчини ҳам, пора олувчини ҳам лаънатладилар”.

Имом Абу Довуд ва Имом Ибн Можа ривояти.

•┈┈┈┈•❈••✾••❈•┈┈┈┈•
👉 Каналга аъзо бўлинг!👇
✅ https://t.me/joinchat/Bkf8XvRP9hZhYTE6